Samsung Galaxy a04: సామ్సంగ్ నుంచి కొత్త ఫోన్ వచ్చేస్తోంది.. రూ. 10 వేలలోనే 50 మెగాపిక్సెల్ కెమెరా..
Samsung Galaxy a04: దక్షిణ కొరియాకు చెందిన ఎలక్ట్రానిక్ దిగ్గజం మళ్లీ ఇండియన్ మార్కెట్లో తన సత్తా చాటడానికి సిద్ధమవుతోంది. షావోమి, రియల్మీ లాంటి చైనా ఫోన్ల సందడి బాగా పెరిగిన నేపథ్యంలో బడ్జెట్ ఫోన్లను తీసుకొచ్చే పనిలో పడింది...
Updated on: Aug 25, 2022 | 4:18 PM
Samsung Galaxy a04: దక్షిణ కొరియాకు చెందిన ఎలక్ట్రానిక్ దిగ్గజం మళ్లీ ఇండియన్ మార్కెట్లో తన సత్తా చాటడానికి సిద్ధమవుతోంది. షావోమి, రియల్మీ లాంటి చైనా ఫోన్ల సందడి బాగా పెరిగిన నేపథ్యంలో బడ్జెట్ ఫోన్లను తీసుకొచ్చే పనిలో పడింది. ఇందులో భాగంగా ఇప్పటికే A సిరీస్లో ఫోన్లను విడుదల చేస్తున్న విషయం తెలిసిందే. ఈ క్రమంలోనే తాజాగా ఇదే సిరీస్లో భాగంగా గ్యాలక్సీ A04 పేరుతో కొత్త ఫోన్ను తీసుకొస్తోంది. త్వరాలోనే మార్కెట్లోకి అందుబాటులోకి రానున్న ఈ స్మార్ట్ ఫోన్కు సంబంధించిన ఫీచర్లు, ధర ఎలా ఉండనున్నాయో ఓ లుక్కేయండి..
సామ్సంగ్ గ్యాలక్సీ ఏ04 స్మార్ట్ఫోన్లో 6.5 ఇంచెస్ హెచ్డీ + స్క్రీన్ను ఇస్తున్నారు. 60 హెచ్జెడ్ రిఫ్రెష్ రేట్తో కూడిన ఇన్ఫినిటీ V డిస్ప్లే ఈ ఫోన్ సొంతం. ఆండ్రాయిడ్ 12 ఆపరేటింగ్ సిస్టమ్పై పనిచేసే ఈ ఫోన్లో ఆక్టాకోర్ ఎస్ఓసీ ప్రాసెసర్ను అందించారు. ఈ స్మార్ట్ ఫోన్ను మొత్తం మూడు వెర్షన్స్లో విడుదల చేయనున్నారు. వీటిలో 4జీబీ ర్యామ్ + 32 జీబీ స్టోరేజ్, 6 జీబీ ర్యామ్ + 64 జీబీ స్టోరేజ్, 8 జీబీ ర్యామ్ + 128 జీబీ స్టోరేజ్ వేరియంట్స్తో తీసుకురానున్నారు.
కెమెరా విషయానికొస్తే ఇందులో 50 మెగాపిక్సెల్ రెయిర్ కెమెరాతో పాటు సెల్ఫీల కోసం 5 మెగా పిక్సెల్ ఫ్రంట్కెమెరాను ఇవ్వనున్నారు. ఇక 5000 ఎమ్ఏహెచ్ బ్యాటరీ ఈ ఫోన్ సొంతం. ధర విషయానికొస్తే బేసిక్ మోడల్ రూ. 10 వేల నుంచి ఉండనున్నట్లు సమాచారం. ధరపై క్లారిటీ రావాలంటే ఫోన్ లాంచింగ్ వరకు వేచి చూడాలి.
మరిన్ని టెక్నాలజీ వార్తల కోసం క్లిక్ చేయండి..
