Video: సిగ్గుందా అసలు.. సెంచరీ చేసినోడికి ఇదేం చెత్త అవార్డ్.. మరోసారి నవ్వులపాలైన పీఎస్‌ఎల్

Pakistan Super League 2025: ఐపీఎల్‌తో పోటీ పడేందుకు పీఎస్‌ఎల్ ప్రయత్నిస్తోంది. ప్రతీ విషయంలోనూ ఐపీఎల్‌ను కాపీ చేస్తూ నవ్వులపాలవుతోంది. పాకిస్తాన్ సూపర్ లీగ్ (పీఎస్‌ఎల్)ను ఐపీఎల్ సమయంలో నిర్వహించడం ఇదే మొదటిసారి. కానీ, ఈ లీగ్ ఆశించిన స్థాయిలో ఆకట్టుకోలేకపోతోంది. ఏప్రిల్ 11న ప్రారంభమైన పాకిస్తాన్ సూపర్ లీగ్ 10వ ఎడిషన్‌కు ప్రేక్షకుల కొరత ఏర్పడింది. ఈ లీగ్‌లో కొంతమంది స్టార్ క్రికెటర్లు ఆడుతున్నప్పటికీ, ప్రేక్షకులు స్టేడియానికి రావడం లేదు. ఈ విధంగా, ఈ లీగ్ నష్టాల్లో నడుస్తున్న వీడియో వైరల్ అయింది. తాజాగా మరో వీడియోతో పాకిస్తాన్ పరువు పోయింది. దీంతో నెటిజన్లు పాకిస్తాన్ సూపర్ లీగ్‌ను ఎగతాళి చేయడం ప్రారంభించారు.

పాకిస్తాన్ సూపర్ లీగ్ 2025లో భాగంగా మూడవ మ్యాచ్ ముల్తాన్ సుల్తాన్స్ వర్సెస్ కరాచీ కింగ్స్ మధ్య జరిగింది. ఈ మ్యాచ్‌లో ముల్తాన్ సుల్తాన్స్‌కు చెందిన మహ్మద్ రిజ్వాన్ 63 బంతుల్లో 105 పరుగులు చేసి అజేయంగా నిలిచాడు. దీని ఆధారంగా ముల్తాన్ సుల్తాన్ జట్టు 20 ఓవర్లలో 3 వికెట్లకు 234 పరుగుల భారీ స్కోరును సాధించగలిగింది.

జేమ్స్ విన్స్ అద్భుత సెంచరీ..

James Vince is the Dawlance Reliable Player of the Match for his game-changing performance against the Multan Sultans! 💙❤️#YehHaiKarachi | #KingsSquad | #KarachiKings pic.twitter.com/PH2U9FQl5a

— Karachi Kings (@KarachiKingsARY) April 13, 2025

ఈ లక్ష్యాన్ని ఛేదించిన కరాచీ కింగ్స్ ఇంకా 4 బంతులు మిగిలి ఉండగానే 4 వికెట్ల తేడాతో మ్యాచ్‌ను గెలుచుకుంది. జేమ్స్ విన్స్ అద్భుతమైన సెంచరీతో జట్టు తరపున మెరిశాడు. జేమ్స్ విన్స్ 43 బంతుల్లో 14 ఫోర్లు, 4 సిక్సర్లతో 101 పరుగులు చేశాడు. ఈ అద్భుతమైన ఇన్నింగ్స్‌కు విన్స్ మ్యాన్ ఆఫ్ ది మ్యాచ్ అవార్డును కూడా అందుకున్నాడు. ఆ తర్వాత, జట్టు విజయానికి కారణమైన విన్స్‌ను కరాచీ కింగ్స్ డ్రెస్సింగ్ రూమ్‌లో సత్కరించారు. ఆశ్చర్యకరంగా గౌరవసూచకంగా అతనికి ఒక హెయిర్ డ్రైయర్ బహుమతిగా ఇచ్చారు. ఈ వీడియోను కరాచీ కింగ్స్ తమ ఇన్‌స్టాగ్రామ్‌లో షేర్ చేసింది.

ఎగతాళి చేసిన నెటిజన్లు..

కరాచీ కింగ్స్ ఈ వీడియో ఇప్పుడు సోషల్ మీడియాలో వైరల్ అవుతోంది. అభిమానులు పాకిస్తాన్ సూపర్ లీగ్‌ను ఎగతాళి చేయడం ప్రారంభించారు. గల్లీ క్రికెట్‌లో గెలిచిన జట్టుకు ఇంకా మంచి బహుమతి ఇస్తామని నెటిజన్లు పాకిస్తాన్ సూపర్ లీగ్‌ను ఎగతాళి చేశారు.