World Cup 2023: ఫ్యాన్స్కు గుడ్న్యూస్.. అందుబాటులోకి 4లక్షల టిక్కెట్లు.. సేల్ ఎప్పుడంటే?
ICC Men's Cricket World Cup 2023 Tickets: 4 లక్షల టిక్కెట్ల విక్రయం సెప్టెంబర్ 8 రాత్రి 8 గంటలకు ప్రారంభమవుతుంది. వీటిని ప్రపంచ కప్ వెబ్సైట్ నుంచి కొనుగోలు చేయవచ్చు. మరోసారి టిక్కెట్ల డిమాండ్ చాలా ఎక్కువగా ఉంటుందని, అందుకే వెంటనే టిక్కెట్లు పొందేందుకు ప్రయత్నించాలని బీసీసీఐ అభిమానులకు సూచించింది. ఇది మాత్రమే కాదు, దీని తర్వాత మరో రౌండ్ విక్రయాలు ఉంటాయని, దాని గురించి త్వరలో అభిమానులకు సమాచారం ఇవ్వనున్నట్లు ఇండియన్ బోర్డ్ తెలిపింది.
ICC Men’s Cricket World Cup 2023 Tickets: ప్రపంచ కప్ 2023 ప్రారంభం కావడానికి ఒక నెల కంటే తక్కువ సమయం ఉంది. అక్టోబర్ 5 నుంచి అహ్మదాబాద్లోని నరేంద్ర మోదీ స్టేడియంలో టోర్నీ ప్రారంభం కానుంది. భారత్లో జరగనున్న ఈ ప్రపంచకప్పై అభిమానుల్లో విపరీతమైన ఉత్సాహం నెలకొని ఉంది.అందుకే అందరూ టిక్కెట్లు దక్కించుకునేందుకు ప్రయత్నిస్తున్నారు. కొంతమంది మాత్రమే విజయం సాధించారు. ఈ క్రమంలో ICC, BCCI విమర్శలను ఎదుర్కోవలసి వచ్చింది. అభిమానుల నుంచి నిరంతర ఫిర్యాదుల తరువాత, BCCI మరో రౌండ్ టిక్కెట్ విక్రయాలను ప్రారంభిస్తున్నట్లు ప్రకటించింది. ఇందులో అన్ని మ్యాచ్ల కోసం మొత్తం 4 లక్షల టిక్కెట్లు సేల్లో ఉంచనున్నట్లు తెలిపింది.
ప్రపంచకప్ షెడ్యూల్ విడుదలలో జాప్యం, ఆపై మార్పులు చేయడంతో టిక్కెట్ల విక్రయం ప్రారంభించడంలో చాలా జాప్యం జరిగింది. ఆగస్టు 24 నుంచి, భారతదేశం, ఇతర జట్ల మ్యాచ్ల కోసం పరిమిత టిక్కెట్లు వేర్వేరు రౌండ్లలో విక్రయించడం ప్రారంభించారు. భారత్ మ్యాచ్లనే కాకుండా మిగతా జట్ల మ్యాచ్ల టిక్కెట్లు కూడా నిమిషాల వ్యవధిలోనే పూర్తిగా అమ్ముడయ్యాయి.
అన్ని మ్యాచ్ల టిక్కెట్లు అందుబాటులో..
🚨 NEWS 🚨
BCCI set to release 400,000 tickets in the next phase of ticket sales for ICC Men’s Cricket World Cup 2023. #CWC23
More Details 🔽https://t.co/lP0UUrRtMz pic.twitter.com/tWjrgJU51d
— BCCI (@BCCI) September 6, 2023
తక్కువ సంఖ్యలో టిక్కెట్లు అమ్ముడవడం.. ఆపై వెంటనే ‘సేల్ క్లోజ్’ అనే నోటిఫికేషన్ రావడంతో అభిమానుల్లో తీవ్ర నిరాశ, ఆగ్రహావేశాలు వ్యక్తమయ్యాయి. ఈ నేపథ్యంలో ఇప్పుడు మరో 4 లక్షల టిక్కెట్లను విడుదల చేయాలని బీసీసీఐ నిర్ణయించింది. అభిమానుల అవసరాలను తీర్చడానికి, రెండవ రౌండ్ టిక్కెట్ విక్రయాలను ప్రారంభించాలని నిర్ణయించినట్లు భారత బోర్డు సెప్టెంబర్ 6, బుధవారం నాడు ఒక ప్రకటన విడుదల చేసింది. వివిధ మ్యాచ్లు నిర్వహించే రాష్ట్ర సంఘాలతో మాట్లాడి ఈ 4 లక్షల టిక్కెట్లను విక్రయించేందుకు అంగీకరించినట్లు బోర్డు తెలిపింది.
ఈ రోజున విక్రయాలు ప్రారంభం..
ఈ 4 లక్షల టిక్కెట్ల విక్రయం సెప్టెంబర్ 8 రాత్రి 8 గంటలకు ప్రారంభమవుతుంది. వీటిని ప్రపంచ కప్ వెబ్సైట్ నుంచి కొనుగోలు చేయవచ్చు. మరోసారి టిక్కెట్ల డిమాండ్ చాలా ఎక్కువగా ఉంటుందని, అందుకే వెంటనే టిక్కెట్లు పొందేందుకు ప్రయత్నించాలని బీసీసీఐ అభిమానులకు సూచించింది. ఇది మాత్రమే కాదు, దీని తర్వాత మరో రౌండ్ విక్రయాలు ఉంటాయని, దాని గురించి త్వరలో అభిమానులకు సమాచారం ఇవ్వనున్నట్లు ఇండియన్ బోర్డ్ తెలిపింది.
మరిన్ని క్రీడా వార్తల కోసం ఇక్కడ క్లిక్ చేయండి..