11 ఫోర్లు, 4 సిక్స్లతో ఊచకోత.. 39 డాట్ బాల్స్.. 38 బంతుల్లో రప్ఫాచించిన టీమిండియా లేడీ డైనోసార్..
Richa Ghosh: మహిళల ప్రపంచ కప్లో టీమిండియా వికెట్ కీపర్ రిచా ఘోష్ 94 పరుగుల అద్భుతమైన ఇన్నింగ్స్ ఆడింది. ఈ ఇన్నింగ్స్లో ఘోష్ ప్రపంచ రికార్డును కూడా బద్దలు కొట్టింది. కానీ, టీం ఇండియా మిడిల్ ఆర్డర్ మరోసారి విఫలమైంది. దీంతో భారత జట్టు ఓటమిపాలైంది.
Updated on: Oct 10, 2025 | 8:35 AM
ICC Womens World Cup 2025: మహిళల ప్రపంచ కప్ 2025లో భారత వికెట్ కీపర్ రిచా ఘోష్ ఏ క్రికెట్ అభిమాని కూడా మర్చిపోలేని ఇన్నింగ్స్ ఆడింది. దక్షిణాఫ్రికాపై, రిచా ఘోష్ 77 బంతుల్లో 94 పరుగులు చేసింది. ఆమె సెంచరీ మిస్ అయినప్పటికీ, ఆమె ఇన్నింగ్స్ ఒక సెంచరీ కంటే తక్కువేం కాదు. ఎందుకంటే, ఓ సమయంలో టీమిండియా 153 పరుగులకు 7 వికెట్లు కోల్పోయింది. కానీ, రిచా ఘోష్ అద్భుతమైన బ్యాటింగ్ టీమిండియా 251 పరుగులు చేరుకోవడానికి సహాయపడింది. రిచా ఘోష్ ఇన్నింగ్స్లోని ప్రత్యేకత ఏమిటంటే ఆమె ఎదుర్కొన్న బంతుల్లో 50 శాతం కంటే ఎక్కువ పరుగులు చేయలేకపోయింది. అయినప్పటికీ ఆమె అద్భుతంగా బ్యాటింగ్ చేసింది.
రిచా ఘోష్ 39 బంతుల్లో నాటౌట్గా..
రిచా ఘోష్ తన ఇన్నింగ్స్లో 11 ఫోర్లు, 4 సిక్సర్లు కొట్టింది. ఆమె స్ట్రైక్ రేట్ 122 కంటే ఎక్కువగా ఉంది. అయితే, రిచా తన 77 బంతుల్లో 39 బంతుల్లో ఒక్క పరుగు కూడా చేయలేదు. అయితే, ఆమె 38 బంతుల్లో 94 పరుగులు చేయడం ఆమె పవర్ ఫుల్ హిట్టింగ్కు నిదర్శనం. ఈ ఇన్నింగ్స్లో రిచా ఘోష్ ప్రపంచ రికార్డును కూడా సృష్టించింది.
రిచా ఘోష్ రికార్డు..
8వ స్థానంలో బ్యాటింగ్ చేస్తున్న మహిళా క్రికెటర్గా రిచా ఘోష్ అత్యధిక వన్డే స్కోరు సాధించింది. గతంలో, ఈ రికార్డు శ్రీలంకపై 74 పరుగులు చేసిన క్లోయ్ ట్రయాన్స్ పేరిట ఉంది. ఇప్పుడు రిచా ఆ రికార్డును బద్దలు కొట్టింది. ఘోష్, స్నేహ్ రాణా ఎనిమిదో వికెట్కు 88 పరుగులు జోడించారు. ఇది ప్రపంచ కప్ మ్యాచ్లో అత్యధిక భాగస్వామ్యం.
భారత టాప్ ఆర్డర్ విఫలం..
రిచా ఘోష్ అద్భుతంగా బ్యాటింగ్ చేసింది. కానీ, టీం ఇండియా మిడిల్ ఆర్డర్ మరోసారి విఫలమైంది. ప్రతికా రావల్ 37 పరుగులు చేసింది. కానీ, ఆమె స్ట్రైక్ రేట్ కేవలం 66. మంధాన కేవలం 23 పరుగులు మాత్రమే చేయగలిగింది. హర్లీన్ డియోల్ 13 పరుగులు చేసింది. హర్మన్ప్రీత్ కౌర్ 9 పరుగులు చేసింది. జెమిమా రోడ్రిగ్స్ తన ఖాతా తెరవలేకపోయింది. దీప్తి శర్మ 4 పరుగులు చేసింది.
మరిన్ని క్రికెట్ వార్తల కోసం ఇక్కడ క్లిక్ చేయండి..
