IPL 2027: ఐపీఎల్ కోసం స్వదేశాన్ని ఛీకొట్టిన పాక్ ప్లేయర్.. వేలంలో ఎంట్రీకి లైన్ క్లియర్.. కట్చేస్తే
Mohammad Amir Eligible to Play IPL: భారత క్రికెట్ అభిమానులకు అత్యంత సంచలనమైన వార్త. పాకిస్థాన్ సీనియర్ ఫాస్ట్ బౌలర్ మొహమ్మద్ అమీర్ ప్రపంచంలోనే అత్యంత సంపన్న లీగ్ అయిన ఇండియన్ ప్రీమియర్ లీగ్లో ఆడేందుకు అధికారికంగా అర్హత సాధించాడు. ఇప్పటివరకు ఐపీఎల్ వైపు కన్నెత్తి కూడా చూడని ఈ పాక్ బౌలర్కు సరిహద్దులు దాటి వచ్చేందుకు మార్గం సుగమమైంది.
Mohammad Amir Eligible to Play IPL: భారతదేశంలో నిర్వహించే ఐపీఎల్లో పాకిస్థాన్ ఆటగాళ్లపై దశాబ్దాలుగా నిషేధం కొనసాగుతున్న సంగతి తెలిసిందే. అయితే, మొహమ్మద్ అమీర్ తాజాగా బ్రిటీష్ పాస్పోర్ట్ సాధించి, అధికారికంగా బ్రిటన్ పౌరసత్వాన్ని పొందాడు. ఐపీఎల్ నిబంధనల ప్రకారం పాకిస్థాన్ పాస్పోర్ట్ కలిగిన ఆటగాళ్లపై మాత్రమే నిషేధం ఉంది కానీ, పాక్లో జన్మించిన వారిపై కాదు. అమీర్ ఇప్పుడు బ్రిటీష్ పౌరుడిగా ఐపీఎల్ వేలంలో తన పేరును నమోదు చేసుకోవడానికి చట్టపరంగా పూర్తి అర్హత సాధించాడు. గతంలో పాక్ మాజీ ఆల్రౌండర్ అజహర్ మహమూద్ కూడా ఇదే విధంగా బ్రిటన్ పౌరసత్వంతో కింగ్స్ ఎలెవన్ పంజాబ్, కోల్కతా నైట్ రైడర్స్ జట్లకు ప్రాతినిధ్యం వహించాడు.
నిషేధాలు, వివాదాల సుదీర్ఘ ప్రయాణం..
2008 ముంబై ఉగ్రదాడుల తర్వాత భారత ప్రభుత్వం, బీసీసీఐ కలిసి పాక్ ఆటగాళ్లను ఐపీఎల్కు దూరం పెట్టాయి. దీనికి తోడు 2010లో ఇంగ్లాండ్ పర్యటనలో మొహమ్మద్ అమీర్ స్పాట్ ఫిక్సింగ్ వివాదంలో చిక్కుకుని ఐదేళ్లపాటు అంతర్జాతీయ క్రికెట్ నుంచి నిషేధానికి గురయ్యాడు. ఆ తర్వాత పునరాగమనం చేసి పాకిస్థాన్ సూపర్ లీగ్లో రాణించినప్పటికీ, పాక్ పాస్పోర్ట్ కారణంగా అతడికి భారత్లో అడుగుపెట్టే అవకాశం దక్కలేదు. ప్రస్తుతం ఐసీసీ విధించిన పాత నిషేధాలన్నీ ముగిసిపోవడం, చేతిలో బ్రిటీష్ పాస్పోర్ట్ ఉండటంతో చట్టపరమైన అడ్డంకులన్నీ తొలిగిపోయాయి.
2027 వేలంలోకి అమీర్.. ఫ్రాంచైజీలు కొనుగోలు చేస్తాయా..?
బ్రిటన్ కోటాలో మొహమ్మద్ అమీర్ రాబోయే 2027 ఐపీఎల్ వేలంలో తన పేరును నమోదు చేసుకునే అవకాశం ఉంది. ట్వంటీ-20 క్రికెట్లో అతడికి ఉన్న అద్భుతమైన రికార్డు, అనుభవం దృష్ట్యా ఏ జట్టుకైనా అతడు కీలక బౌలర్గా మారగలడు. అయితే, చట్టపరంగా అర్హత సాధించినప్పటికీ, వేలంలో ఏ ఫ్రాంచైజీ అయినా అతడి కోసం బిడ్ వేస్తుందా లేదా అనేది ఇప్పుడు మిలియన్ డాలర్ల ప్రశ్నగా మారింది.
అసలు ట్విస్ట్: బీసీసీఐ, ప్రభుత్వాల నిర్ణయం ఏంటి..?
కాగితాల పరంగా, నిబంధనల పరంగా అమీర్కు లైన్ క్లియర్ అయినప్పటికీ, అతడు ఐపీఎల్ మైదానంలో అడుగుపెట్టడం అంత సులువు కాదు. ఎందుకంటే ఐపీఎల్ కేవలం ఒక క్రీడా టోర్నమెంట్ మాత్రమే కాదు, దీని వెనుక కోట్ల మంది భారతీయుల సెంటిమెంట్ దాగి ఉంది. ముఖ్యంగా ఇటీవల కాశ్మీర్లో జరిగిన ఉగ్రదాడుల నేపథ్యంలో దేశంలో పాక్ పట్ల తీవ్ర ఆగ్రహావేశాలు వ్యక్తమవుతున్నాయి. ప్రజాభిప్రాయాన్ని, దేశ భద్రతను గౌరవించే బీసీసీఐ, కేంద్ర ప్రభుత్వం.. పాక్ మూలాలున్న ఆటగాడిని లీగ్లోకి అనుమతించే విషయంలో అత్యంత అప్రమత్తంగా వ్యవహరిస్తాయి.
మొహమ్మద్ అమీర్ బ్రిటన్ పౌరసత్వం పొందడం ద్వారా ఐపీఎల్ తలుపులు తట్టినట్లయింది. కానీ, భారత్-పాక్ మధ్య ఉన్న రాజకీయ, దౌత్యపరమైన ఉద్రిక్తతలు, కార్పొరేట్ ఫ్రాంచైజీల భయాల మధ్య అమీర్ ఐపీఎల్ కల నెరవేరుతుందా లేదా అనేది కాలమే నిర్ణయించాలి. కేవలం నిబంధనలు మారినంత మాత్రాన, మైదానంలో పరిస్థితులు మారవని ఈ పరిణామం స్పష్టం చేస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..