ODI World Cup 2023: వన్డే ప్రపంచకప్ కోసం విండీస్ టీం.. రీఎంట్రీ ఇచ్చిన పవర్ హిట్టర్.. ఐపీఎల్ మాస్టర్కు నో ఛాన్స్..
ICC 2023 ODI World Cup: వెస్టిండీస్ క్రికెట్ బోర్డు వన్డే ప్రపంచ కప్ 2023 కోసం తన జట్టును ప్రకటించింది. ఈ సంవత్సరం చివరిలో భారత్లో ఈ ఈవెంట్ జరగనుంది. ఈ జట్టులో తుఫాన్ ఓపెనర్ కం బ్యాట్స్మెన్ జాన్సన్ చార్లెస్కు అవకాశం దక్కింది.
Updated on: Jun 09, 2023 | 8:35 PM
West Indies Squad For ODI World Cup 2023: వెస్టిండీస్ క్రికెట్ బోర్డు వన్డే ప్రపంచ కప్ 2023 కోసం తన జట్టును ప్రకటించింది. ఈ సంవత్సరం చివరిలో భారత్లో ఈ ఈవెంట్ జరగనుంది. ఈ జట్టులో తుఫాన్ ఓపెనర్ కం బ్యాట్స్మెన్ జాన్సన్ చార్లెస్కు అవకాశం దక్కింది. అయితే, ఐపీఎల్ 2023లో సందడి చేసిన షిమ్రాన్ హెట్మెయర్ను మాత్రం బోర్డు పట్టించుకోలేదు.
తొలి క్వాలిఫయర్ రౌండ్ ఆడనున్న వెస్టిండీస్..
అక్టోబర్-నవంబర్లో జరగనున్న 2023 వన్డే ప్రపంచకప్లో వెస్టిండీస్ జట్టుకు డెరెక్ట్ ఎంట్రీ లభించలేదు. రెండుసార్లు టీ20 ప్రపంచకప్, రెండుసార్లు వన్డే ప్రపంచకప్ గెలిచిన ఈ జట్టు.. తొలి క్వాలిఫయర్ రౌండ్ ఆడాల్సి ఉంది. జూన్ 18 నుంచి జింబాబ్వేలో క్వాలిఫయింగ్ రౌండ్ జరగనుంది.
కెప్టెన్గా షాయ్ హోప్, వైస్ కెప్టెన్గా రోవ్మన్ పావెల్..
2023 వన్డే ప్రపంచకప్ క్వాలిఫైయింగ్ రౌండ్లో కరీబియన్ జట్టుకు వికెట్ కీపర్ బ్యాట్స్మెన్ షాయ్ హోప్ కెప్టెన్గా వ్యవహరించనున్నాడు. అంటే ప్రపంచకప్లో వెస్టిండీస్ జట్టు మెయిన్ ఈవెంట్లో అడుగుపెడితే, షాయ్ హోప్ జట్టుకు నాయకత్వం వహించనున్నాడు. అదే సమయంలో, మిడిల్ ఆర్డర్ తుఫాన్ బ్యాట్స్మెన్ రోవ్మన్ పావెల్ జట్టుకు వైస్ కెప్టెన్గా వ్యవహరిస్తాడు.
చాలా కాలం తర్వాత తిరిగి వచ్చిన కీమో పాల్..
ఈ జట్టులో ఆల్రౌండర్ కీమో పాల్ కూడా ఎంపికయ్యాడు. కొంతకాలం తర్వాత కీమో పాల్ వెస్టిండీస్ జట్టులోకి తిరిగి వచ్చాడు. ఇది కాకుండా నికోలస్ పూరన్, రొమారియో షెపర్డ్, కైల్ మేయర్స్, అల్జారీ జోసెఫ్, అకిల్ హుస్సేన్, రోవ్మాన్ పావెల్, జాసన్ హోల్డర్ కూడా ఈ జట్టులో భాగమయ్యారు.
వెస్టిండీస్ జట్టు – షాయ్ హోప్ (కెప్టెన్ & కీపర్), రోవ్మన్ పావెల్ (వైస్ కెప్టెన్), షమ్రా బ్రూక్స్, యానిక్ కరియా, కేసీ కార్తీ, రోష్టన్ చేజ్, జాసన్ హోల్డర్, జాసన్ హోల్డర్, అకిల్ హుస్సేన్, అల్జారీ జోసెఫ్, బ్రెండన్ కింగ్, జాన్సన్ చార్లెస్, కీమో పాల్, నికోలస్ పూరన్ (వికెట్ కీపర్), రొమారియో షెపర్డ్.
వెస్టిండీస్, శ్రీలంకతో సహా ఈ 10 జట్ల మధ్య క్వాలిఫయర్ మ్యాచ్లు..
2023 ODI ప్రపంచ కప్ క్వాలిఫయర్స్ రౌండ్లో మొత్తం 10 జట్లు పాల్గొంటాయి. ఇందులో ఐర్లాండ్, నెదర్లాండ్స్, యూఏఈ, శ్రీలంక, నేపాల్, స్కాట్లాండ్, ఒమన్, జింబాబ్వే, వెస్టిండీస్, అమెరికా జట్లు పాల్గొంటాయి. జూన్ 18 నుంచి జింబాబ్వేలో క్వాలిఫయర్ మ్యాచ్లు జరగనున్నాయి.
మరిన్ని క్రీడా వార్తల కోసం ఇక్కడ క్లిక్ చేయండి..
