Sara- Shubman Gill: వాలంటైన్స్‌డే నాడు ఒకే హోటల్‌లో గిల్‌- సారా.. వైరల్‌గా మారిన ఫొటోలు.. ట్విస్ట్ ఏంటంటే?

మాస్టర్‌ బ్లాస్టర్‌ సచిన్‌ టెండూల్కర్‌ గారాల పట్టి సారా టెండూల్కర్‌తో గిల్‌ డేటింగ్‌లో ఉన్నాడంటూ వార్తలు వినిపిస్తున్నాయి. వీరిద్దరూ ఎప్పుడు జంటగా కనిపించలేదు. కానీ.. సోషల్ మీడియాలో ఒకరి పోస్టులకు ఒకరు రియాక్ట్ అవుతున్నారు.. లైకులు కొట్టుకుంటున్నారు.

Gill, Sara Tendulkar

Basha Shek |
Updated on: Feb 15, 2023 | 11:16 AM

టీమిండియా యంగ్ సెన్సేషన్‌ శుభ్‌మన్‌ గిల్‌ క్రికెట్‌తో పాటు ఇతర విషయాలతోనూ వార్తల్లో నిలుస్తున్నాడు. ముఖ్యంగా తన రిలేషన్‌షిప్‌కు సంబంధించి నిత్యం న్యూస్‌లో ఉంటాడీ యంగ్‌ క్రికెటర్‌. మాస్టర్‌ బ్లాస్టర్‌ సచిన్‌ టెండూల్కర్‌ గారాల పట్టి సారా టెండూల్కర్‌తో గిల్‌ డేటింగ్‌లో ఉన్నాడంటూ వార్తలు వినిపిస్తున్నాయి. వీరిద్దరూ ఎప్పుడు జంటగా కనిపించలేదు. కానీ.. సోషల్ మీడియాలో ఒకరి పోస్టులకు ఒకరు రియాక్ట్ అవుతున్నారు.. లైకులు కొట్టుకుంటున్నారు. దీంతో ఇద్దరూ డేటింగ్ లో లవ్ లో ఉన్నారంటూ కథనాలు గుప్పుమంటున్నాయి. ఇటీవల గిల్‌..న్యూజీల్యాండ్ తో జరిగిన మ్యాచ్ లో సెంచరీల వర్షం కురిపించినప్పుడు కూడా సారా, సచిన్‌లను ఇన్వాల్వ్ చేస్తూ సోషల్ మీడియాలో ట్రెండ్ చేశారు.తాజాగా వాలంటైన్స్‌డే నాడు సారా, గిల్‌ షేర్‌ చేసిన ఫొటోలు సోషల్ మీడియాలో హాట్ టాపిక్ గా మారాయి. ఫొట్లోలో కనిపిస్తున్న హోటల్ వాతావరణం, బ్యాక్‌గ్రౌండ్‌ చూసి ఇద్దరు ఒకే హోటల్ లో ఉన్నారంటూ నెటిజన్లు కామెంట్లు కురిపిస్తున్నారు. అయితే.. ఆ హోటల్‌లో సారా దిగిన ఫొటో రెండేళ్ల క్రితంది కావడం గమనార్హం. 2021 జులైలో సారా పోస్ట్ చేయగా.. ఈరోజు గిల్ అదే హోటల్ లో దిగిన పిక్ పోస్ట్ చేయడం వైరల్‌గా మారింది.

ఈ ఫొటోలు చూసిన నెటిజన్లు సారా- గిల్‌లు ఇద్దరూ కలిసి వెళ్లారని.. వాలెంటైన్స్ డే కలిసి జరుపుకున్నారంటూ కామెంట్ల వర్షం కురిపిస్తున్నారు. వీరి ఫొటోలు షేర్‌ చేస్తూ వైరల్ చేస్తున్నారు. మరి ఈ ఫొటోలు పాతవే. కానీ.. అప్పుడు దిగిన పిక్‌ను గిల్ ఇప్పుడు షేర్ చేసి ఉండొచ్చు కదా అని కూడా అనుమానాలు వ్యక్తం చేస్తున్నారు కొందరు. మరి ఇందులో నిజమెంతుందో వారికే తెలియాలి. కాగా గిల్‌ ఇప్పుడు ఆస్ట్రేలియాతో జరుగుతోన్న టెస్ట్‌ సిరీస్‌లో బిజీగా ఉన్నాడు. అయితే మొదటి టెస్ట్‌లో ఆడలేదు. మరి రెండో టెస్టులోనైనా ఛాన్స్‌ లభిస్తుందేమో చూడాలి. ఈనెల 17 నుంచి ఢిల్లీ వేదికగా రెండో టెస్టు ప్రారంభం కానుంది.

ఇవి కూడా చదవండి