వాట్సాప్‌ యూజర్లకు షాక్‌..99 లక్షల వాట్సాప్‌ ఖాతాలపై నిషేధం..ఎందుకంటే

ఈ ఏడాది జనవరి 1 నుంచి జనవరి 30 వరకు మొత్తం 99 లక్షల 67 వేల ఖాతాలను బ్లాక్ చేసినట్లు కంపెనీ తెలిపింది. వీటిలో 13.27 లక్షల ఖాతాలను ఎటువంటి ఫిర్యాదు అందకముందే నిషేధించారు. 

జనవరిలో వాట్సాప్‌కు దాని వినియోగదారుల నుండి 9,474 ఫిర్యాదులు వచ్చాయి. వీటిలో 239 ఖాతాలపై కంపెనీ చర్యలు తీసుకుంది. ఖాతాలను బ్లాక్ చేయడంతో సహా ఇతర చర్యలు తీసుకుంది.

హానికరమైన కార్యకలాపాలకు పాల్పడే ఖాతాలను గుర్తించి నిషేధించడానికి ఎన్నో రకాలుగా చర్యలు తీసుకుంటుందని వాట్సాప్ తెలిపింది. దీని కోసం ప్రత్యేక సిస్టమ్‌ను ఏర్పాటు చేసింది.

ఇంకా ఈ వ్యవస్థ బల్క్ లేదా స్పామ్ సందేశాలను పంపే ఖాతాలను గుర్తించి వాటిని బ్లాక్ చేస్తుంది. వినియోగదారుల నుండి ఫిర్యాదులు వస్తే కంపెనీ దర్యాప్తు చేసి ఖాతాలను బ్లాక్ చేస్తుంది.

మీరు WhatsApp విధానాలను ఉల్లంఘిస్తే, మీ ఖాతాను కూడా బ్లాక్ చేయవచ్చు. చెడు లేదా స్పామ్ సందేశాలను పంపే, మోసానికి ప్రయత్నించే, పుకార్లను వ్యాప్తి చేసే ఖాతాలపై చర్యలు.