HP Touch Chromebook: రూ. 10వేలలోనే టచ్‌ స్క్రీన్‌ ల్యాప్‌టాప్‌.. ఇలాంటి ఆఫర్‌ మళ్లీ రాదండోయ్‌..

ప్రముఖ ఈ కామర్స్‌ సంస్థ ఫ్లిప్‌కార్ట్.. బిగ్ బిలియన్‌ డేస్‌ సేల్‌ పేరుతో భారీ డిస్కౌంట్స్‌ను అందిస్తున్న విషయం తెలిసిందే. ఈ సేల్‌లో భాగంగా ఎలక్ట్రానిక్స్‌ మొదలు గృహోపకరణాల వరకు అన్ని రకాల వస్తువులపై భారీ డిస్కౌంట్స్‌ను అందిస్తున్నారు. ఈ సేల్‌లో భాగంగా ల్యాప్‌టాప్‌లపై కూడా మంచి డీల్‌ లభిస్తోంది. తక్కువ ధరలో ల్యాప్‌ట్యాప్‌ను సొంతం చేసుకునే అవకాశం లభిస్తోంది. ఆ డీల్‌కు సంబంధించిన పూర్తి వివరాలు ఇప్పుడు తెలుసుకుందాం..

హెచ్‌పీ టచ్‌ క్రోమ్‌బుక్‌ పేరుతో తీసుకొచ్చిన ఈ ల్యాప్‌టాప్‌పై ఫ్లిప్‌కార్ట్‌లో భారీ డిస్కౌంట్‌ లభిస్తోంది. ఈ ల్యాప్‌టాప్‌ అసలు ధర రూ. 37,241 కాగా ప్రస్తుతం సేల్‌లో భాగంగా ఏకంగా 70 శాతం డిస్కౌంట్‌ లభిస్తోంది. దీంతో ఈ ల్యాప్‌టాప్‌ను రూ. 10,990కి సొంతం చేసుకోవచ్చు. అయితే పలు బ్యాంకులకు చెందిన క్రెడిట్‌ కార్డులతో కొనుగోలు చేస్తే అదనంగా రూ. 1250 వరకు డిస్కౌంట్ పొందొచ్చు. దీంతో ఈ ల్యాప్‌టాప్‌ను రూ. 10వేల లోపే సొంతం చేసుకోవచ్చు.

ఇక ఈ ల్యాప్‌టాప్‌ ఫీచర్ల విషయానికొస్తే ఇందులో.. యూఎస్‌బీ పోర్ట్ 2.0 టైప్ ఏ పోర్ట్, ఒక సూపర్ స్పీడ్ యూఎస్‌బీ టైప్ సీ 5 జీబీపీఎస్ సిగ్నలింగ్ రేటు పోర్ట్ వంటివి అందించారు. ఇందులో 11.6 ఇంచెస్‌తో కూడిన టచ్‌ స్క్రీన్‌ను అందించారు. ఇంత తక్కువ ధరలో టచ్‌ స్క్రీన్ లభించడం విశేషం. ఇక ఈ స్క్రీన్ రెజల్యూషన్ 1366 x 768 పిక్సల్‌తో తీసుకొచ్చారు. స్క్రీన్ టైప్ హెచ్‌డీ, ఐపీఎస్, యాంటీ గ్లేర్ వంటి ఫీచర్లను అందించారు.

తక్కువ బరువులో ఉన్న ఈ ల్యాప్‌టాప్‌ను ఆప్టికల్ డిస్క్‌ డ్రైవ్‌ను అందించలేదు. ఇక ఈ ల్యాప్‌టాప్‌ మీడియాటెక్‌ ఎస్‌టీ8183 ప్రాసెసర్‌తో పనిచేస్తుంది. ఈ ల్యాప్‌టాప్‌లో 32 జీబీ స్టోరేజ్‌ను అందిచారు. ఇక 720పీ హెచ్‌డీతో కూడిన వెబ్‌ కెమెరాను అందించారు. కంపెనీ ఈ ల్యాప్‌టాప్‌ప ఏడాది క్యారీ ఇన్‌ వారంటీ అందించారు. ఇక ఇందులో స్పీకర్లు, మైక్ వంటివి కూడా ఉంటాయి.

మరిన్ని టెక్నాలజీ వార్తల కోసం క్లిక్ చేయండి..