ఆ రోజు విరాట్‌ను చూస్తే నవ్వొచ్చింది… స్లెడ్జింగ్​ను గుర్తు చేసుకున్న సూర్యకుమార్ యాదవ్

యూఏఈ వేదికగా జరిగిన ఐపీఎల్​ 13వ సీజన్​లో కోహ్లీతో జరిగిన ఆ సందర్భాన్ని గుర్తు చేసుకున్నాడు యువ బ్యాట్స్​మన్ సూర్యకుమార్ యాదవ్. విరాట్ స్లెడ్జింగ్​ను తాను ఎంజాయ్​ చేసినట్లు పేర్కొన్నాడు. ముంబై ఇండియన్స్​ ఇన్​స్టా ఖాతాలో లైవ్​ చాట్​లో ఈ విషయాన్ని వెల్లడించాడు. టార్గెట్ ఛేదనలో తాను గెలిచినట్లుగా పేర్కొన్నాడు. విరాట్ కోహ్లీ నా వికెట్ కోసం రెచ్చగొట్టాలని చూశాడని… కాని తాను ప్రశాంతంగా తన పని తాను కానిచ్చాను అని తెలిపాడు. అతడు నన్ను మాత్రమే కాదు.. ఆ సమయంలో ఎవరినైనా అలానే చేసేవాడేమో. విరాట్ నన్ను స్లెడ్జ్​ చేసినందుకు సంతోషంగా అనిపించింది.

నేను గొప్పగా ఆడుతున్నాను కాబట్టే నా వికెట్ కోసం నన్ను కవ్వించే ప్రయత్నం చేశాడు. అదే జరిగితే రన్​రేట్ మందగించి మేము ఓడిపోయే అవకాశం ఉండేదని వెల్లడించాడు. మ్యాచ్​ తర్వాత అంతా మాములుగా ఉందని సూర్య తెలిపాడు. మైదానంలో మాత్రమే ఇలాంటివి జరుగుతాయని పేర్కొన్నాడు. “గ్రౌండ్​లో ఉన్నప్పుడు నేను కూల్​గా ఉంటాను. వివాదాల జోలికి వెళ్లను” అని యాదవ్ స్పష్టం చేశాడు.ఆనాడు.. ముంబయి, బెంగళూరు మధ్య జరిగిన ఈ మ్యాచ్​లో రోహిత్ సేన గెలుపొందింది. ఈ మ్యాచ్​లో సూర్యకుమార్ 79 పరుగులతో అజేయంగా నిలిచి.. జట్టుకు విజయాన్ని అందించాడు.

ఇవి కూడా చదవండి: 5,656 మద్యం బాటిళ్లు ధ్వంసం… మహిళా శక్తితోనే ఈ మహమ్మారికి చెక్ పెట్టాలంటున్న పోలీసులు

ప్రైవేటు ఆస్పత్రులను స్వాధీనం చేసుకుని.. ఉచిత వైద్యం అందించండి..! ప్రభుత్వానికి మావోయిస్టుల లేఖ..!