IPL 2024: చెన్నై జట్టుకు భారీ షాక్.. ఐపీఎల్ 2024 నుంచి రూ. 16.25 కోట్ల ప్లేయర్ ఔట్.. కారణం ఏంటంటే?

Ben Stokes out of IPL 2024: 32 ఏళ్ల స్టార్ ఆల్ రౌండర్ బెన్ స్టోక్స్ ఐపీఎల్ 2024 నుంచి తన పేరును ఉపసంహరించుకున్నాడు. ఈ విషయాన్ని చెన్నై సూపర్ కింగ్స్ ఓ పత్రికా ప్రకటన ద్వారా అభిమానులకు తెలియజేసింది. బెన్ స్టోక్స్ తన పనిభారాన్ని అదుపు చేసేందుకు ఈ నిర్ణయం తీసుకున్నాడు. ఐపీఎల్‌కు ముందు భారత్‌లో ఐదు మ్యాచ్‌ల టెస్టు సిరీస్‌ ఆడాల్సి ఉంది. ఆ తర్వాత టీ20 ప్రపంచకప్ కూడా 2024 జూన్‌లో జరగనుంది. దీంతో స్టోక్స్ కీలక నిర్ణయం తీసుకున్నాడు.

chennai-super-kings-all-rounder-ben-stokes

Venkata Chari |
Updated on: Nov 23, 2023 | 7:51 PM

IPL 2024: ఐపీఎల్ 2024 కి ఇప్పటికే సన్నాహాలు మొదలయ్యాయి. దానికి తోడు ఆటగాళ్ల ట్రేడింగ్ ప్రక్రియ కూడా సాగుతోంది. వచ్చే నెల డిసెంబర్ మొదటి వారంలో మినీ వేలం నిర్వహించేందుకు బీసీసీఐ సిద్ధమైంది. కాగా, ఐపీఎల్‌లో అత్యంత విజయవంతమైన జట్టు చెన్నై సూపర్ కింగ్స్‌కు భారీ షాక్ తగిలింది. ఆ జట్టు స్టార్ ప్లేయర్, ఇంగ్లండ్ ఆల్ రౌండర్ బెన్ స్టోక్స్ (Ben Stokes) ఐపీఎల్ తదుపరి ఎడిషన్ నుంచి తన పేరును ఉపసంహరించుకున్నాడు. చీలమండ గాయం కారణంగా స్టోక్ గత ఐపీఎల్‌లో కేవలం 2 మ్యాచ్‌లు మాత్రమే ఆడాడు. ఆ తర్వాత స్టోక్స్ జట్టు తరపున మరో మ్యాచ్ ఆడలేదు. పనిభారం నిర్వహణ కారణంగా తదుపరి ఐపీఎల్‌లో ఆడకూడదని స్టోక్స్ నిర్ణయించుకున్నాడు. ఈ సందర్భంలో, చెన్నై సూపర్ కింగ్స్ ఇప్పుడు వేలానికి ముందు స్టోక్స్ విడుదల చేయబడుతుందో లేదో వేచి చూడాలి.

ఐపీఎల్ నుంచి వైదొలిగిన స్టోక్స్..

32 ఏళ్ల స్టార్ ఆల్ రౌండర్ బెన్ స్టోక్స్ ఐపీఎల్ 2024 నుంచి తన పేరును ఉపసంహరించుకున్నాడు. ఈ విషయాన్ని చెన్నై సూపర్ కింగ్స్ ఓ పత్రికా ప్రకటన ద్వారా అభిమానులకు తెలియజేసింది. బెన్ స్టోక్స్ తన పనిభారాన్ని అదుపు చేసేందుకు ఈ నిర్ణయం తీసుకున్నాడు. ఐపీఎల్‌కు ముందు భారత్‌లో ఐదు మ్యాచ్‌ల టెస్టు సిరీస్‌ ఆడాల్సి ఉంది. ఆ తర్వాత టీ20 ప్రపంచకప్ కూడా 2024 జూన్‌లో జరగనుంది. దీంతో స్టోక్స్ కీలక నిర్ణయం తీసుకున్నాడు.

బెన్ స్టోక్స్‌కు శస్త్రచికిత్స..

ప్రస్తుతం మోకాలి గాయంతో బాధపడుతున్న బెన్ స్టోక్స్‌కు సర్జరీ జరగనుందని కూడా వార్తలు వచ్చాయి. ఇటీవలే ఇంగ్లండ్‌ తరపున వన్డే ప్రపంచకప్‌ ఆడిన స్టోక్స్‌ ప్రత్యేక ప్రదర్శన ఏమీ ఇవ్వలేదు. భారత్‌తో జనవరి 24 నుంచి ప్రారంభమయ్యే ఐదు టెస్టుల సిరీస్‌కు ఫిట్‌గా ఉండేందుకు స్టోక్స్ ఇప్పుడు మోకాలి శస్త్రచికిత్స చేయించుకోనున్నారు.

రూ.16.25 కోట్లు అందుకున్న స్టోక్స్..

ఐపీఎల్‌కు వచ్చిన బెన్ స్టోక్స్‌ను గత వేలంలో చెన్నై ఫ్రాంచైజీ రూ.16.25 కోట్లకు కొనుగోలు చేసింది. కానీ, స్టోక్స్ తనకు వచ్చిన డబ్బుకు న్యాయం చేయలేకపోయాడు. దీంతో వచ్చే నెలలో యూఏఈలో జరిగే షార్ట్ వేలానికి ముందు స్టోక్స్‌ను జట్టు నుంచి తప్పించేస్తారని పుకార్లు వచ్చాయి. ఇప్పుడు స్టోక్స్ స్వయంగా ఐపీఎల్ నుంచి వైదొలిగాడు.