ఈ స్మార్ట్‌ఫోన్ ఉంటే మీ ఇల్లే సినిమా హాల్..! భారీ బ్యాటరీ, ప్రొజెక్టర్ ఫీచర్‌‌తో 8849 ట్యాంక్‌ 5

8849 ట్యాంక్ 5 కేవలం ఒక స్మార్ట్‌ఫోన్ మాత్రమే కాదు, ఇది ఒక పోర్టబుల్ థియేటర్. 220 ల్యూమెన్స్ బ్రైట్‌నెస్‌తో పగలు, రాత్రి తేడా లేకుండా గోడపై సినిమా చూసే అనుభూతిని ఇది అందిస్తుంది. 17,600mAh భారీ బ్యాటరీ, పవర్‌ఫుల్ డైమెన్సిటీ 9400e ప్రాసెసర్, 36GB వరకు రామ్ (RAM) పవర్‌తో వస్తున్న ఈ రగ్గడ్ మొబైల్ పూర్తి సాంకేతిక వివరాలను తెలుసుకుందాం!

‘ప్రొజెక్టర్’ మ్యాజిక్

ఈ ఫోన్‌లోని అతిపెద్ద ఆకర్షణ దాని 2K హై-రెజల్యూషన్ ప్రొజెక్టర్. 220 ల్యూమెన్స్ బ్రైట్‌నెస్‌తో ఇది చీకటిలోనే కాకుండా, పగటిపూట కూడా స్పష్టమైన బొమ్మను చూపిస్తుంది. ఆటోఫోకస్, కీస్టోన్ కరెక్షన్ ఫీచర్ల వల్ల గోడపై ప్రొజెక్ట్ చేసే చిత్రం ఎక్కడా వంకర లేకుండా పక్కాగా వస్తుంది. హై-బ్రైట్‌నెస్ మోడ్‌లో 5 గంటలు, నైట్ మోడ్‌లో 6 గంటల పాటు నిరంతరాయంగా సినిమాలు చూడవచ్చు. అదనంగా 97dB స్మార్ట్ స్పీకర్లు థియేటర్ స్థాయి ఆడియో అనుభవాన్ని అందిస్తాయి.

అద్భుతమైన డిస్‌ప్లే

ఈ ఫోన్‌లో 6.73-అంగుళాల భారీ 3K అమోలెడ్ (AMOLED) డిస్‌ప్లేను అందించారు. 120Hz రిఫ్రెష్ రేట్, 3000 నిట్స్ పీక్ బ్రైట్‌నెస్‌తో ఎండలో కూడా స్క్రీన్ చాలా స్పష్టంగా ఉంటుంది. కెమెరా విభాగంలో కూడా ఇది ఏమాత్రం తగ్గలేదు. వెనుకవైపు 50MP ప్రైమరీ కెమెరా, 50MP టెలిఫోటో లెన్స్, 50MP నైట్ విజన్ కెమెరా ఉన్నాయి. సెల్ఫీల కోసం 32MP ఫ్రంట్ కెమెరాను ఇచ్చారు.

పవర్‌ఫుల్ బ్యాటరీ

ఇందులో 17,600mAh సామర్థ్యం గల భారీ బ్యాటరీ ఉంది, దీనిని 120W ఫాస్ట్ ఛార్జింగ్‌తో కేవలం 90 నిమిషాల్లోనే ఫుల్ ఛార్జ్ చేయవచ్చు. మీడియాటెక్ డైమెన్సిటీ 9400e ప్రాసెసర్, 36GB వరకు రామ్ (18GB ఫిజికల్ + 18GB వర్చువల్), 512GB స్టోరేజ్‌తో ఇది అత్యంత వేగంగా పనిచేస్తుంది. దీని మెమొరీని 2TB వరకు పెంచుకోవచ్చు.

ధర, లభ్యత

ప్రస్తుతం ఈ 8849 ట్యాంక్ 5 స్మార్ట్‌ఫోన్ గ్లోబల్ మార్కెట్‌లో సుమారు రూ.84,791 ధరతో లభిస్తోంది. కంపెనీ అధికారిక వెబ్‌సైట్ ద్వారా దీనిని కొనుగోలు చేయవచ్చు. ఐదేళ్ల సెక్యూరిటీ అప్‌డేట్స్‌తో వస్తున్న ఈ రగ్గడ్ స్మార్ట్‌ఫోన్, అడ్వెంచర్ ఇష్టపడే వారికి, ఎప్పుడూ ప్రయాణాల్లో ఉండేవారికి ఇది ఒక అద్భుతమైన గ్యాడ్జెట్. మీరు కూడా ఒక పవర్‌ఫుల్, కొత్త రకమైన స్మార్ట్‌ఫోన్ కోసం చూస్తుంటే, ఈ ట్యాంక్ 5ను కచ్చితంగా పరిగణనలోకి తీసుకోండి