L Celebration: పాకిస్తాన్పై ఊచకోత.. కట్చేస్తే.. L సెలబ్రేషన్తో అభిషేక్ రచ్చ.. అసలేంటి ఈ కొత్త స్టైల్?
Abhishek Sharma L Celebrations: అభిషేక్ కేవలం 24 బంతుల్లోనే అర్ధ సెంచరీ సాధించాడు, పాకిస్తాన్పై ఒక భారతీయుడు చేసిన వేగవంతమైన హాఫ్ సెంచరీ ఇదే కావడం గమనార్హం. అతని పరిపూర్ణమైన క్లాస్ను చూడటానికి అతని కుటుంబం స్టాండ్స్లో ఉంది. ఈ క్రమంలో అభిషేక్ స్టాండ్ వైపు ముద్దులు పెడుతూ, ఆపై 'L' అనే సంజ్ఞ చేశాడు.
Updated on: Sep 22, 2025 | 9:36 PM
Abhishek Sharma L Celebrations: యువ సంచలనం అభిషేక్ శర్మ, పాకిస్తాన్పై అద్భుతమైన బ్యాటింగ్తో భారత అభిమానుల హృదయాలను గెలుచుకున్నాడు. కేవలం 39 బంతుల్లో 189.74 స్ట్రైక్ రేట్తో 74 పరుగులు చేసి భారతదేశానికి విజయాన్ని అందించాడు. ఈ వీర విహారం తర్వాత, అతను ‘L’ ఆకారంలో చేతి వేళ్లను చూపిస్తూ చేసిన సెలబ్రేషన్ ఇప్పుడు అందరి దృష్టిని ఆకర్షిస్తోంది.
అభిషేక్ కేవలం 24 బంతుల్లోనే అర్ధ సెంచరీ సాధించాడు, పాకిస్తాన్పై ఒక భారతీయుడు చేసిన వేగవంతమైన హాఫ్ సెంచరీ ఇదే కావడం గమనార్హం. అతని పరిపూర్ణమైన క్లాస్ను చూడటానికి అతని కుటుంబం స్టాండ్స్లో ఉంది. ఈ క్రమంలో అభిషేక్ స్టాండ్ వైపు ముద్దులు పెడుతూ, ఆపై ‘L’ అనే సంజ్ఞ చేశాడు. దీంతో అసలు ఈ సంజ్ఞ ఏంటంటూ ఊహాగానాలు మొదలయ్యాయి.
“ఇది చాలా ప్రత్యేకమైనది. కుటుంబ సభ్యులు స్టేడియానికి వచ్చినప్పుడల్లా, మేం ఆటను ఏకపక్షంగా గెలిచాం. ఈరోజు కూడా మేం పోటీని ఏకపక్షంగా గెలిచాం. కుటుంబ సభ్యులు వచ్చినప్పుడు అది ఒక ప్రత్యేక అనుభూతి అవుతుంది” అని అభిషేక్ తన కుటుంబ ఉనికి గురించి చెప్పుకొచ్చాడు.
“భారత జట్టుకు మద్దతు ఇచ్చే వారికి ఇది ఒక వేడుక. ఇది భారతదేశం కోసం, ఇందులో ప్రేమ ఉంది” అని అతను ఆ సంజ్ఞ వెనుక ఉన్న అర్థాన్ని వివరిస్తూ ముగించాడు.
అభిషేక్ శర్మ బ్యాటింగ్, ఒక ఆకట్టుకునే ప్రదర్శన. పాకిస్తాన్ బౌలర్లను తికమక పెడుతూ, అతను ఆత్మవిశ్వాసంతో బ్యాటింగ్ను కొనసాగించారు. అతని ఇన్నింగ్స్లో ఐదు సిక్సర్లు, పది ఫోర్లు ఉన్నాయి. ఈ ఇన్నింగ్స్, భారత్కు ఒక ఘన విజయాన్ని అందించింది.
అభిషేక్ శర్మ బ్యాటింగ్, ఒక యువ ప్రతిభావంతుడు తన శక్తిని ఎలా ప్రదర్శించగలడో చూపించింది. అతని ‘L’ సెలబ్రేషన్, స్నేహం, కృషి, ఆత్మవిశ్వాసం, కష్టపడితే విజయం తప్పక వస్తుందని సూచిస్తుంది. అతని క్రీడా స్ఫూర్తి, అభిమానులను ఎంతగానో ఆకట్టుకుంది.
మరిన్ని క్రికెట్ వార్తల కోసం ఇక్కడ క్లిక్ చేయండి..
