Video: ఇదెక్కడి విచిత్రం.. బంతి స్టంప్స్ను తాకినా, నాటౌట్గానే స్మిత్.. కాపాడిన ఆ ఐసీసీ రూల్
ఛాంపియన్స్ ట్రోఫీ 2025లో భారత్, ఆస్ట్రేలియా మధ్య జరుగుతోన్న సెమీఫైనల్లో ఆస్ట్రేలియా కెప్టెన్ స్టీవ్ స్మిత్ తృటిలో ఔట్ కాకుండా తప్పించుకున్నాడు. 14వ ఓవర్లో, బంతి ప్యాడ్ను తాకింది, ఆపై స్టంప్లను తాకింది. అయితే ఐసీసీ నియమం కారణంగా అతను ఔట్ కాకుండా తప్పించుకున్నాడు.
Updated on: Mar 04, 2025 | 4:41 PM
ఛాంపియన్స్ ట్రోఫీ 2025లో తొలి సెమీఫైనల్ మ్యాచ్ భారత్ వర్సెస్ ఆస్ట్రేలియా మధ్య జరుగుతోంది. దుబాయ్లో జరుగుతున్న ఈ మ్యాచ్లో, ఆస్ట్రేలియా బ్యాట్స్మెన్స్కు అదృష్టం మాములుగా లేదు. మ్యాచ్ సమయంలో చాలా ఆశ్చర్యకరమైన సంఘటన జరిగింది. దీంతో ఆసీస్ ఆటగాళ్లు నక్కతోక తొక్కి వచ్చారంటూ ఫ్యాన్స్ కామెంట్లు చేస్తున్నారు. కంగారూ జట్టు కెప్టెన్ స్టీవ్ స్మిత్ నేడు లక్తో బతికిపోయాడు. అక్షర్ పటేల్ వేసిన 14వ ఓవర్ చివరి బంతిని అతను డిఫెండ్ చేసుకోవడానికి ప్రయత్నించాడు. కానీ, బంతి ప్యాడ్ అంచును తీసుకొని స్టంప్లను తాకింది. అయినప్పటికీ, అతను ఔట్ కాకుండా సేవ్ అయ్యాడు. ఐసీసీ నియమం కారణంగా అతనికి అవుట్ ఇవ్వలేదు.
ఐసీసీ నియమం..
ఐసీసీ నియమాలను తెలుసుకునే ముందు, స్మిత్ను ఎందుకు అవుట్ చేయలేదో తెలుసుకుందాం? నిజానికి, స్మిత్ బంతిని ఆడిన తర్వాత, అది నెమ్మదిగా దొర్లుతూ ఆఫ్-స్టంప్ బేస్ను తాకింది. ఇక్కడ అదృష్టం స్మిత్ కు అనుకూలంగా ఉండటంతో బెయిల్ పడలేదు. దీని కారణంగా స్మిత్ను అవుట్ చేయలేదు. ఇప్పుడు ఐసీసీ నియమాలు ఏమి చెబుతాయో తెలుసుకుందాం. నిజానికి, ఎంసీసీ చట్టం 29 ప్రకారం, ఏదైనా బ్యాట్స్మన్ను అవుట్ చేయాలంటే, స్టంప్ పై నుంచి కనీసం ఒక బెయిల్ను పూర్తిగా తొలగించడం అవసరం. ఇది జరగకపోతే, కనీసం ఒక వికెట్ అయినా పడిపోవాలి. అప్పుడే బ్యాట్స్మన్ను అవుట్గా పరిగణిస్తారు. స్మిత్కు ఈ రెండూ జరగలేదు. అందుకే అతను ఔట్ కాకుండా సేవ అయ్యాడు.
వరుసగా 2 బంతుల్లో రెండు అవకాశాలు..
View this post on Instagram
ఈ సంఘటన 14వ ఓవర్ చివరి బంతికి జరిగింది. అతను మునుపటి బంతికి రనౌట్ కాకుండా తప్పించుకున్నాడు. అతను బంతిని షార్ట్ ఫైన్ లెగ్ వైపు ఆడి, సింగిల్ తీసేందుకు పరిగెత్తాడు. కానీ, మరో ఎండ్లో నిలబడి ఉన్న మార్నస్ లాబుస్చాగ్నే పరుగు తీయడానికి నిరాకరించాడు. దీని వలన రనౌట్కు అవకాశం లభించింది. కానీ, వరుణ్ చక్రవర్తి ఫీల్డింగ్ తప్పు చేశాడు. అతను బంతిని వెంటనే పట్టుకోలేకపోయాడు. దీంతో స్మిత్ సురక్షితంగా తన క్రీజులోకి తిరిగి వచ్చాడు. 22వ ఓవర్లో, షమీ బంతికి మరో క్యాచ్ మిస్ అయింది.
మరిన్ని క్రీడా వార్తల కోసం ఇక్కడ క్లిక్ చేయండి..
