IND vs NZ: తొలి వన్డేకు టీమిండియా ప్లేయింగ్ XI ఫిక్స్..? ఫస్ట్ 5 ప్లేస్‌లు చూస్తే కివీస్‌కు ముచ్చెమటలే..!

India Probable Playing XI vs New Zealand: న్యూజిలాండ్‌తో ఐదు వన్డేల సిరీస్ నవంబర్ 4న ఆక్లాండ్‌లోని ఈడెన్ పార్క్‌లో మొదలవుతోంది. తొలి మూడు వన్డేలకు భారత రెగ్యులర్ ఆటగాళ్లందరూ అందుబాటులో ఉన్నారు. దీంతో తొలి మ్యాచ్‌కు టీమిండియా సంభావ్య ప్లేయింగ్ XI దాదాపు ఖరారైనట్లు కనిపిస్తోంది. ఆ జట్టు ఎలా ఉండొచ్చో చూద్దాం.

Ind Vs Nz 1st Odi Playing 11

Venkata Chari |
Updated on: Nov 03, 2026 | 7:00 PM

IND vs NZ 1st ODI Playing XI: టీ20 సిరీస్ తర్వాత భారత్ ఇప్పుడు న్యూజిలాండ్‌తో ఐదు వన్డేల సిరీస్ ఆడనుంది. తొలి వన్డేకు ముందు ఆటగాళ్లంతా సన్నాహాల్లో నిమగ్నమయ్యారు. కివీస్‌ను ఈ ఫార్మాట్‌లో ఓడించడం సులువు కాదు.

టాప్-4 బ్యాటర్లలో మార్పు లేనట్లే..

తొలి వన్డేలో భారత బ్యాటింగ్ ఆర్డర్ దాదాపు సెట్ అయినట్లు కనిపిస్తోంది. ఓపెనింగ్‌లో కెప్టెన్ శుభ్‌మన్ గిల్ (Shubman Gill)తో పాటు అనుభవజ్ఞుడైన రోహిత్ శర్మ (Rohit Sharma) బరిలోకి దిగడం ఖాయం. వెస్టిండీస్‌తో జరిగిన మూడు వన్డేల సిరీస్‌లో ఈ ఇద్దరూ అద్భుతంగా రాణించారు. అయితే విదేశీ గడ్డపై, న్యూజిలాండ్‌లో రోహిత్ ఎలా ఆడతాడనే దానిపై ఆసక్తి నెలకొంది.

ఎక్కువమంది చదివినది: W,W,W,W,W,W,W,W,W.. ఒకే ఇన్నింగ్స్‌లో 9 వికెట్లతో చెలరేగిన టీమిండియా ప్లేయర్..!

మూడో స్థానంలో విరాట్ కోహ్లీ (Virat Kohli) ఆడతాడు. వెస్టిండీస్‌పై సెంచరీ చేసిన కోహ్లీ నుంచి కివీస్‌పై కూడా ధనాధన్ ఇన్నింగ్స్ ఆశిస్తున్నారు. వైస్ కెప్టెన్ శ్రేయస్ అయ్యర్ (Shreyas Iyer) నాలుగో స్థానంలో వస్తాడు. 2026 ఆసియా క్రీడల కారణంగా అతడు వెస్టిండీస్ సిరీస్‌లో ఆడలేదు.

మిడిలార్డర్‌లో రాహుల్, అక్షర్, నితీశ్, నమన్..

టాప్-4 తర్వాత ఐదో స్థానంలో వికెట్ కీపర్ కేఎల్ రాహుల్ (KL Rahul) రావచ్చు. గత వన్డే సిరీస్‌లో అతడికి ఒక్క ఇన్నింగ్స్ మాత్రమే దక్కింది. ఆ ఇన్నింగ్స్‌లో సెంచరీ చేశాడు. స్పిన్ ఆల్‌రౌండర్ అక్షర్ పటేల్ (Axar Patel)ను ఆరో స్థానంలో పంపే అవకాశం ఉంది.

పేస్ బౌలింగ్ ఆల్‌రౌండర్‌గా నితీశ్ కుమార్ రెడ్డి (Nitish Kumar Reddy) ఆడటం ఖాయంగా కనిపిస్తోంది. వేగంగా పరుగులు చేయడంతో పాటు ఆఫ్ స్పిన్ కూడా వేసే నమన్ ధీర్ (Naman Dhir)కు కూడా చోటు దక్కవచ్చు.

బౌలింగ్ విభాగం..

భారత స్క్వాడ్‌లో ఏకైక స్పెషలిస్ట్ స్పిన్నర్ కుల్దీప్ యాదవ్ (Kuldeep Yadav). తొలి వన్డేలో అతడు ఆడే అవకాశం ఉంది. కుల్దీప్ స్పిన్‌కు కివీస్ బ్యాటర్లు ఇబ్బంది పడవచ్చు. పేస్ విభాగంలో అనుభవజ్ఞుడైన మహమ్మద్ సిరాజ్ (Mohammed Siraj)తో పాటు గుర్నూర్ బ్రార్ (Gurnoor Brar)కు చోటు దక్కవచ్చు. గుర్నూర్ ఉండటం వల్ల బ్యాటింగ్ డెప్త్ కూడా పెరుగుతుంది.

ఎక్కువమంది చదివినది: Rohit Sharma: కివీస్‌తో వన్డే సిరీస్‌.. రోహిత్ ముందు 5 భారీ మైలురాళ్లు.. ఆ క్లబ్‌లో తొలి బ్యాటర్‌గా రికార్డ్..?