Tilak Varma : చంద్రాయణగుట్టలో తిలక్ వర్మ ‘రాజ్ మహల్’.. కోట్లతో నిర్మించిన కోట.. లోపలికి వెళ్తే తిరిగి రావాలనిపించదు

Tilak Varma : హైదరాబాద్ గల్లీల నుంచి అంతర్జాతీయ క్రికెట్ స్థాయికి ఎదిగిన యువ సంచలనం తిలక్ వర్మ ప్రస్థానం నిజంగా ఒక స్ఫూర్తిదాయక ప్రయాణం. మధ్యతరగతి కుటుంబం నుంచి వచ్చి, తన కష్టార్జితంతో నేడు కోట్లు సంపాదిస్తున్నా.. తన మూలాలను మర్చిపోకుండా తను పెరిగిన ప్రాంతంలోనే ఒక అద్భుతమైన ఇంటిని నిర్మించుకున్నాడు. తాజాగా హైదరాబాద్‌లోని తిలక్ వర్మ విలాసవంతమైన నివాసానికి సంబంధించిన విశేషాలు సోషల్ మీడియాలో వైరల్ అవుతున్నాయి. నంబూరి ఠాకూర్ తిలక్ వర్మ అంటే ఇప్పుడు భారత్ గర్వించదగ్గ యువ బ్యాటర్. అయితే ఆయన ప్రస్థానం అంతా హైదరాబాద్‌లోని చంద్రాయణగుట్ట ప్రాంతంలోనే మొదలైంది. తను చిన్నప్పుడు ఎక్కడైతే క్రికెట్ ఆడాడో, అదే ప్రాంతంలో ఈరోజు అన్ని హంగులతో కూడిన మల్టీ స్టోరీ భవంతిని నిర్మించుకోవడం విశేషం. ఈ ఇల్లు కేవలం విలాసానికి చిహ్నం మాత్రమే కాదు, తిలక్ వర్మ పడ్డ కష్టానికి, పట్టుదలకు దక్కిన ఫలితం. ఈ నివాసం విలువ దాదాపు రూ.5 కోట్ల నుంచి రూ.10 కోట్ల వరకు ఉంటుందని అంచనా.

తిలక్ వర్మ ఇంటిని గమనిస్తే బయటి వైపు చాలా మోడ్రన్ గా, విశాలమైన బాల్కనీలతో కనిపిస్తుంది. లోపలి ఇంటీరియర్స్ అంతా మినిమలిజం పద్ధతిలో ఉన్నాయి. అంటే ఎక్కువ హంగామా లేకుండా ప్రశాంతమైన రంగులు, అత్యుత్తమ ఫర్నిచర్‌తో ఇంటిని అలంకరించారు. ఇంట్లోకి సహజమైన వెలుతురు వచ్చేలా పెద్ద పెద్ద కిటికీలను ఏర్పాటు చేశారు. క్రికెట్ లో తాను సాధించిన ట్రోఫీలను ప్రదర్శించడానికి ప్రత్యేకంగా ఒక ఏరియాను కేటాయించారు. అలాగే ఫిట్‌నెస్ కోసం ఒక జిమ్, రిలాక్స్ అవ్వడానికి స్విమ్మింగ్ పూల్ కూడా ఉన్నాయి.

ఎంత ఎదిగినా ఒదిగి ఉండడం తిలక్ వర్మ నైజం. అందుకే కోట్లు సంపాదించినా, తన తల్లిదండ్రులతో కలిసి అదే పాత ఏరియాలో ఉండటానికే ఆయన మొగ్గు చూపారు. సోషల్ మీడియాలో ఆయన షేర్ చేసే ఫోటోల్లో తన పెంపుడు కుక్కలతో కలిసి ఆడుకోవడం, తల్లిదండ్రులతో గడపడం వంటివి ఆయనకు కుటుంబం పట్ల ఉన్న ప్రేమానురాగాలను తెలియజేస్తాయి. ఈ ఇంటికి సెంటిమెంట్ విలువ కూడా ఎక్కువే. ఎందుకంటే ఇది తన ఎదుగుదలకు సాక్ష్యంగా నిలిచిన ప్రాంతంలోనే ఉంది.

ఇంటితో పాటు తిలక్ వర్మకు కార్లంటే కూడా చాలా ఇష్టం. ఆయన గ్యారేజీలో మెర్సిడెస్ బెంజ్, బీఎండబ్ల్యూ వంటి లగ్జరీ కార్లు ఉన్నాయి. ఐపీఎల్‌లో ముంబై ఇండియన్స్ తరపున ఆడుతూ భారీ మొత్తంలో పారితోషికం అందుకుంటున్న తిలక్, తన లైఫ్ స్టైల్ ను ఉన్నత స్థాయికి తీసుకెళ్లారు. కేవలం తన కోసమే కాకుండా, తన ఆస్తుల విలువ పెంచేలా ఇంటిని ఎప్పటికప్పుడు రీనోవేట్ కూడా చేయిస్తుంటారు. తక్కువ ఖర్చుతో ఇంటి రూపురేఖలను ఎలా మార్చాలో కూడా ఆయన గృహాలంకరణలో కనిపిస్తుంది.

మరిన్ని ఐపీఎల్ వార్తల కోసం ఇక్కడ క్లిక్ చేయండి