టెస్ట్ క్రికెట్: కోహ్లీ ఖాతాలో మరో రికార్డ్!

టెస్ట్ క్రికెట్ చరిత్రలో టీమిండియా కెప్టెన్ విరాట్ కొహ్లీ మరో రికార్డ్ ను అందుకున్నాడు. దక్షిణాఫ్రికాతో మూడుమ్యాచ్‌ల సిరీస్‌లో భాగంగా పూణేలో గురువారం ప్రారంభమయ్యే రెండోటెస్టుతో కోహ్లీ అరుదైన రికార్డును సొంతం చేసుకున్నాడు.కెప్టెన్ గా కొహ్లీ 50 మ్యాచ్‌ల మైలురాయిని చేరుకున్నాడు. 50 మ్యాచ్ ల్లో భారత్ కు కెప్టెన్ గా వ్యవహరించిన రెండో ఆటగాడిగా విరాట్ కొహ్లీ రికార్డు నెలకొల్పాడు. సౌరవ్ గంగూలీ పేరుతో ఉన్న 49 టెస్టుల రికార్డును అధిగమించిన కోహ్లీ రెండో స్థానంలో నిలిచాడు. మొదటి స్థానంలో మహేంద్ర సింగ్ ధోని ఉన్నాడు.

అనిల్ కుంబ్లే రిటైర్మెంట్ కావడంతో 2008లో టెస్ట్ కెప్టెన్ గా బాధ్యతలు స్వీకరించిన ధోని 2014 వరకు టీమిండియాకు కెప్టెన్ గా వ్యవహరించాడు. ఈ మధ్య కాలంలో ధోని 60 టెస్టుల్లో నాయకత్వం అందించాడు.2014 ఆస్ట్రేలియా టూర్ లో మూడో టెస్ట్ నుండి కెప్టెన్ గా బాధ్యతలు స్వీకరించిన కోహ్లీ అతి తక్కవ సమయంలోనే 50 మ్యాచ్ ల్లో భారత్ కు కెప్టెన్ గా వ్యవహరించాడు. విరాట్ కొహ్లీ 2014 నుంచి ప్రస్తుత సౌతాఫ్రికా సిరీస్ వరకూ కెప్టెన్ గా వ్యవహరిస్తున్నాడు.