Sourav Ganguly: కోహ్లీని నేను కెప్టెన్సీ నుంచి తప్పించలేదు.. అసలు విషయం చెప్పేసిన గంగూలీ
దక్షిణాఫ్రికా టూర్తో టీమ్ ఇండియా మళ్లీ బిజీ కానుంది. ఇంకో పరంగా చెప్పాలంటే సౌతాఫ్రికా పర్యటనకు ఒక ప్రత్యేకత ఉంది. ఎందుకంటే గత పర్యటనలో విరాట్ కోహ్లీ తన టెస్ట్ కెప్టెన్సీని విడిచిపెట్టాడు. ఇప్పుడు రెండేళ్ల తర్వాత మళ్లీ ఈ అంశం తెరపైకి వచ్చింది. టీమిండియా మాజీ కెప్టెన్, బీసీసీఐ మాజీ బాస్ సౌరవ్ గంగూలీ మాత్రం తాను కెప్టెన్సీ నుంచి విరాట్ కోహ్లీని తొలగించలేద
దక్షిణాఫ్రికా టూర్తో టీమ్ ఇండియా మళ్లీ బిజీ కానుంది. ఇంకో పరంగా చెప్పాలంటే సౌతాఫ్రికా పర్యటనకు ఒక ప్రత్యేకత ఉంది. ఎందుకంటే గత పర్యటనలో విరాట్ కోహ్లీ తన టెస్ట్ కెప్టెన్సీని విడిచిపెట్టాడు. ఇప్పుడు రెండేళ్ల తర్వాత మళ్లీ ఈ అంశం తెరపైకి వచ్చింది. టీమిండియా మాజీ కెప్టెన్, బీసీసీఐ మాజీ బాస్ సౌరవ్ గంగూలీ మాత్రం తాను కెప్టెన్సీ నుంచి విరాట్ కోహ్లీని తొలగించలేదని, విరాట్ అభిమానులు తనను తప్పుగా అర్థం చేసుకున్నారని పేర్కొన్నాడు. ఓ కార్యక్రమంలో విరాట్ కోహ్లీ కెప్టెన్సీ గురించి మాట్లాడిన సౌరవ్ గంగూలీ’ కోహ్లి తప్పుకోవడంలో నా ఉందన్నది కోహ్లీ అభిమానుల అభిప్రాయం. అయితే ఈ విషయంలో నాకెలాంటి సంబంధం లేదు. నేను విరాట్ కోహ్లీని కెప్టెన్సీ నుంచి తప్పించలేదు. అతను T-20 కెప్టెన్సీని విడిచిపెట్టాడు కాబట్టి, వైట్ బాల్ ఫార్మాట్లో వేర్వేరు కెప్టెన్లు ఉండకూడదు కాబట్టి, అలా అయితే, వన్డే కెప్టెన్సీని కూడా వదిలివేయాలని అతనికి చెప్పాం. T20 ప్రపంచ కప్ 2021 సమయంలోనే, విరాట్ కోహ్లీ T20 ఫార్మాట్ కెప్టెన్సీని విడిచిపెట్టాడు. అయితే అతను టెస్ట్, ODI ఫార్మాట్లలో కెప్టెన్గా ఉండాలనే కోరికను వ్యక్తం చేసినప్పటికీ బీసీసీఐ సంతృప్తి చెందలేదు. ప్రత్యేక కెప్టెన్సీ ఉంటే, అది వైట్ బాల్, రెడ్ బాల్ ఫార్మాట్ల ప్రకారం ఉండాలని కోరింది. విరాట్ కోహ్లి నుంచి వన్డే కెప్టెన్సీని తొలగించిన తర్వాత, దక్షిణాఫ్రికా పర్యటనలో టెస్టు కెప్టెన్సీ నుంచి తప్పుకోవాలని నిర్ణయించుకున్నాడు’ అని గంగూలీ చెప్పుకొచ్చాడు.
విరాట్ కోహ్లీ తర్వాత, BCCI రోహిత్ శర్మను అన్ని ఫార్మాట్లకు కెప్టెన్గా చేసింది, అయితే రోహిత్ శర్మ కూడా కొంతకాలం టీ20 ఫార్మాట్లో ఆడటం లేదు. ఇక విరాట్ కోహ్లి, సౌరవ్ గంగూలీ గురించి మాట్లాడుకుంటే.. గంగూలీ బీసీసీఐ ప్రెసిడెంట్గా ఉన్నప్పుడు అతనికి, విరాట్కు మధ్య చాలా వివాదాలు వచ్చాయి. పాత్రికేయుల సమావేశంలో కెప్టెన్సీకి సంబంధించి ఇరుపక్షాల నుండి భిన్న వాదనలు తెరపైకి వచ్చాయి. ముఖ్యంగా అప్పటి బీసీసీఐ అధ్యక్షుడిగా ఉన్న సౌరవ్ గంగూలీపై ఇప్పటికీ ఆరోపణలు వస్తున్నాయి. గంగూలీ కుతంత్రాల వల్లే కోహ్లీని కెప్టెన్సీ నుంచి బలవంతంగా తొలగించారనే పుకార్లు ఇప్పటికీ వినిపిస్తున్నాయి
కోల్ కతా ఫిల్మ్ ఫెస్టివల్ లో సౌరవ్ గంగూలీ, సల్మాన్ ఖాన్
ভাইজানের সাথে নাচের তালে আমাদের কিউট দিদি 😍#KIFF #KolkataFilmFestival #SalmanKhan #MamataBanerjee #SouravGanguly pic.twitter.com/bxIvnZg2Wf
— Altamaj Raj (@Altamaj1) December 5, 2023
మరిన్ని క్రీడా వార్తల కోసం ఇక్కడ క్లిక్ చేయండి..