T20Iలో IND vs PAK: టీ20 క్రికెట్లో 11 సార్లు ఢీకొన్న భారత్-పాకిస్తాన్ టీంలు.. 10 ప్రత్యేక రికార్డులు ఇవే..
PAK vs IND: టీ20 ప్రపంచకప్లో భారత్-పాక్ పోరుకు మరో రోజు మాత్రమే మిగిలి ఉంది. ఇరు జట్లు అక్టోబరు 23న మధ్యాహ్నం 1.30 గంటలకు మెల్బోర్న్ క్రికెట్ గ్రౌండ్లో తలపడనున్నాయి.
Updated on: Oct 23, 2022 | 6:05 AM
టీ20 ప్రపంచ కప్ 2022లో అక్టోబర్ 23న భారత్ వర్సెస్ పాకిస్తాన్ (IND vs PAK) మధ్య కీలకపోరు జరగనుంది. ఈ మ్యాచ్కు ముందు ఇరు జట్ల మధ్య 11 మ్యాచ్లు జరిగాయి. అందులో భారత్దే పైచేయిగా నిలివనుంది. ఈ 11 మ్యాచ్ల్లో భారత్ 7 విజయాలు సాధించగా, మూడు మ్యాచ్ల్లో పాకిస్థాన్ టీం విజయం సాధించింది. ఇందులో ఒక మ్యాచ్ టై అయింది. ఈ మ్యాచ్లకు సంబంధించిన 10 ప్రత్యేక గణాంకాలను ఇప్పుడు చూద్దాం..
1. అత్యధిక పరుగులు: ఇండో-పాక్ టీ20 మ్యాచ్ల్లో అత్యధిక పరుగులు చేసిన రికార్డు విరాట్ కోహ్లీ పేరిట నమోదైంది. కోహ్లీ 9 మ్యాచ్లు ఆడి 406 పరుగులు చేశాడు.
2. అత్యధిక స్కోరు: ఇండో-పాక్ టీ20 మ్యాచ్ల్లో ఒక ఇన్నింగ్స్లో అత్యధిక స్కోరు చేసిన రికార్డు పాకిస్థాన్కు చెందిన మహ్మద్ రిజ్వాన్ పేరిట నమోదైంది. గత ప్రపంచకప్లో 55 బంతుల్లో 79 పరుగులు చేశాడు.
3. అత్యధిక బ్యాటింగ్ సగటు: ఈ రికార్డు కూడా మహ్మద్ రిజ్వాన్ పేరిట ఉంది. రిజ్వాన్ భారత్పై 96.50 సగటుతో స్కోర్ చేశాడు.
4. అత్యధిక సిక్సర్లు: ఈ రికార్డు భారత మాజీ క్రికెటర్ యువరాజ్ సింగ్ పేరిట నమోదైంది. ఇండో-పాక్ మ్యాచ్ల్లో యువరాజ్ 9 సిక్సర్లు కొట్టాడు.
5. అత్యధిక వికెట్లు: పాకిస్థాన్ మాజీ ఫాస్ట్ బౌలర్ ఉమర్ గుల్ ఇక్కడ అగ్రస్థానంలో ఉన్నాడు. 11 వికెట్లు తీశాడు.
6. ఒక మ్యాచ్లో అత్యుత్తమ బౌలింగ్: 2007 సెప్టెంబరు 14న జరిగిన భారత్-పాకిస్తాన్ మధ్య జరిగిన మొదటి T20 మ్యాచ్లో మహ్మద్ ఆసిఫ్ 4 ఓవర్లలో 18 పరుగులిచ్చి 4 వికెట్లు తీశాడు. ఇప్పటి వరకు ఇరు జట్ల మధ్య జరిగిన మ్యాచ్ల్లో ఇదే అత్యుత్తమ బౌలింగ్ ప్రదర్శనగా నిలిచింది.
7. బెస్ట్ ఎకానమీ: పాకిస్థాన్ ఫాస్ట్ బౌలర్ మహ్మద్ అమీర్ ఇండో-పాక్ మ్యాచ్ల్లో అత్యంత టైట్గా బౌలింగ్ చేశాడు. 2 మ్యాచ్ల్లో 7 ఓవర్లు వేసి కేవలం 29 పరుగులిచ్చి 4 వికెట్లు పడగొట్టాడు. అంటే, అతని ఎకానమీ రేటు 4.14గా నిలిచింది.
8. అత్యధిక మ్యాచ్లు: ఇండో-పాక్ల మధ్య అత్యధిక టీ20 మ్యాచ్లు ఆడిన ఆటగాడిగా రోహిత్ శర్మ రికార్డు సృష్టించాడు. అతను 11 మ్యాచ్లలో 10 ఆడాడు.
9. అత్యధిక స్కోరు: 28 డిసెంబర్ 2012న, పాకిస్థాన్తో జరిగిన T20 మ్యాచ్లో భారత జట్టు 5 వికెట్ల నష్టానికి 192 పరుగులు చేసింది. ఇదే అత్యధిక స్కోరుగా నిలిచింది.
10. అత్యల్ప స్కోరు: 27 ఫిబ్రవరి 2016న, పాకిస్తాన్ జట్టు మొత్తం భారత్పై కేవలం 83 పరుగులకే ఆలౌట్ అయింది. ఇరు జట్ల మధ్య ఇప్పటివరకు జరిగిన మ్యాచ్ల్లో ఇదే అత్యల్ప స్కోరుగా నమోదైంది.
