పొట్టి క్రికెట్‌లో బ్యాటర్ల విధ్వంసం సర్వసాధారణం. ఈ ఫార్మాట్‌లో బౌలర్లు కేవలం వీక్షకులు మాత్రమే. బ్యాట్స్‌మెన్లు తక్కువ వ్యవధిలోనే పెద్ద ఇన్నింగ్స్‌లు ఆడేస్తారు. సరిగ్గా ఇక్కడ ఓ బ్యాట్స్‌మెన్ అదే సీన్ రిపీట్ చేశాడు. ప్రత్యర్ధి బౌలర్లు ఎన్ని ప్రణాళికలు రచించినా.. అతడి తుఫాన్ ఇన్నింగ్స్‌ను ఆపలేకపోయారు. ఇక ఆ బ్యాటర్ ఎవరో కాదు టామ్ కోహ్లర్ కాడ్మోర్.
ఈ మ్యాచ్ టీ10 లీగ్‌లో డెక్కన్ గ్లాడియేటర్స్, బంగ్లా టైగర్స్ జట్ల మధ్య జరిగింది. డెక్కన్ గ్లాడియేటర్స్ తరపున బరిలోకి దిగిన కాడ్మోర్ తుఫాన్ ఇన్నింగ్స్‌తో చెలరేగిపోయాడు. ఈ మ్యాచ్‌లో డెక్కన్ గ్లాడియేటర్స్ జట్టు తొలుత బ్యాటింగ్ చేసింది. ఫోర్లు, సిక్సర్లతో బ్యాటింగ్ ఆరంభించిన కాడ్మోర్ జట్టుకు మంచి శుభారంభాన్ని ఇచ్చారు.
డెక్కన్ గ్లాడియేటర్స్ తరపున బరిలోకి దిగిన టామ్ కాడ్మోర్ 246.15 స్ట్రైక్‌రేట్‌తో 39 బంతుల్లో 96 పరుగులు చేశాడు. ఈ క్రమంలో అతడు 12 ఫోర్లు, 5 సిక్సర్లు బాదాడు. అంటే బౌండరీల రూపంలోనే 78 పరుగులు రాబట్టాడు. కాడ్మోర్ తుఫాన్ ఇన్నింగ్స్ కారణంగా డెక్కన్ గ్లాడియేటర్స్ 10 ఓవర్లలో 1 వికెట్ నష్టానికి 140 పరుగులుచేసింది. తద్వారా బంగ్లా టైగర్స్ ముందు 141 పరుగుల లక్ష్యాన్ని నిర్దేశించింది. డెక్కన్ గ్లాడియేటర్స్ విధించిన టార్గెట్‌ను చేధించే క్రమంలో బంగ్లా టైగర్స్ 10 ఓవర్లకు 78 పరుగులు మాత్రమే చేయగలిగింది. ఫలితంగా ఈ మ్యాచ్‌లో బంగ్లా టైగర్స్ 62 పరుగుల భారీ తేడాతో ఓటమిపాలైంది.
Zodiac Signs: ఈ 6 రాశులవారు తమ తప్పుల నుంచి నేర్చుకుంటారు.! ఏయే రాశులంటే?
Viral Photo: ఈ చిన్నారి ఇప్పుడు కుర్రాళ్ల కలల రాకుమారి.. ఎవరో గుర్తుపట్టండి చూద్దాం!
