IPL 2022: ఔటివ్వలేదని అంపైర్‌పై అలిగిన చాహల్‌.. సూర్యకుమార్‌ ఎలా బుజ్జగించాడో మీరే చూడండి..

RR vs MI: ఐపీఎల్‌ 2022లో భాగంగా శనివారం (ఏప్రిల్‌30) రాత్రి ముంబై ఇండియన్స్‌, రాజస్తాన్‌ రాయల్స్‌ జట్లు హోరాహోరీగా తలపడ్డాయి. ముంబైలోని డీవై పాటిల్‌ స్టేడియం వేదికగా జరిగిన ఈ మ్యాచ్‌లో ముంబై 5 వికెట్ల తేడాతో రాజస్థాన్‌పై విజయం సాధించింది. తద్వారా టోర్నీలో మొదటి విజయాన్ని రుచి చూసింది. ముందుగా బ్యాటింగ్‌ చేసిన రాజస్థాన్‌ నిర్ణీత 20 ఓవర్లలో 6 వికెట్ల నష్టానికి 158 పరుగులు చేసింది. ఆతర్వాత ఛేదనకు దిగిన ముంబై 19.2 ఓవర్లలో ఐదు వికెట్లు కోల్పోయి లక్ష్యాన్ని అందుకుంది. సూర్యకుమార్‌ (39 బంతుల్లో 51; 5 ఫోర్లు, 2 సిక్స్‌లు) స్ఫూర్తిదాయక ఇన్నింగ్స్‌ ఆడి ప్లేయర్‌ ఆఫ్‌ ది మ్యాచ్‌ పురస్కారం అందుకున్నాడు. కాగా ఈ మ్యాచ్‌లో ముంబై ఇండియన్స్‌ బ్యాటింగ్‌ సమయంలో ఒక ఆసక్తికర ఘటన చోటుచేసుకుంది. సూర్యకుమార్‌, తిలక్‌వర్మ బ్యాటింగ్‌ చేస్తుండగా 8 ఓవర్‌లో స్పిన్నర్‌ యుజువేంద్ర చాహల్‌ బంతి అందుకున్నాడు. ఆ ఓవర్‌ చివరి బంతిని సూర్యకుమార్‌ స్వీప్‌షాట్‌ ఆడే ప్రయత్నం చేయగా మిస్‌ అయింది. బంతి సూర్య ప్యాడ్లను తాకుతూ వెళ్లింది. దీంతో చహల్‌ గట్టిగా ఔట్‌ అప్పీల్‌ చేయగా.. ఫీల్డ్‌ అంపైర్‌ తిరస్కరించాడు. దీంతో చాహల్‌ డీఆర్‌ఎస్‌ కు వెళ్లాడు. రిప్లేలోనూ బంతి ప్యాడ్లను తాకుతూ ఆఫ్‌స్టంప్‌ పైనుంచి వెళుతున్నట్లు కనిపించింది. దీంతో థర్డ్‌​అంపైర్‌ కూడా నాటౌట్‌ ప్రకటించాడు.

కాగా థర్డ్‌​ అంపైర్‌ నిర్ణయంతో షాక్‌ తిన్నాడు చాహల్‌. ఎంతో నిరాశకు గురయ్యాడు. ఫీల్డ్‌ అంపైర్‌ను తదేకంగా చూస్తూ అలాగే నిలబడిపోయాడు. ఆ తర్వాత సూర్యకుమార్‌ వచ్చి చహల్‌కు హగ్‌ ఇచ్చాడు. ‘ఈసారికి పోనీలే.. మరోసారి ప్రయత్నించు’ అంటూ ఓదార్చాడు. దీంతో తన ఫీల్డింగ్‌ స్థానానికి వెళ్లిపోయాడు చాహల్‌. దీనికి సంబంధించిన వీడియో సోషల్‌ మీడియాలో వైరల్‌గా మారింది. కాగా సూర్యచెప్పిన మాటలను నిజం చేస్తూ 15 ఓవర్‌లో అతనిని పెవిలియన్‌కు పంపించాడీ స్పిన్‌ బౌలర్‌. ఈమ్యాచ్‌ మొత్తం మీద 4 ఓవర్లు వేసిన యుజువేంద్ర 33 పరుగులు ఇచ్చి ఒక వికెట్‌ తీశాడు. ఇక ఈ సీజన్‌లో అతను బంతితో అద్భుతంగా రాణిస్తున్నాడు. ఇప్పటివరకు 9 మ్యాచ్‌లు ఆడిన అతను 19 వికెట్లు పడగొట్టాడు. పర్పుల్‌ క్యాప్‌ రేసులో అందరికంటే ముందు వరుసలో ఉన్నాడు.

pic.twitter.com/RqRV7p0zPc

— Patidarfan (@patidarfan) April 30, 2022

మరిన్ని క్రీడావార్తల కోసం క్లిక్ చేయండి..

Also Read:

Viral Video: సమ్మర్‌లో సూపర్‌ టెక్నిక్‌.. వీడియో చూస్తే పడి పడి నవ్వాల్సిందే..

IPL 2022: రెండు పరుగులకే రోహిత్‌ ఔట్‌.. నిరాశలో మునిగిపోయిన సతీమణి రితిక.. అశ్విన్‌ భార్య ఎలా ఓదార్చిందో మీరే చూడండి..

Manjima Mohan: మంజిమాపై బాడీ షేమింగ్‌ కామెంట్లు.. తనదైన శైలిలో సమాధానమిచ్చిన మలయాళ ముద్దుగుమ్మ..