David Warner: ‘ఇకపై వార్నర్‌ను ఆరెంజ్ జెర్సీలో చూడటం ఇదే చివరిసారి’..

ఎస్‌ఆర్‌హెచ్‌ యాజమాన్యం వ్యవహారశైలి చూస్తుంటే తెర వెనుక ఏదో జరుగుతున్నట్లు అనిపిస్తోందని.. వార్నర్‌ను సాగనంపేందుకు...

  • Ravi Kiran
  • Publish Date - 6:56 pm, Mon, 3 May 21
David Warner: 'ఇకపై వార్నర్‌ను ఆరెంజ్ జెర్సీలో చూడటం ఇదే చివరిసారి'..

IPL 2021: సన్‌రైజర్స్‌ హైదరాబాద్‌ మాజీ కెప్టెన్ డేవిడ్ వార్నర్‌ను ఇకపై ఆరెంజ్ జెర్సీలో చూడలేమని ఎస్ఆర్ హెచ్ మాజీ బౌలర్ డెయిల్ స్టెయిన్ సందేహాన్ని వ్యక్తం చేశాడు. ఎస్‌ఆర్‌హెచ్‌ యాజమాన్యం వ్యవహారశైలి చూస్తుంటే తెర వెనుక ఏదో జరుగుతున్నట్లు అనిపిస్తోందని.. వార్నర్‌ను సాగనంపేందుకు యోచిస్తున్నారని అనుకున్నట్లు తెలిపాడు.

యాజమాన్యం తీసుకున్న నిర్ణయానికి డేవిడ్ వార్నర్ ప్రశ్నించాడో.? లేదో.? తెలియదు.. మనీష్ పాండే విషయంలో మాత్రం తను ఎలాంటి నిర్ణయం తీసుకోలేదని వార్నర్ అన్నాడు. కొన్నిసార్లు పరిస్థితులు చేయి దాటిపోతాయి. మొత్తానికి ఎస్ఆర్ హెచ్ యాజమాన్యం తెర వెనుక పెద్ద ప్లాన్ రచిస్తోందని స్టెయిన్ పేర్కొన్నాడు.

కాగా, వరుస ఓటముల నేపధ్యంలో సన్ రైజర్స్ యాజమాన్యం డేవిడ్ వార్నర్ ను తొలుత కెప్టెన్సీ నుంచి తప్పించింది. ఆ తర్వాత తుది జట్టులో చోటు ఇవ్వలేదు. దీనిపై అభిమానులు మండిపడుతున్నారు. టీం వైఫల్యాలకు వార్నర్ ను ఇంతలా అవమానించాలా.? అంటూ ప్రశ్నిస్తున్నారు. వార్నర్ స్థానంలో నబీని తుది జట్టులోకి తీసుకుని తగిన మూల్యం చెల్లించుకున్నారంటూ కామెంట్స్ చేస్తున్నారు. ఈ క్రమంలోనే డెయిల్ స్టెయిన్ తన అభిప్రాయాన్ని తాజా ఇంటర్వ్యూలో పంచుకున్నాడు.

Also Read: Viral: ఆకలి మీదున్న సింహం వేట.. నోటికి చిక్కిన అడవి దున్న.. గగుర్పొడిచే దృశ్యాలు..