IPL 2022: రవీంద్ర జడేజా అర్థం చేసుకోలేదు.. కానీ ధోని అవకాశం ఇచ్చాడు.. ఇప్పుడతను ఒక సంచలనం..!
IPL 2022: ఐపీఎల్‌లో ప్రస్తుతం చెన్నై పర్వాలేదు. వరుస ఓటముల తర్వాత ఇప్పుడు విజయాలు సాధిస్తుంది. చెన్నై కెప్టెన్ రవీంద్ర జడేజా కెప్టెన్సీ నుంచి తప్పుకోవడంతో ధోని ఆ బాధ్యతలు తీసుకున్నాడు.
IPL 2022: ఐపీఎల్‌లో ప్రస్తుతం చెన్నై పర్వాలేదు. వరుస ఓటముల తర్వాత ఇప్పుడు విజయాలు సాధిస్తుంది. చెన్నై కెప్టెన్ రవీంద్ర జడేజా కెప్టెన్సీ నుంచి తప్పుకోవడంతో ధోని ఆ బాధ్యతలు తీసుకున్నాడు. ఆదివారం సన్‌రైజర్స్‌తో జరిగిన మ్యాచ్‌లో ధోనీ అధ్వర్యంలో చెన్నై విజయం సాధించింది. ఈ మ్యాచ్‌లో రవీంద్ర జడేజా పట్టించుకోని ఒక ఆటగాడికి ధోనీ అవకాశం ఇచ్చాడు. అతడు న్యూజిలాండ్‌కు చెందిన ఎడమచేతి బ్యాట్స్‌మెన్ డెవాన్ కాన్వే. ఈ సీజన్‌లో మొదటి మ్యాచ్‌ ఆడిన తర్వాత మళ్లీ అతడికి అవకాశం రాలేదు. ఏడు మ్యాచ్‌లు పెవిలియన్‌కే పరిమితమయ్యాడు. ఈ ఏడాది మెగా వేలంలో కాన్వాయ్‌ను కోటి రూపాయలకు చెన్నై కొనుగోలు చేసింది. ఈ ఆటగాడు కోల్‌కతా నైట్ రైడర్స్‌పై IPL అరంగేట్రం చేశాడు కానీ కేవలం మూడు పరుగులు మాత్రమే చేశాడు.
చెన్నై కెప్టెన్సీలోకి ధోని తిరిగి వచ్చాక అతను కాన్వాయ్‌కు అవకాశం ఇచ్చాడు. ఈ బ్యాట్స్‌మెన్ ధోనీని నిరాశపరచలేదు. ఓపెనింగ్ భాగస్వామి రితురాజ్ గైక్వాడ్‌తో కలిసి ఇన్నింగ్స్ ప్రారంభించాడు. ఈ సీజన్‌లో వీరిద్దరు కలిసి అత్యధిక పార్టనర్ షిప్‌ నమోదు చేశారు. తొలి వికెట్‌కు 185 పరుగుల భాగస్వామ్యాన్ని నెలకొల్పారు. హైదరాబాద్‌పై ఇదే అతిపెద్ద భాగస్వామ్యం. చెన్నైకి అతిపెద్ద ఓపెనింగ్ భాగస్వామ్యం కూడా ఇదే. హైదరాబాద్ బలమైన బౌలింగ్‌ని వీరిద్దరు బలంగా ఎదుర్కొని ధీటుగా స్కోరు చేశారు. అయితే గైక్వాడ్ ఔట్ అయ్యి కేవలం ఒక్క పరుగు తేడాతో సెంచరీ మిస్ చేసుకున్నాడు. కానీ కాన్వే ఔట్ కాలేదు. 85 పరుగులతో నాటౌట్‌గా నిలిచాడు. ఈ బ్యాట్స్‌మన్ 55 బంతులు ఎదుర్కొన్నాడు. ఎనిమిది ఫోర్లు, నాలుగు సిక్సర్లు బాదాడు.
టీ20 కెరీర్
కాన్వే టీ20 కెరీర్ చూస్తే న్యూజిలాండ్ తరఫున ఇప్పటి వరకు 20 మ్యాచ్‌లు ఆడి 602 పరుగులు చేశాడు. నాలుగుసార్లు 50 మార్క్‌ను దాటాడు. అతని అత్యధిక స్కోరు 99 నాటౌట్. అతను ఈ పరుగులు గత సంవత్సరం క్రైస్ట్‌చర్చ్‌లో ఆస్ట్రేలియాపై చేశాడు. అంతేగాక తన జట్టు కోసం మూడు ODIలు ఆడాడు. ఏడు టెస్ట్ మ్యాచ్‌లు ఆడాడు. వన్డేల్లో 225 పరుగులు చేయగా టెస్టుల్లో 767 పరుగులు చేశాడు.
మరిన్ని ఐపీఎల్ వార్తలకి ఇక్కడ క్లిక్ చేయండి
Summer Tour: మద్యప్రదేశ్‌లోని అందమైన హిల్‌ స్టేషన్లు.. వేసవి పర్యటనకి సూపర్..!
New Labour Code: జూలై 1 నుంచి పనిలో పెద్ద మార్పు.. కొత్త లేబర్ కోడ్ అమల్లోకి వచ్చే అవకాశం..!
IPL 2022: ధోని మాటలు విన్నాడు.. ఇప్పుడు ‘హీరో’ అయ్యాడు..
