Video: అన్నయ్య టీమిండియా స్టార్ బౌలర్.. చెల్లెమ్మ ఉపాధి హామీ కార్మికురాలు! కన్నీళ్లు పెట్టిస్తున్న కథ!

భారత క్రికెట్ జట్టు స్టార్ ఫాస్ట్ బౌలర్ మహమ్మద్ షమీ కుటుంబం ఇటీవల MNREGA (మహాత్మా గాంధీ జాతీయ గ్రామీణ ఉపాధి హామీ చట్టం) పథకంలో నమోదు కావడం చర్చనీయాంశంగా మారింది. తాజా వార్తల ప్రకారం, షమీ సోదరి షబీనా, ఆమె భర్త ఉత్తరప్రదేశ్‌లోని అమ్రోహాలో MNREGA పథకం కింద కార్మికులుగా నమోదు చేసుకున్నారు.  2021 నుండి 2024 వరకు వారు ప్రభుత్వ పథకం ద్వారా వేతనాలు అందుకున్నారు.

ఈ వార్త వెలుగులోకి రావడంతో క్రికెట్ అభిమానులు, విశ్లేషకులు, సామాజిక మాధ్యమ వేదికలలో దీనిపై చర్చించసాగారు. భారత జట్టుకు ప్రాతినిధ్యం వహించిన ప్రముఖ ఆటగాళ్ల కుటుంబ సభ్యులు ఇలాంటి ప్రభుత్వ ఉపాధి హామీ పథకాలపై ఆధారపడటం ఆశ్చర్యాన్ని కలిగించింది. అయితే, ఈ విషయంపై ఇప్పటివరకు మహమ్మద్ షమీ లేదా అతని కుటుంబ సభ్యుల నుండి ఎటువంటి అధికారిక స్పందన రాలేదు.

మరోవైపు క్రికెట్ మైదానంలో షమీ తన ప్రదర్శనపై ఒత్తిడిని ఎదుర్కొంటున్నాడు. ఇటీవలే దుబాయ్‌లో న్యూజిలాండ్‌తో జరిగిన ఛాంపియన్స్ ట్రోఫీ ఫైనల్‌లో షమీ అనవసరమైన రికార్డు నెలకొల్పాడు. ఈ మెగాటోర్నమెంట్‌లో భారత బౌలింగ్ దళంలో ప్రధాన బలంగా ఉన్న షమీ, తన సీమ్ పొజిషన్, వేగవంతమైన లెంగ్త్ ఉన్నప్పటికీ, కివీస్ బ్యాటర్లను కట్టడి చేయడంలో తీవ్రంగా కష్టపడ్డాడు. 9 ఓవర్లలో 74 పరుగులు ఇచ్చి కేవలం ఒకే ఒక్క వికెట్‌ తీసుకున్నాడు.

ఈ ప్రదర్శన కారణంగా, ఛాంపియన్స్ ట్రోఫీ ఫైనల్‌లో భారత ఆటగాళ్లలో ఇన్నింగ్స్‌లో రెండవ అత్యధిక పరుగులు ఇచ్చిన బౌలర్‌గా షమీ నిలిచాడు. 2013లో కార్డిఫ్‌లో దక్షిణాఫ్రికాపై ఉమేష్ యాదవ్ 2/75 గణాంకాలు నమోదు చేసినప్పటికీ, షమీ 74 పరుగులు ఇచ్చి అతని రికార్డును సమీపించాడు.

ఒకే ఇన్నింగ్స్‌లో అత్యధిక పరుగులు ఇచ్చిన ప్లేయర్‌గా పాకిస్తాన్ మాజీ స్పీడ్‌స్టర్ వహాబ్ రియాజ్ రికార్డు సృష్టించాడు. 2017లో భారత్‌తో జరిగిన మ్యాచ్‌లో అతను వికెట్ తీసుకోకుండా 8.4 ఓవర్లలో 87 పరుగులు ఇచ్చాడు.

అయితే, షమీ టోర్నమెంట్ మొత్తంలో మంచి ప్రదర్శన చేశాడు. మొత్తం ఐదు మ్యాచ్‌ల్లో 25.88 సగటుతో అత్యుత్తమ బౌలింగ్ రికార్డును అందుకున్నాడు. భారత మిస్టరీ స్పిన్నర్ వరుణ్ చక్రవర్తి కూడా అద్భుతమైన ప్రదర్శన చేస్తూ మూడు మ్యాచ్‌ల్లో 15.11 సగటుతో 9 వికెట్లు సాధించాడు.

Indian cricketer Mohammed Shami's sister, Shabina, and her husband have been receiving wages under the MGNREGA scheme in Uttar Pradesh’s Amroha from 2021 to 2024. pic.twitter.com/xabxUEYwFN

— Angry Saffron (@AngrySaffron) March 26, 2025

మరిన్ని క్రీడా వార్తల కోసం ఇక్కడ క్లిక్ చేయండి.