Viral Video: హే ఇదంతా సిగ్గే.. సారా ముందే గిల్‌ను ఆటపట్టించిన జడేజా.. రొమాంటిక్ వీడియో చూశారా..?

Shubman Gill, Sara Tendulkar: భారత క్రికెట్ జట్టు యువ సంచలనం, టెస్ట్ కెప్టెన్ శుభ్‌మన్ గిల్, మాస్టర్ బ్లాస్టర్ సచిన్ టెండూల్కర్ కుమార్తె సారా టెండూల్కర్ మధ్య ఉన్న రిలేషన్‌షిప్‌పై గత కొంతకాలంగా అనేక ఊహాగానాలు వినిపిస్తున్న సంగతి తెలిసిందే. వీరిద్దరూ తమ సంబంధంపై అధికారికంగా ఎటువంటి ప్రకటన చేయనప్పటికీ, బహిరంగ ప్రదేశాలలో కలిసి కనిపించడం, సోషల్ మీడియాలో ఒకరినొకరు అనుసరించడం వంటివి ఈ వార్తలకు బలాన్ని చేకూరుస్తున్నాయి.

తాజాగా, లండన్‌లో జరిగిన యువరాజ్ సింగ్ ఛారిటీ డిన్నర్‌లో ఈ జోడీ మరోసారి అందరి దృష్టిని ఆకర్షించింది. అయితే, ఈసారి వారిని వార్తల్లో నిలిపింది టీమిండియా స్టార్ ఆల్-రౌండర్ రవీంద్ర జడేజా. సారా టెండూల్కర్ ఎదుటే శుభ్‌మన్ గిల్‌ను జడేజా ఆటపట్టించిన తీరు, దానికి గిల్ స్పందన ఇప్పుడు సోషల్ మీడియాలో హాట్ టాపిక్‌గా మారింది.

అసలేం జరిగిందంటే?

లండన్‌లో “జేడబ్ల్యూ ఫౌండేషన్” ఆధ్వర్యంలో జరిగిన ఓ ఛారిటీ డిన్నర్ కార్యక్రమానికి పలువురు భారత క్రికెటర్లు హాజరయ్యారు. ఈ కార్యక్రమానికి శుభ్‌మన్ గిల్, సారా టెండూల్కర్ కూడా విచ్చేశారు. వారు ఒకే టేబుల్ వద్ద కూర్చొని ఉండగా, రవీంద్ర జడేజా వారి వద్దకు వచ్చాడు.

Jadeja teasing Shubman Gill over Sara Tendulkar 😭😂 pic.twitter.com/IH9GqplUtJ

— Jeet (@JeetN25) July 11, 2025

గిల్‌ను చూడగానే జడేజా తనదైన శైలిలో అతడిని ఆటపట్టించడం ప్రారంభించాడు. సారా అక్కడే ఉందని కూడా చూడకుండా, గిల్‌ను ఉద్దేశించి సరదాగా ఏవో వ్యాఖ్యలు చేశాడు. జడేజా హావభావాలు, మాటలకు గిల్ సిగ్గుతో ముఖం దాచుకునే ప్రయత్నం చేశాడు. ఒకానొక సమయంలో తన రెండు చేతులతో ముఖాన్ని కప్పుకుని సిగ్గుపడిపోయాడు. ఇది గమనించిన సారా టెండూల్కర్, జడేజా వ్యాఖ్యలకు నవ్వు ఆపుకోలేకపోయారు. ఆమె గట్టిగా నవ్వేస్తున్న దృశ్యాలు కెమెరాలలో బంధించబడ్డాయి.

సోషల్ మీడియాలో వీడియో వైరల్..

Sara Tendulkar and Shubman Gill spotted together in London? Viral pic sparks buzz — truth or just rumours?#SaraGillVibes #LondonSpotted #ViralBuzz#ShubmanGill#ShubmanGill𓃵#SaraTendulkar@ShubmanGill pic.twitter.com/e00t3MpmVb

— Rahul (@rahulkrna) July 10, 2025

ఈ సరదా సంఘటనకు సంబంధించిన వీడియో సోషల్ మీడియా ప్లాట్‌ఫారమ్‌లలో క్షణాల్లో వైరల్‌గా మారింది. గిల్ సిగ్గుపడటం, సారా నవ్వడం, జడేజా ఆటపట్టించడం వంటివి చూసి అభిమానులు తెగ సంబరపడిపోతున్నారు. “జడ్డూ భాయ్.. నువ్వు సూపర్,” అంటూ కొందరు కామెంట్ చేయగా, “గిల్ ఎంత సిగ్గుపడ్డాడో చూడండి,” అని మరికొందరు వ్యాఖ్యానించారు.

ఈ సంఘటనతో గిల్-సారా మధ్య ఏదో నడుస్తోందన్న వార్తలకు మరింత బలం చేకూరినట్లయింది. సహచర ఆటగాడు కూడా వారిని బహిరంగంగా ఆటపట్టించడంతో, వారి బంధం స్నేహానికి మించిందని అభిమానులు భావిస్తున్నారు. ఏది ఏమైనప్పటికీ, ఈ సరదా సన్నివేశం క్రికెట్ అభిమానులకు మంచి వినోదాన్ని పంచుతోంది.