Facebook: ఫేస్‌బుక్‌ యూజర్లకు గుడ్ న్యూస్.. ఇక లైవ్ ఆడియో రూమ్స్.. వీరికి మాత్రమే అనుమతి..!

Facebook:ప్రపంచ వ్యాప్తంగా ఫేస్‌బుక్‌ ఉపయోగించే వారి భారీగానే ఉంటుంది. ఇలాంటి యూజర్లకు ఫేస్‌బుక్‌ గుడ్‌న్యూస్‌ అందించింది. లైవ్‌ ఆడియో రూమ్స్‌ను ప్రవేశపెట్టింది. ఈ లైవ్‌ ఆడియో రూమ్స్‌ ఆండ్రాయిడ్‌, డెస్క్‌టాప్‌ యూజర్లకు అందుబాటులో ఉండనున్నట్లు తెలుస్తోంది. ప్రస్తుతం ఈ లైవ్‌ ఆడియో రూమ్స్‌ సెలబ్రిటీలకు, కొన్ని గ్రూప్‌లకు మాత్రమే అందుబాటులో ఉంది. ఆండ్రాయిడ్‌ యూజర్లు సొంతంగా లైవ్‌ ఆడియో రూమ్స్‌ క్రియోట్‌ చేసే ఫీచర్‌ను త్వరలోనే తెచ్చేందుకు ఫేస్‌బుక్‌ ప్రయత్నాలను చేస్తోన్నట్లు తెలుస్తోంది. ఈ సంవత్సరం ప్రారంభంలోనే ఫేస్‌బుక్‌ క్లబ్‌ హౌజ్‌, ట్విటర్‌స్పేస్‌ తరహా లాంటి ఆడియో రూమ్స్‌ను క్రియోట్‌ చేసేందుకు సిద్ధమైంది. అందులో భాగంగా యూజర్లకు లైవ్‌ ఆడియో రూమ్‌ ఫీచర్‌ను అందుబాటులోకి తీసుకువచ్చింది. ఈ లైవ్‌ ఆడియో రూమ్స్‌లో స్పీకర్‌గా చేరడానికి ప్రజలను ఆహ్వానించే శక్తి హోస్ట్‌కి ఉంది. కాగా స్పీకర్‌ చేసే సంభాషణను ఎవరైనా వినే అవకాశం ఉంటుంది.

ప్రస్తుతం 50 మంది స్పీకర్‌కు అనుమతి:

ప్రస్తుతం ఫేస్ బుక్ లైవ్ వీడియో కేవలం 50 మంది స్పీకర్‌కు మాత్రమే అనుమతినిస్తుంది ఫేస్‌బుక్‌. వీరు ఏం మాట్లాడుకుంటారో వినేవారికి ఎలాంటి పరిమితిని విధించలేదు. ఈ ఫీచర్ అందుబాటులోకి వస్తే.. కొన్ని సమస్యలు తీరే అవకాశం ఉంది. ట్విట్టర్ స్పేస్, క్లబ్ హౌజ్ వంటి యాప్స్ న డౌన్ లోడ్ చేసుకోవడంలో యూజర్లకు కాస్త ఉపశమనమే అని చెప్పవచ్చు.

ఇవీ కూడా చదవండి:

Fact Check: వాట్సాప్‌ రాత్రి 11.30 నుంచి ఉదయం 6 గంటల వరకు నిలిచిపోనుందా..? ఇందులో నిజమెంత..?

Wi-Fi Calling: వై-ఫై కాలింగ్ అంటే ఏంటి..? స్మార్ట్‌ఫోన్‌లలో దీనిని ఎలా ఉపయోగించాలి..?