IND vs PAK T20 WC Result: బుమ్రా, అర్షదీప్‌ల ఊచకోత.. ఉత్కంఠ మ్యాచ్‌లో రోహిత్ సేనదే విజయం..

India vs Pakistan, T20 world Cup 2024: టీ-20 ప్రపంచకప్‌లో 120 పరుగుల లక్ష్యాన్ని ఛేదించేందుకు పాకిస్థాన్‌‌కు టీమిండియా ఎటువంటి ఛాన్స్ ఇవ్వలేదు. పాక్ జట్టు 7 వికెట్లకు 113 పరుగులు మాత్రమే చేయగలిగింది. టీ-20 ఇంటర్నేషనల్‌లో భారత్ డిఫెండ్ చేసిన అతి తక్కువ స్కోరు ఇదే కావడం విశేషం.

చివరి ఓవర్లో పాకిస్థాన్ విజయానికి 18 పరుగులు అవసరం కాగా, ఈ ఓవర్లో అర్ష్దీప్ 11 పరుగులు ఇచ్చాడు. దీంతో పాకిస్థాన్‌పై భారత్ 6 పరుగుల తేడాతో విజయం సాధించింది.

జస్ప్రీత్ బుమ్రా అద్భుతంగా బౌలింగ్ చేశాడు. పాకిస్థాన్‌కు 2 ఓవర్లలో 21 పరుగులు అవసరం కాగా, 19వ ఓవర్‌ను తీసుకొచ్చారు. 3 పరుగులు మాత్రమే ఇచ్చి ఇఫ్తికార్ వికెట్ కూడా తీశాడు.

టాస్ గెలిచిన పాకిస్థాన్ భారత్‌ను బ్యాటింగ్‌కు ఆహ్వానించింది. దీంతో టీమిండియా 119 పరుగులకు ఆలౌటైంది. టీ20 ఇంటర్నేషనల్‌లో పాకిస్థాన్‌పై భారత్ తొలిసారి ఆలౌట్ అయింది.

స్వల్ప స్కోరును ఛేదించే క్రమంలో పాకిస్థాన్ విజయం దిశగా సాగుతుంది. అయితే, బుమ్రా 15వ ఓవర్ తొలి బంతికి రిజ్వాన్‌ను బౌల్డ్ చేశాడు. ఆ తర్వాత జట్టుపై ఒత్తిడి పెరిగింది. చివరకు లక్ష్యాన్ని చేరుకోలేకపోయింది.

ఇరు జట్లు:

భారత్ (ప్లేయింగ్ XI): రోహిత్ శర్మ(కెప్టెన్), విరాట్ కోహ్లీ, రిషబ్ పంత్(కీపర్), సూర్యకుమార్ యాదవ్, శివమ్ దూబే, హార్దిక్ పాండ్యా, రవీంద్ర జడేజా, అక్షర్ పటేల్, జస్ప్రీత్ బుమ్రా, మహ్మద్ సిరాజ్, అర్ష్‌దీప్ సింగ్.

పాకిస్థాన్ (ప్లేయింగ్ XI): మహ్మద్ రిజ్వాన్(కీపర్), బాబర్ ఆజం(కెప్టెన్), ఉస్మాన్ ఖాన్, ఫఖర్ జమాన్, షాదాబ్ ఖాన్, ఇఫ్తికర్ అహ్మద్, ఇమాద్ వసీం, షాహీన్ అఫ్రిది, హరీస్ రవూఫ్, నసీమ్ షా, మహ్మద్ అమీర్.

మరిన్ని క్రీడా వార్తల కోసం ఇక్కడ క్లిక్ చేయండి..