15 ఫోర్లు, 2 సిక్సర్లతో సెంచరీ.. వైభవ్‌కు పోటీగా మరో బుడ్డోడు వచ్చేశాడ్రోయ్..!

Yashvardhan Singh Chauhan: భారత సీనియర్ క్రికెట్ జట్టులోకి ప్రవేశించేందుకు మరో యువ సంచలనం సిద్ధమవుతున్నాడు. తన అద్భుతమైన బ్యాటింగ్ ప్రదర్శనతో అందరి దృష్టిని ఆకర్షిస్తున్న భారత అండర్-19 జట్టు ఆటగాడు యశ్వర్ధన్ సింగ్ చౌహాన్, తన ప్రతిభను చాటుకుంటూ దూసుకుపోతున్నాడు. ఇటీవలి కాలంలో వైభవ్ సూర్యవంశి వంటి యువ ఆటగాళ్లను తలపించేలా యశ్వర్ధన్ ఆటతీరు ఉంది.

ప్రస్తుతం ఆస్ట్రేలియా అండర్-19 జట్టుతో జరుగుతున్న అనధికారిక వన్డే సిరీస్‌లో యశ్వర్ధన్ దుమ్మురేపుతున్నాడు. రాజ్ కోట్ వేదికగా జరిగిన తొలి వన్డేలో మెరుపు అర్ధ సెంచరీతో తన సత్తాను చాటిన యశ్వర్ధన్, రెండో వన్డేలో భారీ సెంచరీతో కదం తొక్కాడు. నాలుగో స్థానంలో బ్యాటింగ్‌కు వచ్చిన ఈ యువ ఆటగాడు ఆస్ట్రేలియన్ బౌలర్లను ఒంటి చేత్తో ఎదుర్కొని చుక్కలు చూపించాడు. ఫస్ట్ డౌన్ బ్యాటర్ వినీత్‌తో కలిసి స్కోరు బోర్డును పరుగులు పెట్టించి, భారత యువ జట్టుకు పటిష్టమైన పునాది వేశాడు. మొత్తంగా 100 బంతులు ఎదుర్కొన్న యశ్వర్ధన్, 15 అద్భుతమైన ఫోర్లు, 2 భారీ సిక్సర్ల సాయంతో 122 పరుగులు చేసి ఔటయ్యాడు. అతని అద్భుత ఇన్నింగ్స్ ఫలితంగా భారత యువ జట్టు నిర్ణీత ఓవర్లలో 341 పరుగుల భారీ స్కోరును సాధించింది. ఈ ప్రదర్శనతో ఈ యంగ్ సెన్సేషన్ గురించి తెలుసుకునేందుకు నెటిజన్లు తీవ్ర ఆసక్తి చూపుతున్నారు.

ఎక్కువమంది చదివనది: 5 ఓవర్ల మ్యాచ్.. అరుదైన రికార్డు సృష్టించిన శ్రేయస్ అయ్యర్.. టీ20 క్రికెట్‌లో కొత్త చరిత్ర!

ఇవి కూడా చదవండి

పాకిస్తాన్ టీంకు ఇచ్చిపడేసిన భారత్..!

ఇదేం క్రేజ్ రా సామీ.. 24 గంటల్లోనే అమ్ముడైన టిక్కెట్లు..

5 ఓవర్ల మ్యాచ్.. అరుదైన రికార్డు సృష్టించిన శ్రేయస్ అయ్యర్

అభిషేక్, వైభవ్‌లకు ఇచ్చిపడేసిన మాజీ స్టార్ ప్లేయర్..!

యశ్వర్ధన్ సింగ్ చౌహాన్ వ్యక్తిగత వివరాల విషయానికి వస్తే, అతను 2009 ఏప్రిల్ 19న నాగాలాండ్‌లోని దిమాపూర్‌లో జన్మించాడు. అయితే, అతని బాల్యం మరియు క్రికెట్ ప్రస్థానం మధ్యప్రదేశ్‌లోని గ్వాలియర్‌లో సాగింది. ప్రస్తుతం 17 ఏళ్ల వయస్సున్న ఈ యువ క్రికెటర్, కుడిచేతి వాటం బ్యాటింగ్‌తో పాటు ఆఫ్ స్పిన్ బౌలింగ్ కూడా చేయగలడు. చిన్నప్పటి నుంచే యశ్వర్ధన్‌కు క్రికెట్‌పై అమితమైన మక్కువ. ఈ క్రికెట్ వారసత్వం అతని కుటుంబం నుంచే వచ్చింది. అతని తండ్రి అనామి సింగ్ చౌహాన్ కూడా లెగ్ స్పిన్నర్‌గా క్రికెట్ ఆడిన వ్యక్తి. గొప్ప క్రికెటర్ కావాలని కలలు కన్న అనామి, క్లబ్ క్రికెట్ స్థాయిలోనే ఉండిపోయారు. ఇప్పుడు తండ్రి కలను కొడుకు యశ్వర్ధన్ నిజం చేస్తున్నాడని అతని కుటుంబం ఆశిస్తోంది.

క్రికెట్ పట్ల అతని అంకితభావం చిన్నప్పటి నుంచే స్పష్టంగా కనిపించింది. మొన్నటివరకు గ్వాలియర్‌లోని సింధియా స్కూల్ క్లాస్ రూమ్‌లో చివరి వరుసలో కూర్చొని క్రికెట్ మ్యాచ్‌ల గురించి ప్రణాళికలు వేసుకునే యశ్వర్ధన్, ఇప్పుడు ఏకంగా భారత అండర్-19 జట్టును నడిపించే స్థాయికి చేరుకున్నాడు. ఈ ఏడాది జూన్‌లో శ్రీలంక పర్యటనలో భారత యువ జట్టుకు సారథిగా వ్యవహరించి నాయకత్వ లక్షణాలను కూడా చాటుకున్నాడు. అంతేకాకుండా, త్వరలో ఆస్ట్రేలియాతో జరగబోయే అనధికారిక టెస్ట్ సిరీస్‌లో కూడా యశ్వర్ధన్ కెప్టెన్‌గా వ్యవహరించనున్నాడు.

ఎక్కువమంది చదివనది: Team India: నాడు కిట్ కొనడానికి డబ్బుల్లేవు.. ఒక్కపూట భోజనంతో ప్రాక్టీస్.. నేడు కోట్ల సంపదకు ఓనర్..!

యశ్వర్ధన్ సింగ్ ఈ అద్భుతమైన ఫామ్‌ను, నిలకడను కొనసాగిస్తే, అతి త్వరలోనే ఫస్ట్ క్లాస్ క్రికెట్‌లో అరంగేట్రం చేసే అవకాశాలు స్పష్టంగా కనిపిస్తున్నాయి. ఆ తర్వాత భారత జాతీయ జట్టు తరఫున అంతర్జాతీయ క్రికెట్‌లో ప్రవేశించే అవకాశం కూడా సులభంగా లభించవచ్చని క్రికెట్ విశ్లేషకులు అభిప్రాయపడుతున్నారు. భారత క్రికెట్ భవిష్యత్తుకు యశ్వర్ధన్ సింగ్ చౌహాన్ ఒక ఆశాకిరణంగా మారనున్నాడు.