PAK vs AUS ODI: స్పెషల్ రికార్డ్‌లో చేరిన పాక్ సారథి.. కోహ్లి, వార్నర్‌లను వెనక్కు నెట్టిన బాబర్ ఆజం.. అదేంటంటే?

పాకిస్థాన్ క్రికెట్ జట్టు కెప్టెన్ బాబర్ ఆజం(Pakistan captain babar azam) ఫుల్ ఫామ్‌లో ఉన్నాడు. ఆస్ట్రేలియా(PAK vs AUS)తో జరుగుతోన్న వన్డే సిరీస్‌లో భాగంగా నేడు జరిగిన రెండో వన్డేలో సెంచరీ చేసి జట్టును విజయతీరాలకు చేర్చాడు. దీంతో మూడు వన్డేల సిరీస్‌లో ఇరు జట్లు 1-1తో సమంగా నిలిచాయి. బాబర్ అజామ్ 83 బంతుల్లో 114 పరుగులు చేసి జట్టుకు విజయాన్ని అందించాడు. ఈ సెంచరీతో బాబర్ తన పేరిట ఓ ప్రపంచ రికార్డు సృష్టించాడు. అత్యంత వేగంగా 83 ఇన్నింగ్స్‌లలో 15 వన్డే సెంచరీలు చేసిన క్రికెటర్‌గా నిలిచాడు.

ఆమ్లా, కోహ్లీ రికార్డును బద్దలు కొట్టిన బాబర్..

ఈ విషయంలో భారత మాజీ కెప్టెన్ విరాట్ కోహ్లీ, దక్షిణాఫ్రికా ఆటగాడు హషీమ్ ఆమ్లా, ఆస్ట్రేలియా ఓపెనర్ డేవిడ్ వార్నర్‌లను బాబర్ అధిగమించాడు. అంతకుముందు హషీమ్ ఆమ్లా 86, కోహ్లి 106 వన్డే ఇన్నింగ్స్‌ల్లో 15 సెంచరీలు సాధించారు. దీంతో బాబర్ 100 కంటే తక్కువ వన్డే ఇన్నింగ్స్‌ల్లో 15 సెంచరీలు చేసిన రెండో క్రికెటర్‌గా నిలిచాడు.

వన్డేల్లో వేగవంతమైన 15 సెంచరీల రికార్డు

కెప్టెన్‌గాను మరో భారీ రికార్డు..

కెప్టెన్‌గా బాబర్ ఆజం నాలుగో వన్డే సెంచరీని నమోదు చేశాడు. తద్వారా వన్డేల్లో అత్యధిక సెంచరీలు చేసిన పాకిస్థాన్ కెప్టెన్‌గా నిలిచాడు. ఈ విషయంలో కెప్టెన్‌గా 3 సెంచరీలు చేసిన అజహర్ అలీ రికార్డును బాబర్ బద్దలు కొట్టాడు. కెప్టెన్‌గా ఇంజమామ్-ఉల్-హక్, షాహిద్ అఫ్రిది చెరో 2 వన్డే సెంచరీలు సాధించారు.

బాబర్ మహ్మద్ యూసుఫ్‌తో సమానంగా..

వన్డే ఫార్మాట్‌లో అత్యధిక సెంచరీలు సాధించిన పాక్ మాజీ క్రికెటర్ మహ్మద్ యూసుఫ్‌ను పాకిస్థాన్ కెప్టెన్ బాబర్ అజామ్ సమం చేశాడు. బాబర్ తర్వాతి సెంచరీ (16వ) స్కోర్ చేసిన వెంటనే యూసుఫ్‌ను వదిలి రెండో స్థానాన్ని ఆక్రమిస్తాడు. 20 సెంచరీలు చేసిన పాకిస్థాన్ ఆటగాళ్లలో అత్యధిక వన్డే సెంచరీలు సాధించిన ఆటగాడిగా సయీద్ అన్వర్ రికార్డు సృష్టించాడు.

భారీ లక్ష్యాన్ని ఛేదించిన పాకిస్థాన్..

లాహోర్ వన్డేలో ఆస్ట్రేలియా జట్టు 8 వికెట్లకు 348 పరుగుల భారీ స్కోరు చేసింది. పాకిస్థాన్‌లో ఈ జట్టు ఇప్పటివరకు సాధించిన అత్యధిక వన్డే స్కోరు ఇదే. ఆస్ట్రేలియా బ్యాట్స్‌మెన్ బెన్ మెక్‌డెర్మాట్ కూడా తన కెరీర్‌లో తొలి సెంచరీని సాధించాడు. నాలుగో వన్డే ఆడుతున్న మెక్‌డెర్మాట్ 108 బంతుల్లో 10 ఫోర్లు, 4 సిక్సర్ల సాయంతో 104 పరుగులు చేశాడు.

అనంతరం పాకిస్థాన్ జట్టు 49 ఓవర్లలో 4 వికెట్ల నష్టానికి 349 పరుగులు చేసి విజయం సాధించింది. ఈ విధంగా, పాకిస్తాన్ జట్టు ఇప్పటివరకు వన్డేల్లో అతిపెద్ద లక్ష్య ఛేదనలో రికార్డు సృష్టించింది. పాక్ కెప్టెన్ బాబర్ ఆజం 114, ఇమామ్ ఉల్ హక్ 106 పరుగులు చేశారు. బాబర్ తన 83 బంతుల్లో 11 ఫోర్లు, ఒక సిక్సర్‌తో రాణించగా, ఇమామ్ 97 బంతులు ఎదుర్కొని ఆరు ఫోర్లు, మూడు సిక్సర్లతో రాణించాడు.

Also Read: 180 బంతుల్లో 220 పరుగులు.. 6గురి బౌలర్ల భరతం పట్టారు.. కట్ చేస్తే.. మ్యాచ్‌ను మలుపు తిప్పేశారు!

IPL 2022: చెన్నై సూపర్‌ కింగ్స్‌ పరాజయంపై స్పందించిన జడేజా.. తమ ఓటమికి కారణాలు ఇవేనంటూ..