Video: వీల్‌చైర్‌లో దర్శనం ఇచ్చిన మాజీ కోచ్.. కట్ చేస్తే.. విరాట్ చేసిన పనికి ఎవరైనా ఫిదా అవ్వాల్సిందే!

ఇండియన్ ప్రీమియర్ లీగ్ (ఐపీఎల్) 2025 సీజన్‌లో జైపూర్ వేదికగా రాజస్థాన్ రాయల్స్ (RR) vs రాయల్ ఛాలెంజర్స్ బెంగళూరు (RCB) మధ్య జరిగే మ్యాచ్‌కు ముందు భావోద్వేగభరితమైన దృశ్యం ఆవిష్కృతమైంది. మ్యాచ్ ప్రారంభానికి ముందు RCB స్టార్ బ్యాటర్ విరాట్ కోహ్లీ, భారత మాజీ ప్రధాన కోచ్, లెజెండరీ కెప్టెన్ అయిన రాహుల్ ద్రవిడ్‌తో పాటు మాజీ బ్యాటింగ్ కోచ్ విక్రమ్ రాథోడ్‌లతో తిరిగి కలిశాడు. జైపూర్‌లోని సవాయ్ మాన్‌సింగ్ స్టేడియంలో RR ఆడబోయే తొలి మ్యాచ్ కావడంతో దీనికి ప్రత్యేకత ఏర్పడింది. RR ఇప్పటివరకు ఐదు మ్యాచ్‌లు ఆడి రెండు విజయాలు, మూడు ఓటములతో పాయింట్ల పట్టికలో ఏడవ స్థానంలో నిలిచింది. వారి చివరి మ్యాచ్ అహ్మదాబాద్‌లో గుజరాత్ టైటాన్స్ చేతిలో ఓటమిపాలైంది.

ఈ సందర్భంలో, గాయంతో బాధపడుతూ వీల్‌చైర్‌లో ఉన్న రాహుల్ ద్రవిడ్‌ను విరాట్ కోహ్లీ దగ్గరకు వెళ్లి పలకరించడం ఒక హృదయాన్ని హత్తుకునే దృశ్యంగా మారింది. ఈ వీడియోను రాజస్థాన్ రాయల్స్ తమ అధికారిక X (మాజీ ట్విట్టర్) ఖాతాలో పంచుకుంది. “నువ్వు చిన్నవాడివైనా లేదా 18వ నంబర్‌లో ఉన్నా, పెహ్లే తో రాహుల్ భాయ్ సే హాయ్ మిల్నా హై” అనే క్యాప్షన్‌తో షేర్ చేయడం నెటిజన్లను ఆకట్టుకుంది. ఇది విరాట్ కోహ్లీ తన గురువు పట్ల కలిగిన గౌరవాన్ని మరోసారి ప్రదర్శించిన మధుర స్మరణగా నిలిచింది.

రాహుల్ ద్రవిడ్ శిక్షకుడిగా భారత క్రికెట్‌కు చేసిన సేవలు మరువలేనివి. ఆయన హయాంలో 2022 నుంచి 2024 మధ్య కాలంలో భారత జట్టు బ్యాటింగ్ కోచ్‌గా విక్రమ్ రాథోడ్ కూడా కీలక పాత్ర పోషించారు. ఈ ద్వయం అద్భుతంగా కలిసి పనిచేసి, బార్బడోస్ వేదికగా జరిగిన 2024 టీ20 ప్రపంచ కప్‌ను భారత జట్టు గెలుచుకోవడంలో కీలక పాత్ర పోషించారు. రాథోడ్ గతంలో భారత్ తరపున ఆరు టెస్టులు కూడా ఆడి మంచి అనుభవాన్ని సంతరించుకున్నారు.

ఈ మ్యాచ్‌కు సిద్ధమవుతున్న జట్ల వివరాలు కూడా ఆసక్తికరంగా ఉన్నాయి. రాజస్థాన్ రాయల్స్ జట్టులో యశస్వి జైస్వాల్, సంజు శాంసన్ (కెప్టెన్, వికెట్ కీపర్), నితీష్ రాణా, రియాన్ పరాగ్, ధృవ్ జురెల్, షిమ్రాన్ హెట్మెయర్, శుభమ్ దూబే, జోఫ్రా ఆర్చర్, మహేశ్ తీక్షణ, తుషార్ దేశ్‌పాండే, ఫర్ఖాల్ శర్మ, యుధ్వీర్ సింగ్ చరక్, కునాల్ సింగ్ రాథోడ్, ఆకాష్ మధ్వల్, క్వేనా మఫాకా, వనిందు హసరంగా, అశోక్ శర్మ, వైభవ్ సూర్యవంశీ వంటి ఆటగాళ్లు ఉన్నారు.

ఇంకో వైపు, రాయల్ ఛాలెంజర్స్ బెంగళూరు జట్టులో ఫిలిప్ సాల్ట్, విరాట్ కోహ్లి, దేవదత్ పడిక్కల్, రజత్ పాటిదార్ (కెప్టెన్), లియామ్ లివింగ్‌స్టోన్, జితేష్ శర్మ (వికెట్ కీపర్), కృనాల్ పాండ్యా, టిమ్ డేవిడ్, భువనేశ్వర్ కుమార్, జోష్ హాజిల్‌వుడ్, యష్ దయాల్, సుయాష్ దర్బ్, సలామ్ బెథెల్, స్వప్నిల్ సింగ్, లుంగి ఎన్గిడి, రొమారియో షెపర్డ్, నువాన్ తుషార, మోహిత్ రాథీ, స్వస్తిక్ చికారా, అభినందన్ సింగ్ వంటి ఆటగాళ్లు చోటు సంపాదించారు.

Whether you’re a young one or number 18, pehle toh Rahul bhai se hi milna hai 💗💗 pic.twitter.com/sfXARNYM4u

— Rajasthan Royals (@rajasthanroyals) April 12, 2025

మరిన్ని ఐపీఎల్ వార్తల కోసం ఇక్కడ క్లిక్ చేయండి..