World Chess Rankings: ప్రపంచ చెస్ ర్యాంకింగ్స్‌లో సత్తా చాటిన భారత ఆటగాళ్లు.. టాప్-10లో ముగ్గురు మనోళ్లే..

World Chess Rankings: ప్రపంచ చెస్ ర్యాంకింగ్స్‌లో టాప్-10లో ముగ్గురు భారత చెస్ క్రీడాకారులు కనిపించడం ఇదే తొలిసారి. ఇంటర్నేషనల్ చెస్ ఫెడరేషన్ (FIDE) ప్రచురించిన జులై 2024 ర్యాంకింగ్ జాబితాలో, అర్జున్ ఎరిగైసి 4వ స్థానంలో ఉండగా, డి గుకేష్ 7వ స్థానంలో ఉన్నారు. అదేవిధంగా ఆర్ ప్రజ్ఞానంద 8వ స్థానంలో నిలిచారు. ప్రపంచ ర్యాంకింగ్స్‌లో టాప్‌ టెన్‌లో ముగ్గురు భారత చెస్‌ స్టార్లు చేరడం ఇదే తొలిసారి.

అర్జున్‌కి మొత్తం 2778 రేటింగ్ రాగా, గుకేష్‌కి 2763 రేటింగ్ వచ్చింది. అదేవిధంగా ప్రజ్ఞానంద 2757 రేటింగ్‌తో టాప్-10లో నిలిచారు. అతనితో పాటు, ప్రపంచ ఛాంపియన్ విశ్వనాథన్ ఆనంద్ 2751 రేటింగ్‌తో 11వ ర్యాంక్‌లో ఉన్నాడు.

నార్వే చెస్ మేధావి మాగ్నస్ కార్ల్‌సెన్ ఈసారి కూడా అగ్రస్థానాన్ని నిలబెట్టుకున్నాడు. అదే విధంగా అమెరికాకు చెందిన హికారు నకమురా రెండో స్థానంలో ఉండగా, ఫానియానో ​​కరువానా మూడో స్థానంలో ఉన్నారు.

ఏప్రిల్‌లో ప్రచురించిన ర్యాంకింగ్ జాబితాలో అర్జున్ ఎరిగైసి 9వ స్థానంలో నిలిచాడు. ఇప్పుడు మూడు నెలల్లోనే మంచి ప్రదర్శనతో భారత యువ చెస్ స్టార్ పాయింట్ల పట్టికలో 4వ స్థానానికి చేరుకోగలిగాడు.

అదేవిధంగా గతేడాది 2743 రేటింగ్‌తో 16వ స్థానంలో ఉన్న గుకేశ్‌ ఈసారి 2763 పాయింట్లతో 7వ స్థానానికి ఎగబాకాడు. అదేవిధంగా ఏప్రిల్‌లో 14వ ర్యాంకు సాధించిన ఆర్‌ ప్రజ్ఞానంద 2747 మార్కులను 2757 మార్కులకు పెంచుకుని టాప్-10లో నిలిచారు.

మొత్తం మీద ప్రపంచ చెస్ ర్యాంకింగ్స్‌లో టాప్-10లో ముగ్గురు చెస్ మాస్టర్లు నిలవడం, తద్వారా చరిత్రాత్మక విజయం సాధించడం భారత చెస్ చరిత్రలో ఇదే తొలిసారి.

అంతర్జాతీయ చెస్ సమాఖ్య (FIDE) టాప్-10 రేటింగ్..

మాగ్నస్ కార్ల్‌సెన్ (నార్వే) – 2832

హికారు నకమురా (USA) – 2802

ఫాబియానో ​​కరువానా (USA) – 2796

అర్జున్ ఎరిగైసి (భారతదేశం) – 2778

ఇయాన్ నెపోమ్నియాచి (రష్యా) – 2770

నోడిర్బెక్ అబ్దుస్సాత్రోవ్ (ఉజ్బెకిస్తాన్) – 2765

డి గుకేష్ (భారతదేశం) – 2763

ఆర్. ప్రజ్ఞానానంద (భారతదేశం) – 2757

వెస్లీ సో (USA) – 2757

వీ యి (చైనా) – 2755

ప్రపంచ చెస్ ఛాంపియన్‌షిప్‌నకు గుకేష్..

టొరంటోలో జరిగిన క్యాండిడేట్స్ చెస్ టోర్నమెంట్‌లో భారత్‌కు చెందిన గ్రాండ్‌మాస్టర్ డి గుకేష్ ఛాంపియన్‌గా నిలిచాడు. దీని ద్వారా ఈ ఘనత సాధించిన ప్రపంచంలోనే అత్యంత పిన్న వయస్కుడైన చెస్ మాస్టర్‌గా నిలిచాడు. చెస్ పోటీలో గెలుపొందిన రెండో భారతీయుడు కూడా గుకేష్. అంతకుముందు 2014లో ఐదుసార్లు ప్రపంచ ఛాంపియన్ విశ్వనాథన్ ఆనంద్ ఈ ఘనత సాధించాడు.

ఈ విజయంతో 17 ఏళ్లకే ప్రపంచ చెస్ ఛాంపియన్‌షిప్ ఛాలెంజర్‌గా ఆడే అవకాశం దక్కించుకున్న డి గుకేశ్.. డిసెంబర్‌లో ప్రస్తుత ప్రపంచ ఛాంపియన్ చైనాకు చెందిన డింగ్ లిరెన్‌తో పోటీపడనున్నాడు. గుకేష్ ఈ పోటీలో గెలిస్తే, ప్రపంచ చెస్ ఛాంపియన్‌షిప్ ఛాలెంజర్‌లో విజేతగా నిలిచిన ప్రపంచంలోనే అత్యంత పిన్న వయస్కుడైన చెస్ ప్లేయర్‌గా గుర్తింపు పొందుతాడు.

మరిన్ని క్రీడా వార్తల కోసం ఇక్కడ క్లిక్ చేయండి..