RR vs MI: హిట్‌మ్యాన్‌కే ఇచ్చిపడేసిన బౌల్ట్.. కట్‌చేస్తే.. చెత్త రికార్డ్‌లో రోహిత్..

Trent Boult: జైపూర్‌లోని సవాయ్ మాన్‌సింగ్ స్టేడియంలో రాజస్థాన్ రాయల్స్ వర్సెస్ ముంబై ఇండియన్స్ మధ్య జరిగిన మ్యాచ్‌లో ముంబై ఘోర పరాజయం చవిచూసింది. ఈ మ్యాచ్‌లో రాజస్థాన్ రాయల్స్ 9 వికెట్ల తేడాతో ఘన విజయం సాధించి, ప్లే ఆఫ్స్‌ మరింత చేరువైంది. అయితే, ఈ మ్యాచ్‌లోని మొదటి ఓవర్‌లోనే ట్రెంట్ బౌల్ట్‌ ముంబైకి భారీ షాక్ ఇచ్చాడు. ముంబై ఇండియన్స్ జట్టు టాస్ గెలిచి బ్యాటింగ్ ఎంచుకుంది. ఈ క్రమంలో బౌల్ట్ తొలి ఓవర్‌లోనే చరిత్ర సృష్టించాడు. రోహిత్ శర్మ వికెట్ తీసి బౌల్ట్ ఈ అద్భుతం చేశాడు. ఐపీఎల్‌ చరిత్రలో తొలి ఓవర్‌లోనే అత్యధిక వికెట్లు తీసిన బౌలర్‌గా ట్రెంట్ బౌల్ట్ నిలిచాడు.

ఈ రికార్డుతో బౌల్ట్ భారత బౌలర్ భువనేశ్వర్ కుమార్‌ను వెనక్కి నెట్టాడు. భునేశ్వర్ కుమార్ మొత్తం 25 వికెట్లు తీశాడు. బౌల్ట్ 26 వికెట్లు తీశాడు. కొత్త బంతితో బౌల్ట్ టోర్నీ చరిత్రలో బౌలర్లలో ముందంజలో ఉన్నాడు.

ఐపీఎల్‌ తొలి ఓవర్‌లోనే అత్యధిక వికెట్లు తీసిన బౌలర్‌గా బౌల్ట్‌ నిలిచాడు. 17.65 సగటుతో ఈ ఘనత సాధించాడు. ఈ ఇద్దరు బౌలర్లు మినహా ఇప్పటి వరకు ఎవరూ 20 వికెట్లకు మించి తీయలేదు. ఇందులో ప్రవీణ్ కుమార్ 15 వికెట్లు తీశాడు.

ఇవి కూడా చదవండి

గౌతమ్ అదానీకి రూ. 3400 కోట్లు కావాలంటా.. ఎందుకో తెలుసా..?

మీరు కొత్త గ్యాస్‌ కనెక్షన్‌ తీసుకోవాలా? దరఖాస్తు చేయడం ఎలా?

పుచ్చకాయ పంట సాగుతో లక్షల్లో రాబడి... అద్భుతమైన బిజినెస్‌ ఐడియా

కేవలం రూ.400లకే మినీ కూలర్‌.. సమ్మర్‌లో అదిరిపోయే ఆఫర్‌

రోహిత్‌ చెత్త రికార్డ్..

రోహిత్ శర్మను బౌల్ట్ మరోసారి ఔట్ చేశాడు. ఇంతకు ముందు కూడా వాంఖడే మైదానంలో బౌల్ట్ రోహిత్ వికెట్ పడగొట్టాడు. టీ20 క్రికెట్‌లో బౌల్ట్ 6 సార్లు రోహిత్‌ను అవుట్ చేశాడు. ముంబై బ్యాట్స్‌మెన్ రోహిత్ రాజస్థాన్ పేస్ బౌలర్ బౌలింగ్‌లో 57 బంతులు ఎదుర్కొని 75 పరుగులు మాత్రమే చేశాడు.

పవర్‌ప్లేలో ఎవరు ముందున్నారు?

పవర్‌ప్లేలో కూడా బౌల్ట్‌ ఆకట్టుకున్నాడు. తొలి 6 ఓవర్లలో బంతిని ఎక్కువగా స్వింగ్ చేసి వికెట్లు తీశాడు. పవర్‌ప్లేలో 50 వికెట్లు తీసిన ఏకైక విదేశీ బౌలర్ బౌల్ట్. ప్రస్తుతం అతని పేరిట 56 వికెట్లు ఉన్నాయి. బౌల్ట్ కంటే లసిత్ మలింగ ముందున్నాడు. మలింగ మొత్తం 37 వికెట్లు తీశాడు.

మరిన్ని క్రీడా వార్తల కోసం ఇక్కడ క్లిక్ చేయండి..