IND Vs AUS: సిడ్నీ టెస్టుకు ముందు ఆసీస్ మాస్టర్ స్కెచ్.. జట్టులోకి వరల్డ్కప్ విన్నర్.. ఎవరంటే.?
వరల్డ్ టెస్ట్ ఛాంపియన్ షిప్ ఫైనల్ స్పాట్ లైన్లో ఉంది. చివరి టెస్ట్ గెలవడం అటు భారత్, ఇటు ఆస్ట్రేలియాకు చాలా కీలకం. ఈ క్రమంలోనే ఆస్ట్రేలియా జట్టులో కీలక మార్పులు చోటు చేసుకున్నాయి. మరి అదేంటో ఇప్పుడు తెలుసుకుందామా మరి.
Updated on: Jan 02, 2025 | 8:54 AM
సిడ్నీ టెస్టుకు ఆస్ట్రేలియా తమ ప్లేయింగ్ ఎలెవన్ని ప్రకటించింది. ఆస్ట్రేలియా జట్టులో పలు కీలక మార్పులు చోటు చేసుకున్నాయి. గత నాలుగు టెస్టుల నుంచి పేలవ ప్రదర్శన కనబరుస్తున్న ఆల్రౌండర్ మిచెల్ మార్ష్ను తొలగించి.. అతడి స్థానంలో వరల్డ్కప్ విన్నర్ను తీసుకుంది. ఇక జనవరి 3 నుంచి సిడ్నీ వేదికగా భారత్-ఆస్ట్రేలియా మధ్య బోర్డర్ గవాస్కర్ ట్రోఫీ సిరీస్లోని చివరి టెస్టు ప్రారంభం కానుంది. ఇప్పటివరకు ఈ సిరీస్లో ఆస్ట్రేలియా 2-1తో ఆధిక్యంలో ఉంది.
మిచెల్ మార్ష్ స్థానంలో వెబ్స్టర్
పెర్త్ టెస్టులో ఓటమి తర్వాతే బ్యూ వెబ్స్టర్ 15 మంది ప్రాబబుల్స్లో చోటు దక్కించుకున్నాడు. ఆ సమయంలో మిచెల్ మార్ష్కు గాయం కాగా.. వెబ్స్టర్ బ్యాకప్గా జట్టులో చేరాడు. అయితే మార్ష్ గాయం అంత తీవ్రంగా లేకపోవడం.. అతడికి మరో ఛాన్స్ ఇవ్వడంతో.. మిగిలిన టెస్టులలోనూ ఆస్ట్రేలియా టీమ్ మేనేజ్మెంట్ మార్ష్నే ఆడించాలని నిర్ణయించింది. కానీ వరుసగా మూడు టెస్టుల నుంచి ఫెయిల్ అవుతుండటంతో మార్ష్ స్థానంలో చివరి టెస్టుకు వెబ్స్టర్ అరంగేట్రం చేయనుంది.
బ్యూ వెబ్స్టర్ అరంగేట్రం..
ప్రస్తుతం జరుగుతున్న బోర్డర్-గవాస్కర్ ట్రోఫీలో మిచెల్ మార్ష్ 7 ఇన్నింగ్స్లలో 10.42 సగటుతో కేవలం 73 పరుగులు మాత్రమే చేశాడు. బౌలింగ్లోనూ 6 ఇన్నింగ్స్ల్లో 3 వికెట్లు తీశాడు. ఈ పేలవమైన ప్రదర్శన కారణంగా చివరి టెస్టులో మార్ష్ స్థానంలో మరొకరికి అవకాశాన్ని ఇచ్చింది ఆస్ట్రేలియా టీమ్ మేనేజ్మెంట్. ఇక ఈ ఫామ్తో మిచిల్ మార్ష్ను తక్కువ అంచనా వేయలేం. ఎందుకంటే.. ఆస్ట్రేలియా వన్డే ప్రపంచకప్ గెలవడంతో మార్ష్ కీలక పాత్ర పోషించాడు. ఆ సమయంలో అతడు 10 మ్యాచ్లలో 2 సెంచరీలు, 1 అర్ధ సెంచరీతో 441 పరుగులు చేశాడు. మరోవైపు, బ్యూ వెబ్స్టర్ విషయానికొస్తే, అతడు టెస్టుల్లో అరంగేట్రం చేసిన 469వ ఆస్ట్రేలియన్ ప్లేయర్గా బరిలోకి దిగనున్నాడు. మార్చి 2022 నుంచి ఫస్ట్ క్లాస్ క్రికెట్ ఆడుతున్న వెబ్స్టర్ బ్యాటింగ్ సగటు 57.10. అదే సమయంలో 31.70 సగటుతో 81 వికెట్లు పడగొట్టాడు.
సిడ్నీ టెస్టు కోసం ఆస్ట్రేలియా ప్లేయింగ్ XI..
సామ్ కాన్స్టాస్, ఉస్మాన్ ఖవాజా, మార్నస్ లబూషేన్, స్టీవ్ స్మిత్, ట్రావిస్ హెడ్, బ్యూ వెబ్స్టర్, అలెక్స్ క్యారీ, పాట్ కమిన్స్, మిచెల్ స్టార్క్, నాథన్ లియోన్, స్కాట్ బోలాండ్
మరిన్ని క్రికెట్ వార్తల కోసం ఇక్కడ క్లిక్ చేయండి
