DC vs KKR, IPL 2024: 7 ఫోర్లు, 7 సిక్సర్లు.. 217 స్ట్రైక్ రైట్‌తో వైజాగ్ తీరంలో ‘నరైన్’ తుపాన్.. వీడియో

సునీల్ నరైన్.. తన మిస్టరీ స్పిన్ తో మేటి బ్యాటర్లను సైతం ముప్పుతిప్పలు పెట్టగల బౌలర్. అయితే ఈ కరేబియన్ ఆల్ రౌండర్ బ్యాట్ తోనూ మెరుపులు మెరిపిస్తాడు. ఐపీఎల్ 2024 16వ మ్యాచ్‌లో ఇలాంటిదే కనిపించింది. ఈ ఎడమచేతి వాటం బ్యాటర్ విశాఖపట్నంలో ఢిల్లీ క్యాపిటల్స్ బౌలర్లను చిత్తు చేశాడు

Sunil Narine

Updated on: Apr 03, 2024 | 10:37 PM

సునీల్ నరైన్.. తన మిస్టరీ స్పిన్ తో మేటి బ్యాటర్లను సైతం ముప్పుతిప్పలు పెట్టగల బౌలర్. అయితే ఈ కరేబియన్ ఆల్ రౌండర్ బ్యాట్ తోనూ మెరుపులు మెరిపిస్తాడు. ఐపీఎల్ 2024 16వ మ్యాచ్‌లో ఇలాంటిదే కనిపించింది. ఈ ఎడమచేతి వాటం బ్యాటర్ విశాఖపట్నంలో ఢిల్లీ క్యాపిటల్స్ బౌలర్లను చిత్తు చేశాడు. కేవలం 21 బంతుల్లో అర్ధ సెంచరీ సాధించాడు. అతని తుఫాను బ్యాటింగ్ కారణంగా, కోల్‌కతా స్కోరు కేవలం 45 బంతుల్లో 100 దాటింది. ఇక్కడ గమనించాల్సిన విషయమేమిటంటే.. మొదటి ఐదు బంతుల్లో నరైన్ తన ఖాతాని కూడా తెరవలేదు. కానీ దీని తర్వాత అతను తన 16 బంతుల్లో పెను విధ్వంసం సృష్టించాడు. ముఖ్యంగా టీమిండియా బౌలర్ ఇషాంత్ శర్మకు చుక్కలు చూపించాడు. నాలుగో ఓవర్లో బౌలింగ్ కు వచ్చిన ఇషాంత్ శర్మను సునీల్ నరైన్ చిత్తు చేశాడు. ఈ ఓవర్‌లో నరైన్ 3 సిక్సర్లు, 2 ఫోర్ల సహాయంతో మొత్తం 26 పరుగులు పిండుకున్నాడు నరైన్. ఇషాంత్ వేసిన తొలి రెండు బంతుల్లో నరైన్ రెండు సిక్సర్లు బాదాడు. మూడో బంతికి ఫోర్‌ వచ్చింది. నాలుగో బంతి డాట్‌ కాగా, ఐదో బంతికి సిక్స్‌, ఆరో బంతికి ఫోర్‌ బాదాడు. దీంతో నరైన్ పవర్ ప్లేలోనే అర్ధ సెంచరీ పూర్తి చేసుకున్నాడు.

కోల్‌కతా నైట్ రైడర్స్ మొదటి 10 ఓవర్లలో 135 పరుగులు చేసింది. ఇప్పటివరకు మొదటి 10 ఓవర్లలో కేకేఆర్ సాధించిన భారీ స్కోర్ ఇదే. నరైన్ ధాటికి కేకేఆర్ జట్టు కేవలం 11 ఓవర్లలో 150 పరుగులకు చేరుకుంది. దీంతో పాటు టీ20 క్రికెట్‌లో నరైన్ తన అత్యుత్తమ స్కోరును కూడా నమోదు చేశాడు. అంతకు ముందు అతని అత్యుత్తమ స్కోరు కేవలం 75 పరుగులు. సునీల్ నరైన్ సెంచరీ చేస్తాడనుకున్నారు. అయితే 85 పరుగుల వద్ద మిచెల్ మార్ష్ బౌలింగ్ లో వెనుదిరిగాడు.

ఇవి కూడా చదవండి

అంతకు ముందు ఢిల్లీ కెప్టెన్ రిషబ్ పంత్ సునీల్ నరైన్ కు జీవనాదానం చేశాడు. ఇషాంత్ శర్మ వేసిన నాలుగో ఓవర్లో నరైన్ ఔటయ్యాడు. బంతి అతని బ్యాట్ అంచుకు తగిలి పంత్ క్యాచ్ పట్టాడు. అయితే అంపైర్ ఔట్ ఇవ్వలేదు లేదా పంత్ సకాలంలో రివ్యూ తీసుకోలేదు. దీంతో ఢిల్లీ క్యాపిటల్స్ తగిన మూల్యాన్ని చెల్లించాల్సి వచ్చింది.