Cricket Records : మన కోహ్లీని మించినోడు లేదు.. వన్డే క్రికెట్‌లో అత్యధిక డబుల్స్ సాధించిన తోపు బ్యాట్స్ మెన్ వీళ్లే

Virat Kohli

Cricket Records : వన్డే క్రికెట్‌లో వికెట్ల మధ్య పరుగు తీయడం అనేది చాలా ముఖ్యమైన అంశం. సింగిల్స్, డబుల్స్ కోసం బ్యాట్స్‌మెన్‌లు ఖచ్చితంగా గ్యాప్‌లలో బంతిని కొట్టగలగాలి. అంతేకాకుండా వికెట్ల మధ్య పరుగెత్తేటప్పుడు బ్యాట్స్‌మెన్‌ల వేగం చాలా కీలకం. వేగం ఎక్కువగా ఉంటే ఫీల్డర్లపై ఒత్తిడి పెరిగి, కొన్నిసార్లు మిస్‌ఫీల్డింగ్‌ జరిగి అదనపు పరుగు కూడా లభించే అవకాశం ఉంటుంది. నేటి వన్డే క్రికెట్‌లో మిడిల్ ఓవర్లు కీలకమైనవిగా పరిగణిస్తారు. ఈ సుదీర్ఘ ఫార్మాట్‌లో బ్యాట్స్‌మెన్‌లు ప్రతి ఓవర్‌కు 5+ పరుగులు చేస్తూ తమ వికెట్‌ను కాపాడుకోగలగాలి. ఈ డబుల్ రన్స్ (2 పరుగులు) తీసే నైపుణ్యం ఉంటే, బ్యాట్స్‌మెన్ సులభంగా ప్రతి ఓవర్‌లో 5-6 పరుగులు చేయగలరు.

వన్డేల్లో అత్యధిక డబుల్స్ సాధించిన టాప్-5 బ్యాట్స్‌మెన్

వన్డే క్రికెట్ చరిత్రలో వికెట్ల మధ్య అత్యధికంగా డబుల్స్ (2 పరుగులు) తీసిన టాప్-5 బ్యాట్స్‌మెన్‌ల జాబితాలో విరాట్ కోహ్లీ అగ్రస్థానంలో ఉన్నాడు. ఈ జాబితాలో ఇద్దరు భారతీయ ఆటగాళ్లు ఉండగా, ముగ్గురు శ్రీలంక, ఆస్ట్రేలియా దిగ్గజాలు ఉన్నారు.

1. విరాట్ కోహ్లీ (భారత్): టీమిండియా స్టార్ బ్యాట్స్‌మెన్ అయిన విరాట్ కోహ్లీ.. తన వన్డే కెరీర్‌లో ఆడిన 295 ఇన్నింగ్స్‌లలో ఇప్పటివరకు 961 డబుల్స్ సాధించి మొదటి స్థానంలో ఉన్నాడు.

2. కుమార్ సంగక్కర (శ్రీలంక): శ్రీలంక దిగ్గజ వికెట్ కీపర్ బ్యాట్స్‌మెన్ కుమార్ సంగక్కర ఈ జాబితాలో రెండవ స్థానంలో ఉన్నాడు. అతను తన వన్డే కెరీర్‌లోని 358 ఇన్నింగ్స్‌లలో మొత్తం 945 డబుల్స్ తీశాడు.

3. మహేల జయవర్ధనే (శ్రీలంక): శ్రీలంక మాజీ కెప్టెన్ మహేల జయవర్ధనే 357 ఇన్నింగ్స్‌లలో 759 డబుల్స్ చేసి మూడవ స్థానంలో నిలిచాడు.

4. మహేంద్ర సింగ్ ధోని (భారత్): టీమిండియా మాజీ కెప్టెన్ ఎం.ఎస్. ధోని ఈ లిస్ట్‌లో నాలుగవ స్థానంలో ఉన్నాడు. ధోని తన వన్డే కెరీర్‌లో ఆడిన 297 ఇన్నింగ్స్‌లలో మొత్తం 715 డబుల్స్ సాధించాడు.

5. రికీ పాంటింగ్ (ఆస్ట్రేలియా): ఆస్ట్రేలియా మాజీ కెప్టెన్ రికీ పాంటింగ్ 281 ఇన్నింగ్స్‌లలో 711 డబుల్స్ తో ఈ టాప్-5 జాబితాలో చివరి స్థానంలో ఉన్నాడు.

ఈ లెక్కలు బ్యాట్స్‌మెన్‌ల నిలకడ, ఫిట్‌నెస్, వికెట్ల మధ్య వారి వేగాన్ని నిరూపిస్తున్నాయి.

మరిన్ని క్రీడా వార్తల కోసం ఇక్కడ క్లిక్ చేయండి..