RoKo Diet : కోహ్లీ, రోహిత్ ఆహారపు అలవాట్లలో ఇంత తేడానా.. ఒకరు సింపుల్.. ఇంకొకరు హెవీ
భారత్, సౌతాఫ్రికా మధ్య రాంచీలో జరిగిన మొదటి వన్డే మ్యాచ్లో టీమిండియా 17 పరుగుల తేడాతో విజయం సాధించింది. ఈ మ్యాచ్లో విరాట్ కోహ్లీ (135 పరుగులు) సెంచరీతో, రోహిత్ శర్మ (57 పరుగులు) మెరుపు హాఫ్ సెంచరీతో ప్రేక్షకులను అలరించారు. మైదానంలో వీరిద్దరూ కలిసి విధ్వంసం సృష్టించడమే కాకుండా, మ్యాచ్ తర్వాత వీరిద్దరూ కలిసి బ్రేక్ తీసుకుంటున్న ఒక ఆసక్తికరమైన ఫోటో కూడా బయటికి వచ్చింది.
Updated on: Dec 01, 2025 | 4:54 PM
RoKo Diet : భారత్, సౌతాఫ్రికా మధ్య రాంచీలో జరిగిన మొదటి వన్డే మ్యాచ్లో టీమిండియా 17 పరుగుల తేడాతో విజయం సాధించింది. ఈ మ్యాచ్లో విరాట్ కోహ్లీ (135 పరుగులు) సెంచరీతో, రోహిత్ శర్మ (57 పరుగులు) మెరుపు హాఫ్ సెంచరీతో ప్రేక్షకులను అలరించారు. మైదానంలో వీరిద్దరూ కలిసి విధ్వంసం సృష్టించడమే కాకుండా, మ్యాచ్ తర్వాత వీరిద్దరూ కలిసి బ్రేక్ తీసుకుంటున్న ఒక ఆసక్తికరమైన ఫోటో కూడా బయటికి వచ్చింది. ఈ స్టార్ క్రికెటర్లు ఇద్దరూ పక్కపక్కనే కూర్చుని ఏం తిన్నారు? వారిద్దరి ఆహారపు అలవాట్లలో ఉన్న తేడా ఏంటి? తెలుసుకుందాం.
హిట్ మ్యాన్ రోహిత్ శర్మ ఇటీవల తన బరువును తగ్గించుకుని, గతంలో కంటే చాలా స్లిమ్గా మారాడు. అయినా కూడా అతను ఇప్పటికీ చాలా సాధారణమైన ఆహారాన్ని తీసుకుంటున్నాడు. రాంచీ వన్డేలో అద్భుతమైన హాఫ్ సెంచరీ తర్వాత రోహిత్ శర్మ పక్కన కూర్చుని పప్పు అన్నం తింటూ కనిపించాడు. తన ఫిట్నెస్ లక్ష్యాలను చేరుకున్నప్పటికీ, రోహిత్ తన డైట్లో ఇప్పటికీ భారతీయ సంప్రదాయ, సాధారణ ఆహారాన్ని కొనసాగిస్తున్నట్లు ఈ చిత్రం ద్వారా తెలుస్తోంది.
రోహిత్ శర్మకు పూర్తిగా భిన్నంగా, విరాట్ కోహ్లీ తన శరీరానికి సరిపోయే ప్రత్యేకమైన ఆహార నియమాలను పాటిస్తాడు. అతని ప్రపంచ స్థాయి ఫిట్నెస్కు ఇదే ప్రధాన కారణం. 135 పరుగుల సెంచరీ ఇన్నింగ్స్ తర్వాత, విరాట్ కోహ్లీ శక్తిని తిరిగి పొందడానికి ప్రోటీన్ బార్ను తీసుకున్నాడు. విరాట్ కోహ్లీ ఎల్లప్పుడూ ఇతరుల కంటే భిన్నమైన, కఠినమైన డైట్ను అనుసరిస్తాడు. అతని అద్భుతమైన ఫిట్నెస్, మైదానంలో అలసిపోని శక్తికి కారణం అతని ప్రత్యేకమైన ఆహారపు అలవాట్లే.
సెంచరీ సాధించిన తర్వాత విరాట్ లోయర్ బ్యాక్లో కొద్దిగా కండరాల పట్టేయడం జరిగింది. ఆ తర్వాతే అతను అవుట్ అయ్యాడు. అయినప్పటికీ, ఫీల్డింగ్ సమయంలో అతని ఎనర్జీ లెవెల్స్ పాత పద్ధతిలోనే ఉండటం గమనార్హం. ఈ మ్యాచ్లో భారత్, సౌతాఫ్రికా జట్లు పోరాట పటిమ కనబరిచాయి. టీమిండియా మొదట బ్యాటింగ్ చేసి 50 ఓవర్లలో 349 పరుగులు చేసింది (విరాట్ కోహ్లీ 135, రోహిత్ శర్మ 57, కేఎల్ రాహుల్ 60 పరుగులు). సౌతాఫ్రికా జట్టు 49.2 ఓవర్లలో 332 పరుగులు చేసి, కేవలం 17 పరుగుల తేడాతో ఓటమి పాలైంది. వారి బ్యాట్స్మెన్లలో మాథ్యూ బ్రీట్జ్కే (72), మార్కో యాన్సెన్ (39 బంతుల్లో 70), కార్బిన్ బాష్ (67) అద్భుతంగా ఆడారు.
మరిన్ని క్రీడా వార్తల కోసం ఇక్కడ క్లిక్ చేయండి..
