భారత్తో వన్డే సిరీస్కు ఇంగ్లాండ్ జట్టు ఇదే.. కెప్టెన్గా యువ సంచలనం.. 16 ఏళ్లకే ఛాన్స్ కొట్టేసిన ప్లేయర్..!
England ODI Squad: ప్రస్తుతం జరుగుతున్న టీ20 సిరీస్ జోరు చూస్తుంటే, రాబోయే వన్డే సిరీస్ కూడా క్రికెట్ ప్రేమికులకు అసలైన మజాను అందించడం ఖాయంగా కనిపిస్తోంది. యువ కెప్టెన్ల ఆధ్వర్యంలో బరిలోకి దిగుతున్న ఇరు జట్లలో ఏ జట్టు సిరీస్ కైవసం చేసుకుంటుందో చూడాలి.
Updated on: Jul 03, 2026 | 7:46 PM
England ODI Squad: భారత్, ఇంగ్లాండ్ మధ్య జరుగుతున్న టీ20 సమరం ముగియగానే ఇరు జట్లు వన్డే పోరుకు సిద్ధం కానున్నాయి. జులై 14 నుంచి ప్రారంభం కానున్న ఈ ఎంతో ఆసక్తికరమైన 3 మ్యాచ్ల వన్డే సిరీస్ కోసం ఆతిథ్య ఇంగ్లాండ్ క్రికెట్ బోర్డు తమ 16 మంది సభ్యులతో కూడిన అత్యంత బలమైన జట్టును అధికారికంగా ప్రకటించింది.
యువ రక్తం, అనుభవాల కలయికతో ఇంగ్లాండ్ వ్యూహాలు..
భారత గడ్డపై సత్తా చాటడమే లక్ష్యంగా ఇంగ్లాండ్ క్రికెట్ బోర్డు సరికొత్త వ్యూహాలతో వన్డే జట్టును ఎంపిక చేసింది. ఈ జట్టుకు యువ సంచలనం హ్యారీ బ్రూక్ సారథ్యం వహించనున్నాడు. జట్టులో సీనియర్ ఆటగాళ్లతో పాటు ప్రతిభావంతులైన యువ ఆటగాళ్లకు సమానంగా అవకాశం కల్పించారు. ముఖ్యంగా జోఫ్రా ఆర్చర్, జాకోబ్ బెథెల్, బెన్ డకెట్, విల్ జాక్స్ వంటి విధ్వంసకర ఆటగాళ్లతో ఇంగ్లాండ్ బ్యాటింగ్, బౌలింగ్ విభాగాలు ఎంతో బలంగా కనిపిస్తున్నాయి. ఇదే సమయంలో యువ ఆల్రౌండర్ జేమ్స్ కోల్స్కు తొలిసారిగా జాతీయ వన్డే జట్టులో చోటు దక్కడం విశేషం. కేవలం 16 ఏళ్ల వయసులోనే ససెక్స్ తరఫున అరంగేట్రం చేసిన ఆల్రౌండర్ జేమ్స్ కోల్స్కు జట్టులో చోటు దక్కింది.
ఇదికూడా చదవండి: ఇంగ్లాండ్తో రెండో టీ20 సమరం.. టీమిండియాకు 2 శుభవార్తలు, ఒక డేంజరస్ అలర్ట్.!
స్టార్ బ్యాటర్కు షాక్.. జట్టు నుంచి అవుట్..!
ఈ సిరీస్ సెలెక్షన్లో ఇంగ్లాండ్ మేనేజ్మెంట్ కొన్ని కఠిన నిర్ణయాలు కూడా తీసుకుంది. గత కొంతకాలంగా పేలవమైన ఫామ్తో సతమతమవుతున్న స్టార్ ఓపెనర్ జాక్ క్రాలేపై వేటు పడింది. ఇప్పటికే టెస్ట్ జట్టులో స్థానం కోల్పోయిన ఆయన, ఇప్పుడు వన్డే జట్టు నుంచి కూడా తప్పుకోవాల్సి వచ్చింది. ఇప్పటివరకు ఆడిన 9 వన్డేల్లో కేవలం 25.6 సగటుతో 205 రన్లు మాత్రమే చేయడంతో సెలెక్టర్లు అతని స్థానంలో యువ ఆటగాళ్లకు ప్రాధాన్యత ఇచ్చారు.
ఇంగ్లాండ్ పూర్తి వన్డే జట్టు ఇదే:
హ్యారీ బ్రూక్ (కెప్టెన్), రెహాన్ అహ్మద్, జోఫ్రా ఆర్చర్, గస్ అట్కిన్సన్, టామ్ బాంటన్, జాకోబ్ బెథెల్, జోస్ బట్లర్, జేమ్స్ కోల్స్, సామ్ కరన్, లియామ్ డాసన్, బెన్ డకెట్, విల్ జాక్స్, సాకిబ్ మహమూద్, ఆదిల్ రషీద్, జో రూట్, జోష్ టంగ్.
గిల్ నేతృత్వంలో బరిలోకి దిగుతున్న టీమిండియా..
మరోవైపు భారత క్రికెట్ నియంత్రణ మండలి (బీసీసీఐ) ఇప్పటికే యువ ఓపెనర్ శుభ్మన్ గిల్ సారథ్యంలో 15 మంది సభ్యులతో కూడిన బలమైన భారత జట్టును ప్రకటించింది. ఈ జట్టులో రోహిత్ శర్మ, విరాట్ కోహ్లీ వంటి సీనియర్లతో పాటు శ్రేయస్ అయ్యర్, కేఎల్ రాహుల్ లాంటి అనుభవజ్ఞులు మిడిలార్డర్కు బలాన్ని ఇస్తున్నారు. జస్ప్రీత్ బుమ్రా నేతృత్వంలోని పేస్ విభాగం ఇంగ్లాండ్ బ్యాటర్లకు గట్టి సవాల్ విసిరేందుకు సిద్ధంగా ఉంది.
వన్డే సిరీస్ పూర్తి షెడ్యూల్:
మొదటి వన్డే: జులై 14 – ఎడ్జ్బాస్టన్
రెండవ వన్డే: జులై 16 – కార్డిఫ్
మూడవ వన్డే: జులై 19 – లార్డ్స్.
మరిన్ని క్రికెట్ వార్తల కోసం ఇక్కడ క్లిక్ చేయండి..
