Pak vs Aus 3rd Test: టెస్ట్ సిరీస్ ఆసీస్ సొంతం.. 115 పరుగుల తేడాతో పాక్ ఓటమి.. 24 ఏళ్ల తర్వాత కంగారుల స్పెషల్ రికార్డ్..
24 ఏళ్ల తర్వాత పాకిస్థాన్‌లో ఆస్ట్రేలియా జట్టు విజయం సాధించింది. మూడో టెస్టులో పాక్‌ను 115 పరుగుల తేడాతో ఓడించి సిరీస్‌ను సొంతం చేసుకుంది.
Updated on: Mar 25, 2022 | 6:14 PM
Pakistan Vs Australia 3rd Test: 24 ఏళ్ల తర్వాత పాక్ పర్యటనకు వెళ్లిన ఆస్ట్రేలియా(Australia) జట్టు లాహోర్‌ వేదికగా జరిగిన మూడో టెస్టులో విజయం సాధించింది. పాకిస్థాన్(Pakistan)తో జరిగిన మూడో టెస్టులో ఆస్ట్రేలియా 115 పరుగుల తేడాతో విజయం సాధించి మూడు మ్యాచ్‌ల సిరీస్‌ను 1-0తో కైవసం చేసుకుంది. ఆస్ట్రేలియా విధించిన 351 పరుగుల లక్ష్యాన్ని చేరుకోలేకపోయింది. పాకిస్తాన్ జట్టు కేవలం 235 పరుగులకే కుప్పకూలింది. ఆస్ట్రేలియా తరపున ఆఫ్ స్పిన్నర్ నాథన్ లియాన్ 5 వికెట్లు, కెప్టెన్ పాట్ కమిన్స్ 3 వికెట్లు తీశారు. కామెరాన్ గ్రీన్, మిచెల్ స్టార్క్ తలో 1 వికెట్ పడగొట్టారు.
ఈ మ్యాచ్‌లో 8 వికెట్లు తీసిన కెప్టెన్ పాట్ కమిన్స్(Pat Cummins) మ్యాన్ ఆఫ్ ద మ్యాచ్‌గా నిలిచాడు. అదే సమయంలో మ్యాన్ ఆఫ్ ద సిరీస్ అవార్డు ఉస్మాన్ ఖవాజాకు దక్కింది. రెండో ఇన్నింగ్స్‌లో పాకిస్థాన్‌కు ఓపెనర్ ఇమామ్ ఉల్ హక్ (70) టాప్ స్కోరర్‌గా నిలిచాడు. అతనితో పాటు కెప్టెన్ బాబర్ అజామ్ 55 పరుగులతో ఇన్నింగ్స్ ఆడాడు. వీరిద్దరూ మినహా బ్యాట్స్‌మెన్స్ ఎవరూ పెద్ద ఇన్నింగ్స్‌లు ఆడలేకపోయారు. నిర్జీవ పిచ్‌లపై ఆతిథ్య జట్టుకు సవాల్‌ విసరడంలో ఆస్ట్రేలియా జట్టు విజయం సాధించింది. రెండో టెస్ట్ మ్యాచ్‌లో, ఆస్ట్రేలియా జట్టు విజయానికి 3 వికెట్ల దూరంలో ఉంది. అయితే లాహోర్‌లో విజయాన్ని నమోదు చేయడానికి కంగారూ జట్టు ఎటువంటి అవకాశాన్ని వదిలిపెట్టలేదు. ఈ విజయంతో ఆస్ట్రేలియా జట్టు ఐసీసీ వరల్డ్ టెస్ట్ ఛాంపియన్‌షిప్‌లో నంబర్‌వన్‌ ర్యాంక్‌కు చేరుకుంది. అదే సమయంలో టీమ్ ఇండియా ప్రస్తుతం మూడో స్థానంలో నిలిచింది.
ఆస్ట్రేలియా తరపున సిరీస్‌లో ఉస్మాన్ ఖవాజా అద్భుతంగా బ్యాటింగ్ చేశాడు. ఈ ఆటగాడు మూడో టెస్టు తొలి ఇన్నింగ్స్‌లో 91 పరుగులు, రెండో ఇన్నింగ్స్‌లో 104 పరుగులు చేశాడు. ఖవాజా అద్భుతమైన బ్యాటింగ్ కారణంగా, ఆస్ట్రేలియా మొదటి ఇన్నింగ్స్‌లో 391 పరుగులు, రెండవ ఇన్నింగ్స్‌లో 3 వికెట్ల నష్టానికి 227 పరుగులు చేసింది. పాకిస్థాన్ జట్టు తొలి ఇన్నింగ్స్‌లో 268 పరుగులకు ఆలౌటైంది. దీంతో ఆస్ట్రేలియా మొదటి ఇన్నింగ్స్‌లో 123 పరుగుల ఆధిక్యాన్ని సంపాదించగలిగింది.
నాలుగో రోజు పాకిస్థాన్‌దే ఆధిపత్యం..
నాలుగో రోజు ఆట ముగిసే వరకు ఆతిథ్య జట్టు వికెట్ నష్టపోకుండా 73 పరుగులు చేసింది. అయితే ఐదో రోజు ఆస్ట్రేలియా బౌలర్లు పాక్ బ్యాట్స్‌మెన్స్‌ను క్రీజులో ఉండనివ్వలేదు. నాథన్ లియాన్ రెండో ఇన్నింగ్స్‌లో అత్యధికంగా 5 వికెట్లు పడగొట్టాడు. అదే సమయంలో తొలి ఇన్నింగ్స్‌లో ఐదు వికెట్లు తీసిన కెప్టెన్ పాట్ కమిన్స్ 3, మిచెల్ స్టార్క్ 1 వికెట్ తీశారు.
CSK vs KKR Playing XI, IPL 2022: తొలిపోరుకు సిద్ధమైన చెన్నై, కోల్‌కతా.. ప్లేయింగ్ XI ఎలా ఉండనుందంటే?
