Video: టార్గెట్ 6 బంతుల్లో 17 పరుగులు.. నిప్పులు చెరిగే బంతులతో విధ్వంసం.. ఐపీఎల్ ఫ్రాంచైజీలకు షాకిచ్చిన బౌలర్..
ఐపీఎల్‌లో టామ్ కరణ్‌ను కొనుగోలు చేసేందుకు.. ఏ ఫ్రాంచైజీ ఆసక్తి చూపలేదు. కానీ, ప్రస్తుతం ఇంటర్నేషనల్ లీగ్ టీ20 అంటే ఐఎల్ టీ20లో తన జట్టును గెలిపించి సత్తా చాటాడు.
ఐపీఎల్ ప్రపంచంలోనే అతిపెద్ద క్రికెట్ లీగ్. ఈ లీగ్ స్థాయి మిగతా లీగ్‌ల కంటే ఎన్నో రెట్లు ఎక్కువుగా ఉంటుంది. అయితే, ప్రపంచంలోని ఇతర లీగ్‌లలో కనిపించే ఆటగాళ్లందరూ ఇక్కడ ఆడటం కనిపించదు. ఇక్కడ అవకాశం దక్కాలంటే బాగా రాణించాల్సి ఉంటుంది. ఐపీఎల్‌లో ఆడాలనే కోరిక ప్రతీ ప్లేయర్‌కు ఉంటుంది. ఇక్కడ సత్తా చాటాలని ప్రతీ ఒక్కరూ కోరుకుంటారు. అయితే, కొంతమందికి మాత్రమే ఈ లక్కీ ఛాన్స్ దొరుకుతుంది. మరికొంతమందికి మాత్రం మొండిచేయే దక్కుతుంది. అలాంటి వారిలో ఇంగ్లండ్‌కు చెందిన టామ్ కర్రాన్ కూడా ఒకరు. ఐపీఎల్ 2023 వేలంలో, బేస్ ధర రూ. 75 లక్షలు ఉంచినా.. ఏ ఫ్రాంచైజీ కూడా టామ్‌ను కొనుగోలు చేయలేదు. ఈ క్రమంలో అంతర్జాతీయ లీగ్ టీ20 అంటే ఐఎల్‌టీ20లో బంతితో తమ జట్టును గెలిపించి, అది కూడా చివరి ఓవర్లో బౌలింగ్ వేసి సత్తా చూపాడు.
జనవరి 28న డెసర్ట్ వైపర్స్ వర్సెస్ దుబాయ్ క్యాపిటల్స్ మధ్య జరిగిన మ్యాచ్‌లో టామ్ కరణ్ తన బౌలింగ్‌తో జట్టును గెలిపించాడు. ఈ మ్యాచ్‌లో, అతను డెసర్ట్ వైపర్స్‌లో భాగమయ్యాడు. టామ్ బౌలింగ్ విధ్వంసం డెత్ ఓవర్లలో ఎక్కువగా కనిపించింది. ముఖ్యంగా చివరి ఓవర్లో, అతను రెండు సెట్ల ముందు బౌలింగ్ చేసిన విధానం ఆకట్టుకుంది. అనుభవజ్ఞులైన బ్యాట్స్‌మెన్స్ కూడా పరుగులు రాబట్టలేకపోయారు.
చివరి 6 బంతుల్లో 17 పరుగులు..
150 పరుగుల లక్ష్యంతో బరిలోకి దిగిన దుబాయ్ క్యాపిటల్స్ విజయానికి చివరి ఓవర్లో 17 పరుగులు చేయాల్సి ఉంది. టామ్ కరణ్ బౌలింగ్‌లో ఉండగా, రోవ్‌మన్ పావెల్, యూసుఫ్ పఠాన్ క్రీజులో ఉన్నారు. ఇద్దరు బ్యాట్స్‌మెన్‌లు భారీ షాట్‌లు కొట్టడంలో నిష్ణాతులుగా పేరుగాంచారు. కానీ, టామ్ కరన్‌ మాత్రం ఒత్తిడికి గురి కాకుండా, తన పని తాను చేసేశాడు. ఈ బ్యాట్స్‌మెన్‌లిద్దరినీ చివరి 6 బంతుల్లో నిశ్శబ్దంగా ఉంచడంతో దుబాయ్ క్యాపిటల్స్‌ను విజయానికి దూరంగా ఉంచాడు.
కేవలం 4 పరుగులే చేసి ఓటమిపాలు..
View this post on Instagram
టామ్ తన తొలి బంతికి పరుగు ఇవ్వలేదు. రెండో బంతికి సింగిల్. మూడో బంతికి ఒక పరుగు ఇచ్చాడు. ఆ తర్వాత నాలుగో బంతి కూడా సింగిల్. అదే సమయంలో 5వ బంతి వైడ్ కావడంతో లీగల్ బాల్ లో పరుగు ఇవ్వలేదు. అదే సమయంలో చివరి బంతికి కూడా టామ్ పరుగులేమీ ఇవ్వలేదు. ఈ విధంగా, దుబాయ్ క్యాపిటల్స్ చివరి 6 బంతుల్లో 4 పరుగులు మాత్రమే చేయగలిగింది. దీంతో ఈ మ్యాచ్‌లో 12 పరుగుల తేడాతో ఓడిపోయింది.
చివరి 6 బంతులే కాదు.. చివరి 6 ఓవర్లలోనూ ఉత్కంఠే..
దుబాయ్ క్యాపిటల్స్ వర్సెస్ డెజర్ట్ వైపర్స్ మధ్య చివరి 6 బంతులు మాత్రమే కాదు, చివరి 6 ఓవర్లు కూడా ఉత్కంఠభరితంగా సాగాయి. దుబాయ్ క్యాపిటల్స్ చివరి 36 బంతుల్లో 58 పరుగులు చేయాల్సి వచ్చింది. రెండు ఓవర్లలో 25 పరుగులు చేశారు. అంటే ఇప్పుడు విజయానికి 4 ఓవర్లలో అంటే 24 బంతుల్లో 33 పరుగులు కావాలి. లక్ష్యం కష్టం కాదు. కానీ, టామ్ కరణ్, పతిరణ కట్టుదిట్టమైన బౌలింగ్‌తో విజయాన్ని అందుకున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
