India Open 2022: ప్రపంచ ఛాంపియన్‌కు షాకిచ్చిన భారత ఆటగాడు.. పురుషుల సింగిల్స్‌‌లో సత్తా చాటిన లక్ష్యసేన్

India Open 2022: ప్రపంచ ఛాంపియన్‌కు షాకిచ్చిన భారత ఆటగాడు.. పురుషుల సింగిల్స్‌‌లో సత్తా చాటిన లక్ష్యసేన్
India Open 2022 Lakshya Sen

Lakshya Sen: లక్ష్య సేన్ తొలిసారిగా ఈ టోర్నీలో ఆడుతున్నాడు. మొదటిసారి ఈ టైటిల్‌ను గెలుచుకుని రికార్డులు నెలకొల్పాడు.

Venkata Chari

|

Jan 16, 2022 | 7:17 PM

India Open Badminton Tournament: భారత యువ బ్యాడ్మింటన్ క్రీడాకారుడు లక్ష్య సేన్ ఆదివారం జరిగిన ఇండియా ఓపెన్-2022 పురుషుల సింగిల్స్ టైటిల్‌ ఫైనల్‌లో ప్రపంచ ఛాంపియన్ లోహ్ కీన్ యూను ఓడించాడు. ఈ మ్యాచ్‌లో లక్ష్య సేన్ 24-22, 21-17 తేడాతో విజయం సాధించగా.. ఈ టైటిల్‌ను గెలుచుకున్న మూడో భారత పురుష ఆటగాడిగా నిలిచాడు. అతని కంటే ముందు 1981లో ప్రకాష్ పదుకొణె, ఆ తర్వాత 2015లో కిదాంబి శ్రీకాంత్ తొలి సూపర్ 500 ఛాంపియన్‌షిప్ టైటిల్‌ను గెలుచుకున్నారు. గతేడాది ప్రపంచ ఛాంపియన్‌షిప్‌లో కాంస్య పతకాన్ని సాధించి లక్ష్య సేన్ మెరుపులు మెరిపించాడు. ప్రస్తుతం ఈ టైటిల్‌ను తన బ్యాగ్‌లో వేసుకుని రికార్డులను కొల్లగొట్టాడు.

ఈ మ్యాచ్ గత సంవత్సరం జరిగిన డచ్ ఓపెన్ ఫైనల్‌కి రిపీట్ టెలికాస్ట్ అని నిరూపణ అయింది. ఈ మ్యాచ్‌కు ముందు ఇద్దరు ఆటగాళ్ల రికార్డు 2-2గా ఉంది. సింగపూర్ ప్లేయర్‌తో ఆడిన గత మూడు మ్యాచ్‌ల్లో రెండింట్లో లక్ష్య సేన్ ఓడిపోయాడు. కానీ, ఆదివారం మెరుగైన ఆటతీరు కనబరిచి విజయం సొంతం చేసుకున్నాడు. ప్రపంచ చాంపియన్ ముందు లక్ష్య‌సేన్ దూకుడు షాట్లు ఆడి టైటిల్ గెలిచాడు. ఈ మ్యాచ్‌లో లక్ష్య 54 నిమిషాల్లో విజయం సాధించాడు.

రాంకిరెడ్డి, చిరాగ్‌లు కూడా విజయం సాధించారు.. లక్ష్య కంటే ముందు, పురుషుల డబుల్స్ టైటిల్‌ను భారత్‌కు చెందిన సాత్విక్‌సాయిరాజ్ రాంకిరెడ్డి, చిరాగ్ శెట్టిలు గెలుచుకున్నారు. HSBC BWF వరల్డ్ టూర్ టోర్నమెంట్ సిరీస్‌లో ఆడిన ఈ టోర్నమెంట్ టైటిల్ మ్యాచ్‌ను భారత భాగస్వాములు గెలవడమే కాకుండా, వారి ఉన్నత ర్యాంక్ ఆటగాళ్లను కూడా విపరీతమైన ఒత్తిడికి గురిచేశారు. రెండో సీడ్‌గా ఉన్న భారతీయులు రెండో గేమ్‌లో ఐదు గేమ్ పాయింట్లను కాపాడుకున్నారు. టాప్ సీడ్‌లు హెండ్రా సెటియావాన్, మహ్మద్ అహ్సన్‌లను 21-16, 26-24 తేడాతో ఓడించి తమ రెండవ సూపర్ 500 టైటిల్‌ను గెలుచుకున్నారు.

మహిళల సింగిల్స్ టైటిల్‌ థాయ్‌లాండ్ సొంతం.. అంతకుముందు, మహిళల సింగిల్స్ టైటిల్‌ను థాయ్‌లాండ్‌కు చెందిన రెండో సీడ్ బుసానన్ ఒంగ్‌బమ్రుంగ్‌ఫాన్ 22-20, 19-21, 21-13తో స్వదేశానికి చెందిన సుపానిడా కాటెథాంగ్‌ను ఓడించింది. మహిళల డబుల్స్ టైటిల్‌ను థాయ్‌లాండ్‌కు చెందిన బెన్యాపా-నుంటకర్న్ అమ్సార్డ్ 21-13, 21-15తో రష్యాకు చెందిన అనస్తాసియా అక్చురినా-ఓల్గా మొరోజోవాపై ఓడించగా, సింగపూర్‌కు చెందిన భార్యాభర్తల జోడీ హీ యోంగ్ కై టెర్రీ-టాన్ వీ హాన్ మలేషియాపై మూడో స్థానంలో నిలిచారు. మిక్స్‌డ్ డబుల్స్ ఫైనల్‌లో 21-15, 21-18తో సీడ్ చెన్ టాంగ్ జీ, పెక్ యెన్ గెలుపొందారు.

Also Read: India Open 2022: పురుషుల డబుల్స్ టైటిల్‌ గెలిచిన భారత జోడీ.. రెండోసారి చరిత్ర సృష్టించిన సాత్విక్, చిరాగ్

టీమిండియాకు బెస్ట్ టెస్ట్ కెప్టెన్ అతడే.. నాలుగేళ్ల పాటు నెంబర్ వన్‌గా భారత్.. అద్భుత గణాంకాలు ఇవే!

Follow us on

Related Stories

Most Read Stories

Click on your DTH Provider to Add TV9 Telugu