గేమింగ్‌ లవర్స్‌కు పండగే! IQOO కొత్త ట్యాబ్లెట్​ ధర, ఫీచర్లు చూస్తేనే పిచ్చెక్కిపోతోంది

స్మార్ట్‌ఫోన్‌లతో పాటు గేమింగ్ డివైజ్‌ల విభాగంలోనూ తన స్థానాన్ని బలోపేతం చేసుకునే దిశగా iQOO అడుగులు వేస్తోంది. ఈ క్రమంలో iQOO Pad Pro 8.8 ట్యాబ్లెట్‌ను చైనా మార్కెట్లో పరిచయం చేసేందుకు సిద్ధమవుతున్నట్లు సమాచారం. అధిక రిఫ్రెష్ రేట్‌ స్క్రీన్‌, 9,020mAh బ్యాటరీతో వస్తున్న ఈ ట్యాబ్లెట్‌ ఫీచర్లు ఇప్పుడు చర్చనీయాంశంగా మారాయి.

165Hz OLED డిస్‌ప్లే..

Vivo సబ్‌బ్రాండ్‌ iQOO తన కొత్త ట్యాబ్లెట్‌ iQOO Pad Pro 8.8ను ఈ నెలలో చైనాలో విడుదల చేయనున్నట్లు Weibo పోస్ట్‌ ద్వారా వెల్లడించినట్లు సమాచారం. ఈ డివైజ్‌కు సంబంధించిన ప్రీ-ఆర్డర్లు కూడా ప్రారంభమైనట్లు తెలుస్తోంది. అయితే భారత్‌లో విడుదల తేదీ, ధర వివరాలు ఇంకా వెల్లడికాలేదు.

ఈ ట్యాబ్లెట్‌లో 8.8 అంగుళాల OLED డిస్‌ప్లేను అందించనున్నట్లు సమాచారం. దీనికి 165Hz రిఫ్రెష్ రేట్‌ ఉండటం ప్రత్యేకత. సాధారణ డిస్‌ప్లేలతో పోలిస్తే అధిక రిఫ్రెష్ రేట్‌ వల్ల వేగంగా కదిలే దృశ్యాలు మరింత స్మూత్‌గా కనిపించే అవకాశం ఉంటుంది. ముఖ్యంగా యాక్షన్ గేమ్స్‌, వేగవంతమైన గేమింగ్‌ సెషన్లలో ఇది ఉపయోగపడుతుంది.

బ్యాటరీ విషయానికి వస్తే.. iQOO Pad Pro 8.8లో 9,020mAh సామర్థ్యం కలిగిన బ్యాటరీని అందించనున్నట్లు కంపెనీ వెల్లడించినట్లు సమాచారం. పెద్ద బ్యాటరీ ఉండటం వల్ల గేమింగ్‌, వీడియో స్ట్రీమింగ్‌, ఇతర రోజువారీ పనులకు ఎక్కువ బ్యాకప్‌ లభించే అవకాశం ఉంది. అయితే వాస్తవ బ్యాటరీ లైఫ్‌ వినియోగం, స్క్రీన్ బ్రైట్‌నెస్‌, గేమింగ్ సెట్టింగ్స్‌పై ఆధారపడి ఉంటుంది.

యాక్టివ్ కూలింగ్ ఫ్యాన్‌..

గేమింగ్ సమయంలో ట్యాబ్లెట్‌ వేడెక్కకుండా ఉండేందుకు iQOO Pad Pro 8.8లో Ice Dome Quad-Cooling Systemను అందించనున్నట్లు సమాచారం. ఇందులో యాక్టివ్ కూలింగ్ ఫ్యాన్‌ ఉండటం ప్రత్యేకతగా నిలవనుంది. ఎక్కువసేపు గేమ్స్‌ ఆడేటప్పుడు ఉష్ణోగ్రతలను నియంత్రించడంలో ఇలాంటి కూలింగ్ వ్యవస్థ సహాయపడవచ్చు.

ప్రాసెసర్‌ విషయానికి వస్తే.. ఇందులో Qualcomm Snapdragon 8 Elite Gen 5 చిప్‌సెట్‌ ఉండవచ్చని టెక్ వర్గాలు అంచనా వేస్తున్నాయి. అయితే ఈ ప్రాసెసర్‌ వివరాలను అధికారికంగా ధ్రువీకరించాల్సి ఉంది. ఈ ట్యాబ్లెట్‌తో పాటు iQOO Neo 12 స్మార్ట్‌ఫోన్‌ను కూడా చైనా మార్కెట్లో పరిచయం చేసే అవకాశం ఉందని సమాచారం.

ప్రస్తుతానికి iQOO Pad Pro 8.8 ధర, RAM, స్టోరేజ్‌ వేరియంట్లు, ఫాస్ట్ ఛార్జింగ్‌ సామర్థ్యం వంటి పూర్తి వివరాలు తెలియాల్సి ఉంది. భారత మార్కెట్లో ఈ ట్యాబ్లెట్‌ అందుబాటులోకి వస్తుందా? వస్తే దాని ధర ఎంత ఉంటుంది? అనే విషయాలపై కంపెనీ అధికారిక ప్రకటన కోసం వేచి చూడాలి.