ధోని నుంచి కర్రన్ వరకు.. ఐపీఎల్ చరిత్రలో కాస్ట్లీ ప్లేయర్స్ వీరే.. లిస్టులో 7గురు టీమిండియా ఆటగాళ్లు..

ఐపీఎల్ 2023 మినీ ఆక్షన్‌లో ఫ్రాంచైజీల ఊపు మాములుగా లేదుగా. భవిష్యత్తు సీజన్లను దృష్టిలో పెట్టుకుని యువ ప్లేయర్స్‌పై కాసులు వర్షం కురిపిస్తున్నారు. అలాగే అనుభవం ఉన్న సీనియర్లను వారిని తీర్చిదిద్దేందుకు ఎంచుకుంటున్నారు. ఈ క్రమంలోనే ఐపీఎల్ చరిత్రలో రికార్డులన్నీ బ్రేక్ అయ్యాయి. ఇప్పటిదాకా అత్యధిక ధర ప్లేయర్స్ లిస్టులో అగ్రస్థానంలో నిలిచిన కెఎల్ రాహుల్(రూ. 17 కోట్లు), విరాట్ కోహ్లి(రూ. 17 కోట్లు) ఉన్నారు. ఇక ఇప్పుడు వారిని అధిగమించి ఇంగ్లాండ్ ఆల్‌రౌండర్ సామ్ కర్రన్(రూ.18.5 కోట్లు) టాప్ ప్లేస్‌కు చేరాడు. ఒక్క అతడే కాదు.. వరల్డ్ కప్ విన్నర్స్ మరో ఇద్దరు కూడా భలే ధర పలికారు. మరి అసలు ఐపీఎల్ చరిత్రలో ఎక్కువ ధరకు అమ్ముడుపోయిన ఆటగాళ్లు ఎవరో ఇప్పుడు చూసేద్దాం.

• సామ్ కర్రన్:

ఈ ఇంగ్లీష్ ఆల్‌రౌండర్‌ నక్క తోక తొక్కాడని చెప్పొచ్చు. మినీ వేలంలో జాక్‌పాట్ కొట్టాడు. ఐపీఎల్ చరిత్రలోనే అత్యధిక ధరకు అమ్ముడైన ప్లేయర్‌గా రికార్డు సృష్టించాడు. ఇతడ్ని పంజాబ్ కింగ్స్ రూ. 18.5 కోట్లకు దక్కించుకుంది. ఇక ఐపీఎల్ కెరీర్ విషయానికొస్తే.. ఇప్పటిదాకా 32 మ్యాచ్‌లు ఆడిన కర్రన్ బ్యాట్‌తో 337 పరుగులు, బంతితో 41 వికెట్లు సాధించాడు.

• కామెరాన్ గ్రీన్:

ఈ ఆస్ట్రేలియన్ ఆల్‌రౌండర్‌కు అంతర్జాతీయ అనుభవం తక్కువే. అలాగే ఇప్పటిదాకా ఐపీఎల్‌ కూడా ఆడలేదు. అయితేనేం ఈ సంవత్సరం అతడు ఆడిన కొన్ని టీ20 మ్యాచ్‌ల్లోని విధ్వంసకర ఇన్నింగ్స్‌లు ఫ్రాంచైజీలను ఆకర్షించాయి. అంతే! మినీ వేలంలో కాసుల వర్షం కురిపించారు. కామెరాన్ గ్రీన్‌ను రూ. 17.50 కోట్లకు ముంబై ఇండియన్స్ దక్కించుకుంది. దెబ్బకు ఐపీఎల్ చరిత్రలో రెండో అత్యధిక ధర పలికిన ఆటగాడిగా రికార్డుల్లోకి ఎక్కాడు.

• బెన్ స్టోక్స్:

ఈ ఇంగ్లాండ్ ఆల్‌రౌండర్.. తన జట్టుకు టీ20 వరల్డ్‌కప్ అందించడంలో కీలక పాత్ర పోషించాడు. అతడి ఫామ్ బట్టి మినీ వేలంలో అత్యధిక ధర పలుకుతాడని అందరూ అనుకున్నారు. సరిగ్గా అదే నిజమైంది. చెన్నై సూపర్ కింగ్స్ రూ. 16.25 కోట్లకు బెన్ స్టోక్స్‌ను దక్కించుకుంది. అలాగే స్టోక్స్ 2024లో ధోని వారసుడిగా కెప్టెన్సీ పగ్గాలు చేపట్టే అవకాశం కూడా ఉంది. ఈ రేటుతో స్టోక్స్ ఐపీఎల్ చరిత్రలో మూడో అత్యధిక ధర పలికిన ఆటగాడిగా నిలిచాడు.

• క్రిస్ మోరిస్:

ఈ దక్షిణాఫ్రికా ఆల్‌రౌండర్ 2021 మెగా ఆక్షన్‌లో అత్యధిక ధరకు అమ్ముడయ్యాడు. ఆ సమయంలో రాజస్తాన్ రాయల్స్ రూ. 16.25 కోట్లకు మోరిస్‌ను దక్కించుకుంది. అయితే అతడు మాత్రం ఆశించిన స్థాయిలో ప్రదర్శన కనబరచలేదు. మోరిస్ ఐపీఎల్ హిస్టరీలో అత్యధిక ధర పలికిన నాలుగో ఆటగాడు.

• నికోలస్ పూరన్:

ఈ మాజీ సన్‌రైజర్స్ ప్లేయర్.. 15వ ఎడిషన్ ఐపీఎల్‌లో విఫలమయ్యాడు. అలాగే టీ20 వరల్డ్‌కప్‌లోనూ తుస్సుమనిపించాడు. అయితేనేం.. ఈసారి జరిగిన మినీ వేలంలో మరోసారి తన సత్తా చాటి అత్యధిక ధరకు అమ్ముడయ్యాడు. లక్నో సూపర్ జెయింట్స్ రూ. 16 కోట్లకు పూరన్‌ను దక్కించుకుంది. తద్వారా అతడు ఐపీఎల్ హిస్టరీలో అత్యధిక ధర పలికిన ఆటగాళ్ళ జాబితాలో ఐదో స్థానంలో నిలిచాడు.

• యువరాజ్:

టీమిండియా మాజీ ఆల్‌రౌండర్‌ను ఐపీఎల్ 2015 వేలంలో ఢిల్లీ డేర్‌డెవిల్స్ రూ. 16 కోట్లకు దక్కించుకుంది. తద్వారా యువరాజ్ సింగ్ ఐపీఎల్ చరిత్రలో అత్యధిక ధర పలికిన ఆటగాళ్ల లిస్టులో ఐదో స్థానాన్ని పూరన్‌తో పంచుకున్నాడు.

సీజన్ల వారీ అత్యధిక ధర పలికిన ప్లేయర్స్: