హిటాచీ నుంచి సూపర్‌ స్మార్ట్‌ ఏసీలు వచ్చేస్తున్నాయ్‌! ఎంత వేడి ఉన్నా..

భారత మార్కెట్‌ను దృష్టిలో ఉంచుకుని Bosch సంస్థ 2026 సంవత్సరానికి చెందిన కొత్త ఎయిర్ కండిషనర్ల శ్రేణిని విడుదల చేయనున్నట్లు ప్రకటించింది. ఇందులో ప్రధానంగా హిటాచీ బ్రాండ్‌కు చెందిన 80కి పైగా మోడళ్లు ఉండనున్నాయి. దేశంలో పెరుగుతున్న ఉష్ణోగ్రతలను దృష్టిలో పెట్టుకుని, ఈ ఏసీలు 54 డిగ్రీల సెల్సియస్ వరకు కూడా సమర్థవంతంగా గదులను చల్లబరచగలవని కంపెనీ వెల్లడించింది. ఈ కొత్త శ్రేణి వినియోగదారుల విభిన్న అవసరాలకు అనుగుణంగా పలు సిరీస్‌లలో అందుబాటులోకి రానుంది. పెద్ద గదుల కోసం సుమో సిరీస్, ప్రీమియం డిజైన్ కోరుకునేవారికి సిగ్నేచర్ సిరీస్, స్మార్ట్ ఫీచర్లతో ఐజెన్ సిరీస్, శక్తి పొదుపు కోసం యోషి సిరీస్ వంటి విభాగాలు ఇందులో ఉన్నాయి. అదనంగా ఏడాది పొడవునా ఉపయోగించుకునే హాట్ అండ్ కోల్డ్ ఫీచర్‌తో టౌషి సిరీస్ కూడా అందుబాటులో ఉంటుంది.

ఈ ఏసీల్లో ఆక్టా సెన్సార్ టెక్నాలజీ ప్రత్యేక ఆకర్షణగా నిలుస్తోంది. ఇండోర్, అవుట్‌డోర్ యూనిట్లలో అమర్చిన ఎనిమిది సెన్సార్లు పరిసర పరిస్థితులను నిరంతరం పర్యవేక్షిస్తూ, శీతలీకరణ పనితీరును మెరుగుపరుస్తాయి. అలాగే, EEV ప్రెసిషన్ కూల్ టెక్నాలజీ ద్వారా అవసరానికి తగ్గట్టుగా రిఫ్రిజెరెంట్ ప్రవాహాన్ని నియంత్రించడం ద్వారా విద్యుత్ వినియోగాన్ని తగ్గిస్తుంది.

స్మార్ట్ ఫీచర్ల పరంగా కూడా ఈ ఏసీలు ముందంజలో ఉన్నాయి. అలెక్సా, గూగుల్ అసిస్టెంట్ ద్వారా వాయిస్ కంట్రోల్, ఎనర్జీ ట్రాకర్ ద్వారా విద్యుత్ వినియోగంపై పర్యవేక్షణ వంటి సౌకర్యాలు వినియోగదారులకు అందుబాటులో ఉంటాయి. డిజైన్ పరంగా కూడా ఆకర్షణీయమైన ఫినిషింగ్‌లు, తక్కువ శబ్దంతో పని చేసే సిస్టమ్‌లు ఈ మోడళ్ల ప్రత్యేకతగా నిలుస్తున్నాయి. భారతీయ వాతావరణ పరిస్థితులకు అనుగుణంగా రూపొందించిన ఈ కొత్త ఏసీలు, శక్తి పొదుపు, మన్నిక, స్మార్ట్ టెక్నాలజీ కలయికతో వినియోగదారులకు మెరుగైన అనుభవాన్ని అందించనున్నాయి.

మరిన్ని టెక్‌ వార్తల కోసం ఇక్కడ క్లిక్‌ చేయండి