IND vs NZ: ఒకేరోజు రెండు మ్యాచ్‌లు.. రాంచీలో మెన్స్ టీం.. సౌతాఫ్రికాలో ఉమెన్స్ టీం.. కివీస్‌తో ఢీ కొట్టనున్న భారత్..
U19 W T20 World Cup: రేపు భారత్ వర్సెస్ న్యూజిలాండ్ టీంలు రెండుసార్లు తలపడనున్నాయి. ఒకటి మహిళల అండర్ 19లో సెమీఫైనల్ మ్యాచ్ కాగా, రెండోది మెన్స్ టీ తొలి టీ20లో తలపడనున్నాయి.
Updated on: Jan 26, 2023 | 3:09 PM
అండర్-19 మహిళల టీ20 ప్రపంచకప్ సెమీఫైనల్‌లో భారత్, న్యూజిలాండ్, ఇంగ్లండ్, ఆస్ట్రేలియా జట్లు సెమీఫైనల్‌కు చేరుకున్నాయి. శుక్రవారం సెమీ ఫైనల్ మ్యాచ్‌లు జరగనుండగా, భారత్‌తో న్యూజిలాండ్, ఆస్ట్రేలియాతో ఇంగ్లండ్ తలపడనున్నాయి. బుధవారం జరిగిన ఏకపక్ష పోటీలో వెస్టిండీస్‌ను ఇంగ్లాండ్ ఓడించి సూపర్ సిక్స్‌ల గ్రూప్ 2లో అగ్రస్థానానికి చేరుకుంది. న్యూజిలాండ్ కంటే ముందుంది. సెమీ ఫైనల్‌లో ఇంగ్లండ్ గ్రూప్ 1లోని రెండో జట్టు ఆస్ట్రేలియాతో తలపడనుంది. మరోవైపు తొలి సెమీస్‌లో భారత్‌తో న్యూజిలాండ్ తలపడనుంది.
అదే సమయంలో, బంగ్లాదేశ్ యూఏఈపై తిరుగులేని విజయాన్ని నమోదు చేసింది. అయితే నెట్ రన్ రేట్ పరంగా గ్రూప్ 1లో ఆస్ట్రేలియా కంటే ముందుకు వెళ్లలేకపోయింది. గ్రూప్ 1లో భారత్ అగ్రస్థానంలో నిలిచింది. రెండు సెమీఫైనల్స్‌లో విజేతలు ఆదివారం పోచెఫ్‌స్ట్రూమ్‌లో జరిగే ఫైనల్‌లో తలపడతాయి. దక్షిణాఫ్రికా, యూఏఈ, స్కాట్లాండ్‌లను ఓడించి గ్రూప్-డిలో భారత్ అగ్రస్థానంలో నిలిచింది.
గ్రూప్ 1లో భారత్ అగ్రస్థానం..
సూపర్ సిక్స్ రౌండ్ ప్రారంభంలో, ఆస్ట్రేలియా చేతిలో భారత్ కేవలం 87 పరుగులకే ఆలౌట్ అయింది. అయితే తర్వాతి మ్యాచ్‌లో శ్రీలంకను ఏడు వికెట్ల తేడాతో ఓడించి అద్భుతంగా పునరాగమనం చేసింది. దీంతో సెమీ ఫైనల్స్‌లో స్థానం ఖాయం అయింది. భారత్‌కు వైస్ కెప్టెన్ శ్వేతా సెహ్రావత్ బ్యాట్‌తో చాలా కీలకంగా మారింది. ఐదు ఇన్నింగ్స్‌ల్లో 231 పరుగులతో అత్యధిక పరుగులు చేసిన రెండో ప్లేయర్‌గా నిలిచింది. దీంతో పాటు లెఫ్ట్ ఆర్మ్ స్పిన్నర్ మన్నత్ కశ్యప్, లెగ్ స్పిన్నర్ పార్శ్వి చోప్రా కూడా గణనీయమైన సహకారం అందించారు.
సెమీ ఫైనల్స్ షెడ్యూల్:
శుక్రవారం, జనవరి 27: భారత్ vs న్యూజిలాండ్
శుక్రవారం, జనవరి 27: ఇంగ్లాండ్ vs ఆస్ట్రేలియా
సాయంత్రం రాంచీలో పురుషుల పోరు..
టీ20 ప్రపంచకప్ సూపర్ సిక్స్‌లో ఆస్ట్రేలియా చేతిలో భారత్ ఓటమిని చవిచూడాల్సి వచ్చింది. ఆ తర్వాత శ్రీలంకపై పునరాగమనం చేసిన భారత్ విజయం నమోదు చేసి సెమీఫైనల్‌కు చేరుకుంది. శుక్రవారం మధ్యాహ్నం 1.30 గంటలకు భారత్, న్యూజిలాండ్ మధ్య ప్రపంచకప్ మ్యాచ్ జరగనుంది. 6 గంటల తర్వాత హార్దిక్ పాండ్యా బృందం సాయంత్రం రాంచీలో మైదానంలోకి దిగనుంది.
మరిన్ని క్రికెట్ వార్తల కోసం ఇక్కడ క్లిక్ చేయండి..
