BCCI Next Secretary: జైషా తర్వాత బీసీసీఐకి ఎవరు బాస్ అవుతారు?

BCCI Next Secretary: ఐసీసీ చైర్మన్‌గా జై షా నియామకం వచ్చే నెలలో జరగనుంది. డిసెంబర్ 1 నుంచి ఆయన బాధ్యతలు స్వీకరించనున్నారు. అయితే, ఆయన తర్వాత బీసీసీఐ సెక్రటరీ ఎవరు అవుతారన్నది పెద్ద ప్రశ్నగా మారింది. బీసీసీఐ తన తదుపరి కార్యదర్శి కోసం వెతుకుతోంది. మరోవైపు బీసీసీఐ తదుపరి కార్యదర్శి రేసులో ఢిల్లీ అండ్ డిస్ట్రిక్ట్ క్రికెట్ అసోసియేషన్ ప్రెసిడెంట్ రోహన్ జైట్లీ ముందున్నట్లు వార్తలు వస్తున్నాయి.

జైషా తర్వాత బీసీసీఐ కార్యదర్శి ఎవరు?

ఈ రేసులో రోహన్ జైట్లీ ఒక్కరే కాదు. అతనితో పాటు గుజరాత్ క్రికెట్ అసోసియేషన్ సెక్రటరీ అనిల్ పటేల్ పేరు కూడా వినిపిస్తోంది. మీడియా నివేదికల ప్రకారం, రోహన్ జైట్లీ, అనిల్ పటేల్‌లలో ఒకరిని బీసీసీఐ తదుపరి కార్యదర్శిగా నియమించవచ్చు. తదుపరి కార్యదర్శి నియామకంపై చర్చించడానికి ప్రత్యేక సాధారణ సమావేశం ఉండదు.

జైషా 2019 నుంచి BCCI కార్యదర్శిగా పనిచేశాడు. తన నియామకం నుంచి, షా తన పదవిని చక్కగా నిర్వహించాడు. అతను గతంలో 2009లో గుజరాత్ క్రికెట్ అసోసియేషన్‌లో కూడా పనిచేశాడు.

🚨 THE NEW BCCI SECRETARY. 🚨

– Rohan Jaitley front-runner to become the new secretary of the BCCI. (India Today). pic.twitter.com/U5mLrWSl8L

— Mufaddal Vohra (@mufaddal_vohra) November 4, 2024

రోహన్ జైట్లీ గురించి మాట్లాడితే, అతను గత నాలుగు సంవత్సరాలుగా క్రికెట్ పరిపాలనతో అనుబంధం కలిగి ఉన్నాడు. రోహన్ ప్రస్తుతం డీడీసీఏలో ఉన్న పోస్టును ఆయన తండ్రి అరుణ్ జైట్లీ 14 ఏళ్ల పాటు నిర్వహించారు. అతను రెండవసారి ఏకగ్రీవంగా ఎన్నికయ్యాడు.

అతని నాయకత్వంలో, DDCA అనేక ముఖ్యమైన పనులను చేసింది. అతని పదవీ కాలంలో, అరుణ్ జైట్లీ స్టేడియం ఐదు వన్డే ప్రపంచ కప్ మ్యాచ్‌లకు విజయవంతంగా ఆతిథ్యం ఇచ్చింది. రిషబ్ పంత్, ఇషాంత్ శర్మ వంటి కీలక ఆటగాళ్లను కలిగి ఉన్న ఢిల్లీ ప్రీమియర్ లీగ్ ప్రారంభ ఎడిషన్ కూడా ప్రారంభమైంది. రోజర్ బిన్నీ బీసీసీఐ అధ్యక్షుడిగా కొనసాగుతారని వార్తలు చెబుతున్నారు. మరి రోహన్ జైట్లీ, అనిల్ పటేల్‌లలో ఎవరు బీసీసీఐ తదుపరి కార్యదర్శి అవుతారో చూడాలి.

మరిన్ని క్రీడా వార్తల కోసం ఇక్కడ క్లిక్ చేయండి..