Virat Kohli vs Sachin Tendulkar: 100 @ 2026.. జస్ట్ 3 ఏళ్లలో సచిన్ స్పెషల్ రికార్డ్‌లకు బ్రేకులు..

విరాట్ కోహ్లీ ఇప్పటి వరకు 74 సెంచరీలు చేశాడు. సచిన్ టెండూల్కర్ పేరిట ఉన్న 100 సెంచరీల రికార్డును బద్దలు కొట్టాడానికి కోహ్లీకి ఇంకా 27 సెంచరీలు మాత్రమే కావాలి.

23 డిసెంబర్ 2019 రోజు. బంగ్లాదేశ్‌తో జరిగిన కోల్‌కతా టెస్టులో విరాట్ కోహ్లీ సెంచరీ సాధించాడు. ఇది అతని అంతర్జాతీయ కెరీర్‌లో 70వ సెంచరీ. వయసు కేవలం 31 సంవత్సరాలు. ఆ సమయంలో, క్రికెట్‌పై ఆసక్తి ఉన్న ప్రతి ఒక్కరూ ముఖ్యంగా అత్యధిక సెంచరీలు సాధించిన సచిన్ టెండూల్కర్‌ను విరాట్ వెనక్కునెట్టేస్తారని అంగీకరించారు. సచిన్ 40 ఏళ్ల వరకు క్రికెట్ ఆడి 100 సెంచరీలు చేశాడు. అయితే, విరాట్ సెంచరీల విషయంలో ఊహించని పరిస్థితి మొదలైంది. ప్రతి మూడో-నాల్గవ మ్యాచ్‌లో సెంచరీ చేసిన విరాట్ బ్యాట్ సైలెంట్‌గా మారడం ప్రారంభించింది. శతకాలు రావడం ఆగిపోయాయి. కోహ్లీ శతకాల కరువు దాదాపు 3 సంవత్సరాలు కొనసాగింది. ఇదే సమయంలో విరాట్‌ను అభిమానులు, నిపుణులు రిటైర్ అవ్వమని సలహా ఇవ్వడం ప్రారంభించారు.

ఎట్టకేలకు గతేడాది సెప్టెంబరులో ఆసియా కప్ సందర్భంగా విరాట్ సెంచరీల కరువు తీరింది. ఆఫ్ఘనిస్థాన్‌తో జరిగిన టీ20 మ్యాచ్‌లో విరాట్ సెంచరీ సాధించాడు. ఇప్పుడు చివరి నాలుగు వన్డేల్లో మూడింటిలో 100 మార్క్‌ను దాటాడు. విరాట్ మళ్లీ ఫామ్‌లోకి వచ్చాడు. దీంతో అతను 100 సెంచరీల మార్క్‌ను దాటగలడా అనే చర్చ కూడా తిరిగి మొదలైంది.

ముందుగా సచిన్ అంతర్జాతీయ సెంచరీలను చూద్దాం..

టీమిండియా స్టార్ ప్లేయర్ సచిన్ టెండూల్కర్ కెరీర్ పరిశీలిస్తే.. 200 టెస్టుల్లో 329 ఇన్నింగ్స్‌ల్లో 51 సెంచరీలు సాధించాడు. అలాగే 463 వన్డేల్లో 452 ఇన్నింగ్స్‌ల్లో 49 సెంచరీలు సాధించాడు. టీ20 కెరీర్‌లో కేవలం 1 మ్యాచ్ మాత్రమే ఆడాడు. ఇందులో తక్కువ పరుగులకే ఔటయ్యాడు. దీంతో మొత్తంగా 100 సెంచరీల మార్క్‌ను అందుకున్నా.. వన్డేల్లో మాత్రం సెంచరీల 50 మార్క్‌ను దాటలేకపోయాడు.

విరాట్ ఎంతకాలం ఆడగలడు..

విరాట్ కోహ్లీ క్రికెట్‌కు దూరంగా ఉండాలని యోచిస్తున్నట్లు ఇప్పటివరకు ఎలాంటి సూచనలేవీ ఇవ్వలేదు. అంటే, ఆడటం కొనసాగిస్తాడనే విషయం పక్కా అని తెలుస్తోంది. అయితే, ఇది ఎంతకాలం కొనసాగుతుంది? ఫిట్‌నెస్ పరంగా, అతను టీమిండియాలోని చాలా మంది యువ స్టార్ల కంటే మెరుగైన స్థితిలో ఉన్నాడు. స్వతహాగా పదవీ విరమణ నిర్ణయం తీసుకునే వరకు ఆయనను ఎవ్వరూ రిటైర్మెంట్ చేయమనలేరు.

సచిన్ టెండూల్కర్ 40 ఏళ్ల వరకు భారత్ తరపున ఆడాడు. రాహుల్ ద్రవిడ్ 39 ఏళ్ల వరకు ఆడాడు. మహేంద్ర సింగ్ ధోనీ 38 ఏళ్ల వరకు టీమ్ ఇండియాలో భాగంగానే ఉన్నాడు. ఈ లెజెండ్స్ బాటలో విరాట్ కూడా నడిస్తే 4 నుంచి 5 ఏళ్ల పాటు విరాట్ ఆడేస్తాడు.

ఇప్పుడు మరో 4 నుంచి 5 ఏళ్ల పాటు ఆడితే మరో 26 సెంచరీలు సాధించగలడా అన్న తదుపరి ప్రశ్న తలెత్తుతోంది. ప్రస్తుతం విరాట్ పేరు మీద 74 సెంచరీలు ఉన్నాయి.

విరాట్ ఐదేళ్ల ఫామ్‌ను పరిగణలోకి తీసుకుంటే.. క్రికెట్‌లోని మూడు ఫార్మాట్‌లతో సహా ప్రతి సెంచరీకి సగటున 7.33 ఇన్నింగ్స్‌లు తీసుకుంటున్నాడు. ఈ నేపథ్యంలో అతనికి 26 సెంచరీలకు 190 ఇన్నింగ్స్‌లు అవసరం. అతను తన 16 ఏళ్ల కెరీర్‌లో ప్రతి సంవత్సరం సగటున 34 ఇన్నింగ్స్‌లు ఆడాడు. దీని ప్రకారం, 190 ఇన్నింగ్స్‌లకు అతను దాదాపు ఐదున్నరేళ్ల పాటు ఆడాల్సి ఉంటుంది. అతను మరో ఐదేళ్ల పాటు ఆడే అవకాశం ఉంది. అయితే మళ్లీ ఐదేళ్ల ఫామ్‌ను అందుకుంటే వచ్చే మూడేళ్లలోనే వందల సెంచరీలు పూర్తి చేయగలడు.

2017, 2018తో కలిపి 99 ఇన్నింగ్స్‌ల్లో విరాట్‌ 22 సెంచరీలు చేశాడు. ప్రతి 4.5 ఇన్నింగ్స్‌లో 1 సెంచరీ వచ్చింది. ఈ స్పీడ్‌తో మళ్లీ సెంచరీలు చేయడం ప్రారంభిస్తే దాదాపు 117 ఇన్నింగ్స్‌ల్లో మరో 26 సెంచరీలు సాధించడం ఖాయం. వచ్చే మూడేళ్లలో అంటే 2026 సంవత్సరం నాటికి ఈ రికార్డును చేరుకోగలడు. విరాట్ ఇటీవల బ్యాటింగ్ చేస్తున్న తీరు, అతను తన 2017-2018 ఫామ్‌కి తిరిగి వస్తున్నాడనే అంతా భావిస్తున్నారు.

ఫామ్‌తో ఫిట్‌నెస్‌..

విరాట్ 100 సెంచరీల మార్క్‌ను దాటాలా వద్దా అనేది అతని ఫామ్, ఫిట్‌నెస్‌తో పాటు అతను ఎంతకాలం విరామం తీసుకుంటాడనే దానిపై ఆధారపడి ఉంటుంది. గత కొన్నేళ్లుగా విరాట్ విరామం తీసుకుంటున్నాడు. జనవరి 1, 2020 నుంచి భారత్ 137 అంతర్జాతీయ మ్యాచ్‌లు ఆడాడు. ఇందులో 86 చోట్ల మాత్రమే విరాట్ ఆడాడు. 51 మ్యాచ్‌లకు దూరమయ్యాడు.

విరాట్ చాలా మ్యాచ్‌లకు దూరమైతే, 100 సెంచరీలు చేరుకోవడం కష్టమే. ఇక టీ20 మ్యాచ్‌ల గురించి మాట్లడితే, 107 ఇన్నింగ్స్‌ల్లో 1 సెంచరీ మాత్రమే చేశాడు.

మరిన్ని క్రికెట్ వార్తల కోసం ఇక్కడ క్లిక్ చేయండి..