Tech Hacks: మీ స్మార్ట్‌ఫోన్ ఓవర్‌హీట్ అవుతోందా..? ఆ తప్పు మాత్రం చేయకండి

స్మార్ట్‌ఫోన్ ప్రస్తుతం ప్రతి ఒక్కరి జీవితంలో భాగంగా మారిపోయింది. కాల్స్, మెసేజ్‌లు, సోషల్ మీడియా, ఆన్‌లైన్ బ్యాంకింగ్, వినోదం.. ఇలా అన్ని పనులకూ మొబైల్‌నే ఉపయోగిస్తున్నాం. అయితే చాలా మంది ఎదుర్కొనే సాధారణ సమస్యల్లో స్మార్ట్‌ఫోన్ వేడెక్కడం ఒకటి. ఎక్కువసేపు ఫోన్ ఉపయోగించినప్పుడు ఈ సమస్య మరింత ఎక్కువగా కనిపిస్తుంది. ఫోన్ స్వల్పంగా వేడెక్కడం సహజమే అయినప్పటికీ.. అతిగా వేడెక్కడం మాత్రం బ్యాటరీ, ప్రాసెసర్, ఇతర ఇంటర్నల్ పార్ట్స్ మీద ప్రతికూల ప్రభావం చూపే అవకాశం ఉంది. మరి స్మార్ట్‌ఫోన్ ఎందుకు వేడెక్కుతుంది? దాన్ని ఎలా నివారించాలి? తెలుసుకుందాం.

స్మార్ట్‌ఫోన్ వేడెక్కడానికి ప్రధాన కారణాలు

1. ఎక్కువసేపు గేమింగ్, వీడియో స్ట్రీమింగ్

స్మార్ట్‌ఫోన్‌లో హెవీ గ్రాఫిక్స్ ఉన్న గేమ్స్ ఆడటం లేదా గంటల తరబడి వీడియోలు చూడటం వల్ల ఫోన్ ప్రాసెసర్ సుదీర్ఘంగా పనిచేస్తుంది. దీంతో స్మార్ట్‌ఫోన్ వేడెక్కే అవకాశమంది.

ఇవి కూడా చదవండి

మీ పిల్లలు భవిష్యత్తులో ధనవంతులు కావాలా? ఇప్పుడే పునాది వేయండి

బద్దకాన్ని వదిలి కొత్త మనిషిలా మారాలా? ఈ చిన్న ట్రిక్ ట్రై చేయండి

రతన్ టాటా చెప్పిన ECG ఫార్ములా..ఇది తెలిస్తే మీరు ఓటమికి భయపడరు..

జపనీయుల జీవన సూత్రాలు..! మీ జీవితం మారిపోవడం ఖాయం..!

2. అధిక స్క్రీన్ బ్రైట్‌నెస్

స్క్రీన్ బ్రైట్‌నెస్‌ను ఎప్పుడూ గరిష్ట స్థాయిలో ఉంచడం వల్ల బ్యాటరీపై అదనపు ఒత్తిడి పడుతుంది. ఇది ఫోన్ వేడెక్కడానికి ప్రధాన కారణాల్లో ఒకటి.

3. బ్యాక్‌గ్రౌండ్‌లో నడిచే యాప్స్

మనకు తెలియకుండానే అనేక యాప్స్ బ్యాక్‌గ్రౌండ్‌లో రన్ అవుతుంటాయి. ఇవి RAM, ప్రాసెసర్ వనరులను ఉపయోగిస్తూ ఫోన్‌ను వేడెక్కిస్తాయి.

4. నాణ్యత లేని చార్జర్లు

ఒరిజినల్ చార్జర్‌కు బదులుగా నాణ్యత లేని చార్జర్లను ఉపయోగిస్తే బ్యాటరీకి సరైన వోల్టేజ్ అందక ఫోన్ వేడెక్కే ప్రమాదం ఉంటుంది.

5. ఎండలో ఫోన్ వినియోగం

నేరుగా సూర్యరశ్మిలో ఫోన్ ఉపయోగించడం లేదా వేడి ప్రదేశాల్లో ఉంచడం వల్ల కూడా ఫోన్ ఉష్ణోగ్రత వేగంగా పెరుగుతుంది.

ఫోన్ వేడెక్కకుండా ఉండాలంటే ఈ జాగ్రత్తలు పాటించండి

• ఒరిజినల్ చార్జర్‌ను మాత్రమే ఉపయోగించండి: మొబైల్ తయారీ సంస్థ సూచించిన చార్జర్‌తోనే ఫోన్‌ను చార్జ్ చేయడం మంచిది.
• అనవసర యాప్స్‌ను మూసివేయండి: వాడని యాప్స్‌ను క్లోజ్ చేయడం ద్వారా RAM, ప్రాసెసర్‌పై ఒత్తిడి తగ్గుతుంది.
• స్క్రీన్ బ్రైట్‌నెస్‌ను తగ్గించండి: ఆటో బ్రైట్‌నెస్ లేదా అవసరమైనంత మాత్రమే బ్రైట్‌నెస్ ఉంచడం బ్యాటరీని ఆదా చేయడమే కాకుండా హీటింగ్ సమస్యను కూడా తగ్గిస్తుంది.
• ఫోన్‌కు విశ్రాంతి ఇవ్వండి: ఎక్కువసేపు గేమింగ్ లేదా వీడియోలు చూసిన తర్వాత కొంతసేపు ఫోన్‌ను పక్కన పెట్టడం మంచిది.
• ఎండకు దూరంగా ఉంచండి: కారులో, నేరుగా సూర్యరశ్మి పడే ప్రదేశాల్లో లేదా అధిక ఉష్ణోగ్రత ఉన్న ప్రాంతాల్లో ఫోన్‌ను ఉంచకండి.

ఫోన్ ఎక్కువగా వేడెక్కితే ఏమి చేయాలి?

• వెంటనే గేమ్స్ లేదా హెవీ యాప్స్‌ను మూసివేయండి.
• చార్జింగ్‌లో ఉంటే చార్జర్‌ను తొలగించండి.
• అవసరమైతే ఫోన్‌ను స్విచ్ ఆఫ్ చేసి కొంతసేపు చల్లబడనివ్వండి.
• చల్లబరచడానికి ఫ్రిజ్‌లో పెట్టడం వంటి పనులు మాత్రం చేయకండి.

స్మార్ట్‌ఫోన్ వేడెక్కడం సాధారణ విషయమే అయినప్పటికీ, తరచూ లేదా అతిగా వేడెక్కితే దాన్ని నిర్లక్ష్యం చేయకూడదు. సరైన చార్జింగ్ అలవాట్లు, బ్రైట్‌నెస్ నియంత్రణ, బ్యాక్‌గ్రౌండ్ యాప్స్ నిర్వహణ వంటి చిన్న చిన్న జాగ్రత్తలు పాటిస్తే ఫోన్ పనితీరు మెరుగుపడటమే కాకుండా బ్యాటరీ లైఫ్ టైమ్ కూడా పెరుగుతుంది.

Also Read: ల్యాప్‌టాప్‌ను ఛార్జింగ్‌లో పెట్టి వాడొచ్చా..? నిపుణులు చెప్పేదేంటి?