Jasprit Bumrah : ఆ మ్యాచ్‏తో టెస్ట్ క్రికెట్ కు బుమ్రా గుడ్ బై ? మాజీ క్రికెటర్ సంచలన కామెంట్స్

Jasprit Bumrah : జస్ ప్రీత్ బుమ్రా గురించి ఒక సంచలన వార్త బయటకు వచ్చింది. టీమిండియా మాజీ క్రికెటర్ ఒకరు, బుమ్రా టెస్ట్ క్రికెట్ నుంచి రిటైర్మెంట్ తీసుకోవచ్చని చెప్పారు. దీనికి కారణాన్ని కూడా వివరించారు. లార్డ్స్ టెస్ట్ మ్యాచ్‌లో 7 వికెట్లు తీసిన భారత జట్టు ఫాస్ట్ బౌలర్, మాంచెస్టర్ టెస్ట్ మ్యాచ్‌లో మాత్రం పూర్తిగా తేలిపోయాడు. జస్ ప్రీత్ బుమ్రా ఈ టెస్ట్ మ్యాచ్ మొదటి ఇన్నింగ్స్‌లో ఇంగ్లాండ్‌పై ఇప్పటివరకు ఒకే వికెట్ తీశాడు. అతను ఆడుతున్నంతసేపు తన రిథమ్ పట్టుకోవడానికి కష్టపడ్డాడు. ఈ సమయంలో అతను పూర్తిగా ఫిట్‌గా కనిపించలేదు, దీనివల్ల తన లెవల్ కు తగ్గట్లు స్పీడుతో బౌలింగ్ చేయలేకపోయాడు. ఇప్పుడు మాజీ క్రికెటర్ మహ్మద్ కైఫ్ అతని గురించి షాకింగ్ వ్యాఖ్యలు చేశారు.

టీమిండియా మాజీ బ్యాట్స్‌మెన్ మహ్మద్ కైఫ్, జస్ ప్రీత్ బుమ్రా గురించి పెద్ద వ్యాఖ్యలు చేశాడు. బుమ్రా త్వరలోనే టెస్ట్ క్రికెట్ నుంచి రిటైర్మెంట్ తీసుకోవచ్చని కైఫ్ అన్నాడు. “టీమిండియా ఫాస్ట్ బౌలర్ జస్ ప్రీత్ బుమ్రా రాబోయే టెస్ట్ మ్యాచ్‌లలో ఆడకపోవచ్చు, అతను రిటైర్మెంట్ కూడా తీసుకోవచ్చు” అని కైఫ్ అన్నాడు. బుమ్రా గాయాలతో బాధపడుతున్నాడని, అందుకే అతను తన రిథమ్ లో కనిపించడం లేదని చెప్పాడు. బుమ్రా చాలా ఆత్మగౌరవం ఉన్న వ్యక్తి అని, ఒకవేళ తను నూటికి నూరు శాతం ఇవ్వలేకపోతే, దేశానికి మ్యాచ్‌లు గెలిపించలేకపోతే, అప్పుడు తనే ఆడనని చెప్తాడని నాకు అనిపిస్తుంది అని కైఫ్ అన్నాడు.

వికెట్లు తీయకపోవడం ఒక విషయం అయితే, మాంచెస్టర్ టెస్ట్‌లో అతను బౌలింగ్ చేసిన వేగం చాలా తక్కువగా ఉందని కైఫ్ అన్నాడు. మాంచెస్టర్ టెస్ట్ మ్యాచ్‌లో వికెట్ కీపర్ అతని బంతిని అందుకోవడానికి ముందుగా డ్రైవ్ చేసి క్యాచ్ పట్టిన తీరు, బుమ్రా పూర్తిగా ఫిట్‌గా లేడని సూచిస్తుంది. బుమ్రా ఫిట్‌గా ఉంటే, అతను ఎప్పుడు కావాలంటే అప్పుడు వికెట్లు తీయగలడని కైఫ్ అన్నాడు. “బుమ్రాలో ఇప్పటికీ దేశం కోసం ఆడే ప్యాషన్ అలాగే ఉంది, కానీ అతను తన శరీరం, ఫిట్‌నెస్‌తో ఓడిపోయాడు. అతని శరీరం సహకరించడం లేదు. కాబట్టి అతను టెస్ట్ క్రికెట్ ఆడటానికి నిరాకరించవచ్చని నాకు అనిపిస్తుంది” అన్నారు.

View this post on Instagram

A post shared by Mohammad Kaif (@mohammadkaif87)

రోహిత్ శర్మ, విరాట్ కోహ్లీ, ఆర్. అశ్విన్ తర్వాత బుమ్రా కూడా టెస్ట్ జట్టులో కనిపించకపోవచ్చని కైఫ్ అన్నాడు. అభిమానులు వీరు లేకుండా టెస్ట్ క్రికెట్ చూడటానికి అలవాటు పడాల్సి ఉంటుంది. కైఫ్ మాట్లాడుతూ.. “నాకు అనిపించినది తప్పు కావాలని నేను కోరుకుంటున్నాను, బుమ్రా టెస్ట్ క్రికెట్‌లో భవిష్యత్తులోనూ ఆడాలి. కానీ ఈ సమయంలో అతను టెస్ట్ క్రికెట్‌ను అస్సలు ఎంజాయ్ చేయడం లేదు, అతని శరీరం అలసిపోయినట్లు కనిపిస్తుంది.” ఈ టెస్ట్ సిరీస్‌లో జస్ ప్రీత్ బుమ్రా ఇప్పటివరకు 13 వికెట్లు తీసినప్పటికీ, మాంచెస్టర్ టెస్ట్ మ్యాచ్‌లో మాత్రం అతను అస్సలు రిథమ్ లో కనిపించడం లేదు.

మరిన్ని క్రికెట్ వార్తల కోసం ఇక్కడ క్లిక్ చేయండి..