Viral: ఒకే ఓవర్లో 5 సిక్సులు బాదిన రూ. 13 కోట్ల ప్లేయర్.. ఆనందంలో సన్రైజర్స్ హైదరాబాద్..
Harry Brook Viral Video: న్యూజిలాండ్ ఎలెవన్ వర్సెస్ ఇంగ్లండ్ మధ్య జరుగుతున్న రెండు రోజుల వార్మప్ మ్యాచ్లో హ్యారీ బ్రూక్ ఒక ఓవర్లో వరుసగా ఐదు సిక్సర్లు బాదాడు.
Updated on: Feb 08, 2023 | 9:15 PM
IPL 2023: ఇంగ్లండ్ స్టార్ బ్యాట్స్మెన్ హ్యారీ బ్రూక్ మరోసారి తన అద్భుతమైన ఫామ్లో కనిపించాడు. ఈసారి ఒకే ఓవర్లో ఐదు సిక్సర్లు కొట్టాడు. హామిల్టన్లోని సెడాన్ పార్క్లో న్యూజిలాండ్ XIతో జరుగుతున్న రెండు రోజుల వార్మప్ మ్యాచ్లో అతను ఈ ఫీట్ సాధించాడు. బ్రూక్ భారత సంతతికి చెందిన ఆఫ్-స్పిన్నర్ ఆదిత్య అశోక్ను లక్ష్యంగా చేసుకుని ఒకదాని తర్వాత ఒకటిగా ఐదు సిక్సర్లు బాదాడు. బ్రూక్ ఈ సిక్స్ల వీడియో సోషల్ మీడియాలో ఎక్కువగా వైరల్ అవుతోంది.
వరుసగా ఐదు సిక్సర్ల వీడియో..
సోషల్ మీడియాలో వైరల్ అవుతున్న ఈ వీడియోలో, బ్రూక్ తన మొదటి సిక్స్ను ఆన్ సైడ్ వైపు కొట్టడాన్ని మీరు చూడొచ్చు. ఆ తర్వాత, అతను బ్యాక్ఫుట్పై వెళ్లి లెగ్ సైడ్ వైపు రెండవ సిక్స్ కొట్టాడు. ఆ తర్వాత మరోసారి ధీటుగా బ్యాట్ ఝుళిపించి మూడో సిక్స్ బాదాడు. మరోసారి బ్యాక్ఫుట్పై వెళ్లి నాలుగో సిక్స్ కొట్టాడు. అదే సమయంలో, అతను చివరి సిక్స్ కోసం స్టెప్స్ ఉపయోగించాడు. బ్రూక్ 55 బంతుల్లో వరుసగా 5 సిక్సర్లు కొట్టే ముందు 56 పరుగులతో బ్యాటింగ్ చేస్తున్నాడు.
బ్రూక్ సెంచరీ మిస్సయ్యాడు..
Harry Brook 5 consecutive sixes!
NZ XI v England
(?: @BLACKCAPS ) Scorecard:https://t.co/ckhKiwlz2L Youtube link: https://t.co/OCqTYw8mbT pic.twitter.com/XaJn9x9aDa
— Rampy (@RiserTweex) February 8, 2023
ఈ మ్యాచ్లో బ్రూక్ తన సెంచరీని కోల్పోయాడు. 71 బంతుల్లో 7 ఫోర్లు, 9 సిక్సర్ల సాయంతో 97 పరుగులు చేశాడు. ఇందులో అతని స్ట్రైక్ రేట్ 136.62గా ఉంది. బ్రూక్ని ఫాస్ట్ బౌలర్ జార్రోడ్ మెక్కే బాధితుడిగా చేశాడు. ఈ మ్యాచ్లో తొలి ఇన్నింగ్స్లో బ్యాటింగ్కు దిగిన ఇంగ్లండ్ 465 పరుగులు చేసింది.
సన్రైజర్స్ హైదరాబాద్లో ఆనందం..
బ్రూక్ ఈ ఇన్నింగ్స్ చూసి సన్ రైజర్స్ హైదరాబాద్లో సంతోషం వెల్లివిరిసింది. ఐపీఎల్ 2023 కోసం జరిగిన మినీ వేలంలో హైదరాబాద్ బ్రూక్ను రూ.13.25 కోట్ల భారీ ధరకు కొనుగోలు చేసింది. ఇంతకు ముందు కూడా ఇలాంటి కొన్ని ఇన్నింగ్స్లు క్రీడాభిమానుల హృదయాలను గెలుచుకున్నాయి.
ముఖ్యంగా, రావల్పిండిలో పాకిస్థాన్తో ఆడుతున్నప్పుడు అతను తన మొదటి టెస్ట్ సెంచరీని సాధించాడు. ఆ మ్యాచ్లో 80 బంతుల్లో సెంచరీ పూర్తి చేశాడు. ఇప్పటివరకు బ్రూక్ టెస్టు క్రికెట్లో మొత్తం నాలుగు మ్యాచ్లు ఆడాడు. ఈ మ్యాచ్ల్లో 6 ఇన్నింగ్స్ల్లో 80 సగటుతో 480 పరుగులు చేశాడు. ఇందులో అతను మొత్తం 3 సెంచరీలు, హాఫ్ సెంచరీ సాధించాడు.
మరిన్ని క్రీడా వార్తల కోసం ఇక్కడ క్లిక్ చేయండి..
