OnePlus Nord 3 5G: రూ. 34 వేల స్మోర్ట్ ఫోన్‌ను రూ. 9వేలకే సొంతం చేసుకునే ఛాన్స్‌..

చైనాకు చెంది స్మార్ట్‌ ఫోన్‌ దిగ్గజం వన్‌ప్లస్‌ గత జులైలో ‘నార్డ్‌ 3’ పేరుతో 5జీ స్మార్ట్ ఫోన్‌ను విడుదల చేసిన విషయం తెలిసిందే. మిడ్ రేంజ్‌ ప్రీమియం స్మార్ట్ ఫోన్‌గా వచ్చిన వన్‌ప్లస్ నార్డ్‌3 యూజర్లను విశేషంగా ఆకట్టుకుంది. మంచి కెమెరా, భారీ డిస్‌ప్లేతో తీసుకొచ్చిన ఈ ఫోన్‌ అమ్మకాలు జోరుగానే సాగాయి. ఈ స్మార్ట్‌ ఫోన్‌ విడదుల సమయంలో ధర రూ. 33,999గా ఉంది. అయితే తాజాగా ప్రముఖ ఈ కామర్స్‌ సంస్థ.. అమెజాన్‌ ఈ స్మార్ట్ ఫోన్‌పై భారీ డిస్కౌంట్‌ను అందిస్తోంది.

ఎక్స్‌ఛేంజ్‌ ఆఫర్‌లో భాగంగా ఈ ఫోన్‌పై ఊహకందని ఆఫర్‌ను అందించింది అమెజాన్‌. ఈ స్మార్ట్ ఫోన్‌ అసలు ధర రూ. 33,999కాగా ఎక్సఛేంజ్‌లో రూ. 24,900 డిస్కౌంట్‌ను పొందొచ్చు. పాత ఫోన్‌ను ఎక్స్‌ఛేంజ్‌ చేసుకోవడం ద్వారా ఈ డిస్కౌంట్‌ను పొందొచ్చు. ఒకవేళ మీ పాత ఫోన్‌పై మొత్తం ఎక్స్‌ఛేంజ్‌ ఆఫర్‌ వర్తిసే ఈ ఫోన్‌ను కేవలం రూ. 9,099కే సొంతం చేసుకోవచ్చన్నమాట. పాత ఫోన్‌ కండిషన్‌ బాగుంటే పూర్తి స్థాయిలో ఎక్స్‌ఛేంజ్‌ వర్తిస్తుంది. అయితే ఆఫర్‌ ఇక్కడితో ఆగిపోలేదు, వన్‌ప్లస్‌ నార్డ్‌ 3 5జీ ఫోన్‌ కొనుగోలు చేసిన వారికి నార్డ్‌ బడ్స్‌ 2ఆర్‌ను ఉచితంగా అందిస్తున్నారు.

అమెజాన్‌తో పాటు, వన్‌ప్లస్‌ స్టోర్ నుంచి ఫోన్‌ను కొనుగోలు చేసిన వారికి మాత్రమే నార్డ్‌ బడ్స్ 2ఆర్‌ను ఉచితంగా సొంతం చేసుకునే అవకాశం ఉంది. ఈ ఇయర్‌ బడ్స్‌ ధర రూ. 2199గా ఉంది. ఫోన్‌ కొనుగోలు చేస్తే ఉచితంగా పొందొచ్చు. ఈ ఇయర్‌ బడ్స్ విషయానికొస్తే ఛార్జింగ్ కేస్‌తో కలిపి ఈ బడ్స్‌ ఏకంగా 40 గంటలపాటు పనిచేయడం విశేషం.

ఇక వన్‌ప్లస్‌ నార్డ్‌ 3 స్మార్ట్ ఫోన్‌ ఫీచర్ల విషయానికొస్తే.. ఇందులో 6,74 ఇంచెస్‌తో కూడిన అమో ఎల్‌ఈడీ డిస్‌ప్లేను అందించారు. ఆండ్రాయిడ్‌ 13 ఆపరేటింగ్ సిస్టమ్‌తో పనిచేసే ఈ స్మార్ట్ ఫోన్‌లో 120 హెచ్‌జెడ్‌ రిఫ్రెష్‌ రేట్‌తో పనిచేసే డిస్‌ప్లేను ఇచ్చారు. కెమెరా విషయానికొస్తే ఇందులో 50 మెగాపిక్సెల్స్‌తో కూడిన రెయిర్‌ కెమెరాతో పాటు, సెల్ఫీల కోసం 16 మెగా పిక్సెల్స్‌తో కూడిన ఫ్రంట్‌ కెమెరాను అందించారు. అలాగే 80 వాట్స్‌ సూపర్ వూక్‌ ఛార్జింగ్‌కు సపోర్ట్ చేసే 5000 ఏంఏహెచ్‌ బ్యాటరీని అందించారు. ఆక్టాకోర్‌ మీడియాటెక్‌ డైమెన్సిటీ 9000 ప్రాసెసర్‌పై పని చేస్తుంది.

మరిన్ని టెక్నాలజీ వార్తల కోసం క్లిక్ చేయండి..